Dagblaðið Vísir - DV - 01.09.2009, Blaðsíða 14

Ríkislögreglustjórinn og sjálfsagt einhverjir fleiri eru með böggum hildar eftir að greint var frá því að hópur
íslenskra mótorhjólastráka megi nú
fara að kenna sig við bifhjólasamtök
sem eru fræg að endemum á heims-
vísu. Svarthöfði er meðvitaður um að í
þessu kunni vissulega að felast ákveð-
in ótíðindi en þó hlýtur að mega fagna
þessu kennitöluflakki Fáfnismanna
þar sem segja má að með því séu
mótorhjólastrákarnir að svara kalli
þeirra sem hafa í kjölfar bankahruns-
ins gert skýlausa kröfu um að allt sé
uppi á borðinu á hinu nýja Íslandi. Í
raun mættu miklu fleiri og þá ef til vill
ekki síst kennitöluflakkarar með hvít-
flibba taka hina svartleðruðu riddara
götunnar sér til fyrirmyndar og hætta
að þykjast vera eitthvað allt annað en
þeir eru.
Draumurinn um hið nýja Ísland sem átti að rísa upp úr rústum hins gamla og spillta virðist því miður hafa
gufað upp áður en pottaglamur Bús-
áhaldabyltingarinnar dó út. Í raun er
hér allt eins og það var áður; stjórn-
málamennirnir eru enn getulausir og
jafnvel enn vitlausari en þeir voru fyrir
hrun, spillingargosar fitna á fjósbitum
skilanefnda og embættismannaher-
singin situr sveitt við að stöðva hjól
réttlætisins. Svarthöfði sér þó smá
vonarglætu í þeim köldu móttökum
sem hinir hálfkrýndu íslensku Vítis-
englar hafa fengið og gerir sér vonir
um að í þessu megi greina merki þess
að hin landlæga íslensks þjóðremba,
sem átti nú sinn þátt í að koma okkur
á kaldan klaka, sé á undanhaldi.
Hingað til hefur fólk ekki haldið vatni af hrifningu og monti þegar Íslendingar ná árangri á alþjóðavettvangi.
Nægir í þessu sambandi að nefna
belginginn á Klakanum þegar Kristján
Jóhannsson fékk að góla í Metropo-
litan, þegar útlendingar kveiktu á því
að breimið í Björk væri töff og þegar
Kári Stefánsson steig fram sem mesta
genaséní allra tíma. Samkvæmt þessu
öllu ætti þjóðin nú að brosa hringinn
og grobba sig yfir því að íslenskir smá-
krimmar á mótorhjólum eru við það
að veða fullgildir Vítisenglar. Það er
nefnilega ekki heiglum hent að öðlast
réttinn til þess að bera merki hinna
goðsagnakenndu Hells Angels og
hingað til hafa engir íslenskir hjólar-
aftar náð jafn langt og Fáfnismenn í að
láta þann draum rætast.
Orðspor Hells Angels er slíkt að enginn þarf að efast um að í þeirra röðum leynist margur misjafn sauðurinn
og einhver reytingur er þar af ótíndum
morðingjum og glæpamönnum. Samt
ættu þeir sem nú eru við það að pissa
undir af ótta við Fáfnismenn, með
nýja og allsvakalega kennitölu, að
hafa hugfast að þegar kemur að öllu
öðru en fjárglæfrum standa Íslending-
ar öðrum þjóðum langt að baki.
Íslendingar framleiða til dæm-is verra sjónvarpsefni en flestir aðrir og sömu sögu er að segja um kvikmyndir, tónlist og skáld-
sögur. Allt er þetta betur gert annars
staðar í heiminum en á Íslandi og því
benda allar líkur og tölfræði til þess að
íslenskir Vítisenglar verði meinlausari
og tannlausari en þeir norsku, dönsku
og að maður tali ekki um þá amerísku.
Þannig sér Svarthöfði alls ekki fyrir sér að mettaður eitur-lyfjamarkaðurinn á Íslandi muni sligast undan offram-
boði við þessa nafnabreytingu á vél-
hjólaklúbbi. Og einhvern veginn virð-
ist það ansi fjarlægt að hér muni eldar
brenna og menn falla í skotbardögum
á milli mótorhjólamanna á götum
úti. Íslenskar hjólabullur eru í fyrsta
lagi örugglega allt of latar til þess að
standa í slíku. Sérstaklega þar sem
það er miklu skemmtilegra að hjóla,
hanga í klúbbhúsinu, drekka bjór og
vera töff.
Svarthöfði er vel að sér í heims-bókmenntum og þá sérstak-lega frönsku teiknimyndasög-unum um hann Lukku-Láka
og hina óstýrilátu Dalton-bræður en
um þá var einu sinni sagt að batnandi
englum væri best að lifa. Miðað við
það sem spurst hefur út úr herbúð-
um íslenskra Vítisengla virðast þeir
einmitt vera batnandi. Fáfnismenn
hafa átt það til að vera með dólg en
Svarthöfði heyrði í fréttum haft eftir
aðalspaðanum í hinum íslensku Vít-
isenglum, manni sem heitir Boom,
að félagsskapurinn hefði það efst á
stefnuskrá sinni að hlúa að fjölskyld-
um meðlima sinna.
Ekki ónýtur boðskapur á þessum síðustu og verstu tímum og það frá vígalegu karlmenni í leðri. Batnandi
englum er svo sannarlega best að
lifa.
Batnandi englar
Spurningin
„Á sínum tíma var sagt,
þegar maður
hneykslaðist ofan í tær,
að hinir dauðu myndu
snúa sér við í gröfinni.
Ég vona að bókin valdi
nú engu jarðraski.“ Jón
Baldvin Hannibals-
son hélt tölu í Háskólanum í gær í
tilefni af útkomu Svartbókar
kommúnismans þar sem fjallað er um
afleiðingar kommúnismans í
heiminum.
Mun SvartBókin
Snúa MörguM
koMMúniStuM?
Sandkorn
n Þingmaðurinn óháði Þráinn
Bertelsson er með vanstilltara
móti þessa dagana. Hann skrif-
aði Gísla Baldvinssyni bloggara
harðort bréf sem hefst á orðun-
um „Gísli
atvinnuróg-
beri“. Reiði
þingmanns-
ins er vegna
þess að
Gísli hafði
sagt þing-
manninn
vera á leið-
inni í sinn gamla flokk, Fram-
sóknarflokkinn. Þráinn dregur
hvergi af sér og hótar bloggar-
anum málsókn. Þráinn er ein-
skipa á þingi eftir að hann sneri
baki við Borgarahreyfingunni
og telja flestir að hann gangi
brátt í Samfylkinguna.
n Árni Mathiesen, fyrrverandi
fjármálaráðherra, blómstr-
ar þessa dagana. Ráðherrann
hætti í stjórnmálum fyrir síð-
ustu kosningar eftir að hafa
gengið í gegnum hrunið með
tilheyrandi átökum við Alistair
Darling, fjármálaráðherra
Breta. Víst er að allt þetta reyndi
mjög á Árna. En þessa dagana
væsir ekki um hann. Árni sinnir
nýju starfi sem dýralæknir á
Suðurlandi og fæst við annars
konar skepnur en áður.
n Ólafur F. Magnússon, borgar-
fulltrúi og fyrrverandi borgar-
stjóri, á ekki sjö dagana sæla.
Hann fékk brautargengi í kosn-
ingum undir flaggi Frjálslynda
flokksins en
upp úr sauð
milli hans
og flokks-
bræðra
hans. Eins
og DV
greindi frá
fyrir nokkr-
um miss-
erum er það skoðun Guðjóns
A. Kristjánssonar, formanns
Frjálslyndra, að Ólafur hafi
tekið ófrjálsri hendi þriggja
milljóna króna styrk Reykja-
víkurborgar til borgarstjórn-
arflokksins. Nú íhugar forysta
Frjálslyndra að kæra borgarfull-
trúann til efnahagsbrotadeildar
ríkislögreglustjóra fyrir þjófnað.
n Einn öflugasti nýliðinn á Al-
þingi er Björn Valur Gíslason,
togaraskipstjóri frá Ólafsfirði
og liðsmaður Vinstri grænna.
Björn Valur er auðvitað þekkt-
ur aflamaður en einnig hefur
hróður hans
borist víða
vegna að-
ildar hans
að hljóm-
sveitinni
Roðlaust og
beinlaust
sem starf-
rækt hefur
verið um borð í skipi hans,
Kleifabergi ÓF. Lög sveitarinn-
ar hafa farið víða og notið vin-
sælda. Hermt er að Björn Valur
hafi ekki átt von á því að kom-
ast inn á þing og það hafi verið
honum umhugsunarefni að
taka á sig þá gríðarlegu launa-
skerðingu sem því fylgir.
LyngHáLS 5, 110 Reykjavík
Útgáfufélag: Útgáfufélagið Birtíngur ehf.
Stjórnarformaður: Hreinn Loftsson
framkvæmdaStjóri: elín Ragnarsdóttir
ritStjórar:
jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
elísabet austmann, elisabet@birtingur.is
dv á netinu: dv.iS
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: dv. Prentvinnsla: Landsprent. dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„Ég held að
þegar leikmenn
okkar líta til
baka á keppnina geti þeir
verið montnir af því að
hafa verið hérna og spilað
gegn bestu liðum Evrópu.“
n Sigurður Ragnar Eyjólfsson, þjálfari
kvennalandsliðsins, eftir síðasta leik liðsins á EM.
- Morgunblaðið
„Ég er dofinn.
Kannski kemur
sjokkið síðar.“
n Gunnar Jósefsson, eigandi
Laugarásvídeós, sem eyðilagðist í
bruna um helgina. - dv.is
„Þarna var líka
unglingsstrákur,
vinnumaður,
með buxurnar á
hælunum sem hljóp í
ofboði undan gríðarstór-
um kalkúna.“
n Dr. Gunni um heimsókn sína í dýragarðinn í
Slakka. - eyjan.is/goto/drgunni
„Það hegðaði sér
enginn eins og
íslensku útrásar-
víkingarnir.“
n Guðmundur Franklín Jónsson athafnamaður
um þá forríku menn sem voru allt í kringum hann
á Wall Street þegar hann vann þar. - DV
„Mannorð mitt og heiðar-
leiki verður ekki
dregið í efa nú
frekar en fyrr.“
n Ólafur F. Magnússon
borgarfulltrúi um ásakanir Frjálslynda
flokksins um meintan fjárdrátt hans. - Vísir
Spilling Alþingis
Leiðari
Helgi Bernódusson, skrif-stofustjóri Alþingis, og aðr-ir stjórnendur þingsins eru útverðir spillingar á Íslandi.
Þeir gæta þess vandlega að fjölmiðl-
ar fái ekki upplýsingar um útlagðan
kostnað vegna alþingismanna. Leynd-
arhjúpur hinna spilltu hefði átt að víkja
þegar fjárhagur lýðveldisins hrundi á
sínum tíma. En það er öðru nær. Þess
er vandlega gætt að fjölmiðlar komist
ekki á snoðir um það sem fram fer að
tjaldabaki. Þegar spurt er um kostnað-
argreiðslur til þingmanna af almanna-
fé er því mætt með fyrirlitningu eða
þögn. Fjöldi þingmanna fylgir sett-
um reglum í starfi sínu og er til sóma.
Vafi leikur á um aðra. Nýlegt dæmi um
drukkinn þingmann í pontu sýnir það virð-
ingarleysi sem á sér stað. Aðrir þingmenn
voru tilbúnir til þess að hylma yfir með þing-
manninum og umbera drykkjuraus í hjarta
lýðveldisins. Þetta heitir samtrygging.
DV spurði þingmanninn Sigmund Erni
Rúnarsson hvort hann hefði reynt að velta
kostnaði vegna bílaleigubíla og gistingar í
heimabæ sínum yfir á þjóðina. Hann hefur
ekki svarað þeim spurningum fremur en
öðrum. Þingmaðurinn, sem komst inn á
þeim forsendum að hann væri fulltrúi nýja
Íslands, er á kafi í leyni-
makki, ýmist drukkinn eða
ódrukkinn. Spurningar DV
til hans fela ekki í sér stað-
hæfingu þess að hann hafi
reynt að innheimta kostn-
að sem hann á að bera per-
sónulega. En þögn hans
og flótti frá svörum benda
til þess að óhreint mjöl sé
í pokahorninu. Óskiljan-
legt er að skrifstofa Alþing-
is skuli ekki svipta hulunni
af kostnaðargreiðslum til
þingmanna. Lítil von er til
þess að siðvæðing komi
í kjölfar hrunsins meðan
innan þingsins grasserar
það sjónarmið að flest skuli vera falið. DV
hefur ítrekað spurt skrifstofu Alþingis um
kostnaðargreiðslurnar en fengið afsvar.
Það eina sem blaðið hefur heyrt bitastætt
frá þinginu er að þar var áskrift á DV sagt
upp.
reynir trauStaSon ritStjóri Skrifar: Fjöldi þingmanna fylgir settum reglum.
bókStafLega
14 þriðJudagur 1. SepTemBeR 2009 umræða