Dagblaðið Vísir - DV - 01.09.2009, Blaðsíða 17

Terry á fyrir salTi í grauTinn Fyrirliði Chelsea, John Terry,
hefur skrifað undir nýjan fimm ára samning við Lundúnafélagið og er því
samningsbundinn því út tímabilið 2014. Eftir að Terry neitaði með
semingi risatilboði Manchester City í sumar fóru samningaviðræður
af stað milli hans og Chelsea og hafa þær nú endað með 160,000
punda launatékka á viku. Það jafngildir 32,6 milljónum króna á
viku. Terry er 28 ára og uppalinn hjá Chelsea en hann er fyrirliði
liðsins og enska landsliðsins.
Kimi horfir Til
monza
Finnska ökuþórnum Kimi Raikkonen
tókst loks að vinna sigur í Formúlu 1
þegar hann kom fyrstur í mark á
Ferrari-fák sínum á Spa-brautinni í
Belgíu um helgina. Það var hans
fyrsti sigur í 20 mótum en þessi
pollrólegi Finni staldrar lítið við sinn
fjórða sigur á Spa-brautinni og er
farinn að horfa til næstu keppni á
Monza á Ítalíu. „Það verður erfið
keppni fyrir okkur. Bíllinn okkar er
ekki jafngóður og aðrir í beygjunum
en það er mikilvægt að vera hraður í
þeim á Monza. Það verður að vera
hægt að keyra eins hratt og maður
getur í beygjunum en eins og
staðan er erum við ekki klárir í það.
Við munum samt reyna að finna út
úr því,“ segir Raikkonen sem endaði í
níunda sæti - stigalaus - á Ítalíu í
fyrra.
BuTTon vill
vinna afTur
Jenson Button hjá Brawn er enn
efstur í stigakeppni ökumanna í
Formúlu 1 með þægilega sextán
stiga forystu. Hann hefur þó ekkert
getað að undanförnu og sankað
aðeins að sér ellefu stigum í síðustu
fimm keppnum. Sigur hans í sex af
fyrstu sjö mótum ársins heldur
honum þó á toppnum. Hann veit að
ellefu stig úr fimm síðustu keppnun-
um gætu jafnvel tryggt honum
titilinn en hann vill ekki verða
heimsmeistari þannig. „Árangur
minn til að byrja með er að halda
mér á toppnum. En ég verð að fara
að vinna aftur. Ég veit alveg að mér
dugar stigasæti meira og minna það
sem eftir er en ég vil vinna
keppnirnar og til þess er ég nú
hérna,“ segir forystusauðurinn
Jenson Button.
UMSJón: TóMaS ÞóR ÞóRðaRSon, tomas@dv.is
sporT 1. SEpTEMBER 2009 þriðjudagur 17
Lán til íbúðakaupa
Lán til endurbóta og viðbygginga
Aukalán vegna sérþarfa (skert starfsorka)
Úrræði í greiðsluvanda
Barca sTyrKir
vörnina
Barcelona fjárfesti í gær í úkraínska
varnarmanninum Dmytro Chygr-
ynskiy sem skrifaði undir fimm ára
samning við Spánar- og Evrópu-
meistarana. Chygrynskiy hefur leikið
aðalhlutverkið í vörn Shakhtar
Donetsk í heimalandinu en það varð
Evrópumeistari félagsliða í maí eftir
sigur á Werder Bremen. Barcelona
þarf að punga út 25 milljónum Evra
fyrir piltinn sem er aðeins 22 ára
gamall. Hann er þriðji leikmaðurinn
sem Barcelona kaupir en hinir tveir
komu báðir frá Inter. Brasilíski
bakvörðurinn Maxwell og sænska
stórstjarnan Zlatan Ibrahimovic.
Gulldrengurinn í NFL-deildinni, leikstjórnandinn Tom Brady, er kominn aftur á fullt eftir
langvarandi meiðsli sem héldu honum frá keppni allt síðasta tímabil. Brady hefur farið afar
vel af stað í undirbúningsleikjunum og liðið unnið báða leikina sem hann hefur spilað.
Þrefaldir meistarar New England
Patriots áttu skelfilegt tímabil í fyrra
í NFL-deildinni en eftir að vera hárs-
breidd frá því að vinna sinn fjórða
titil á sex árum árið 2008 komst liðið
ekki í úrslitakeppnina í fyrra. Ástæð-
an var einföld. Leikstjórnandinn
- líklega sá besti í deildinni - Tom
Brady meiddist illa og var frá allt
síðasta tímabil. Patriots leysti stöðu
hans með varaskeifunni Matt Cassel
sem kom liðinu ekki í úrslitakeppn-
ina en vann sér þó inn risasamning
hjá Kansan City Chiefs fyrir þetta
tímabili.
Með Tom Brady að komast í gang
hefur lið Patriots farið vel af stað á
undirbúningstímabilinu og með
samstarfi hans og útherjans Randys
Moss upp á sitt besta er liðið alltaf
líklegt til afreka.
Ónýtt án Brady
Það sást glögglega í fyrra hversu
Brady er mikilvægur liðinu enda einn
af betri leikstjórnendum sem deildin
hefur séð og í hópi afar fárra manna
sem hafa unnið sjálfa ofurskálina í
þrígang. Varaskeifur liðsins í ár virð-
ast heldur ekki burðugar en eftir þrjá
leiki á undirbúningstímabilinu er
Patriots aðeins búið að tapa einum
leik. Leik sem Tom Brady hvíldi eig-
inlega alveg. Þar tapaði liðið 7-6 gegn
Cincinnati Bengals og skoraði ekki
snertimark.
Hinir tveir leikirnir þar sem Tom
Brady hefur verið í aðalhlutverki
hafa báðir unnist. Gegn Philadelphia
Eagles í fyrstu umferð undirbúnings-
tímabilsins, 27-24, og svo um helgina
í þriðju umferðinni vannst 27-25 sig-
ur á Washington Redskins. Leiknar
eru fjórar vikur af undirbúningsleikj-
um sem eru algjörar generalprufur
áður en sjálf deildin tekur við.
Brady hefur alltaf státað af góðri
prósentu hvað varðar köst á sam-
herja sem heppnast og hann virð-
ist ekki ryðgaður hvað það varðar.
Hann hitti 12 af 19 sendingum sín-
um á samherja um helgina fyrir 150
metrum og kastaði í tvígang fyrir
snertimarki, í bæði skiptin á Randy
Moss en samstarf þeirra hefur verið
ótrúlegt frá því þeir sameinuðust hjá
Patriots. Í fyrstu leikviku hitti hann
10 af 15 sendingum sínum á sam-
herja fyrir 100 metrum og skoraði
einnig tvö snertimörk í 27-25 sigri á
Eagles.
Leiðtoginn hættur
Varnarmaðurinn og harðjaxlinn
Teddy Bruschi sem hefur verið hjá
Patriots undanfarin 13 árin lagði
skóna á hilluna í vikunni. Bruschi
hefur verið leiðtogi varnarinnar hjá
Patriots síðustu árin og ásamt Brady
ein helsta ástæða fyrir velgengni fé-
lagsins. Varnarleikur Patriots var þó
vandamál í fyrra og en vörn liðsins
er almennt talinn of gömul. Þá hef-
ur liðið fyrir utan ágætis varnarleik
gegn slöku liði Bengals fengið á sig
ríflega 20 stig bæði gegn Eagles og
Redsksins á undirbúningstímabilinu
sem mönnum þar á bæ finnst helst til
of mikið.
TÓMAS ÞÓR ÞÓRÐARSON
blaðamaður skrifar: tomas@dv.is
Tom Brady Gífurlega
mikilvægur fyrir patriots.
Randy Moss Vinnur einstaklega vel með Brady. MyNd AFP
Brady að
KomasT í
gírinn