Dagblaðið Vísir - DV - 14.10.2009, Side 16

„Vaðlaheiðargöng eru eitt af nokkr-
um verkefnum sem rætt er um sem
einkaframkvæmd í stöðugleikasátt-
málanum. Að þeim verkefnum er
unnið af fullum krafti,“ segir Kristján
L. Möller samgönguráðherra.
Um níu ár eru frá því að undir-
búningsvinna hófst að jarðgöngum
undir Vaðlaheiði en heiðin skilur að
Eyjafjörð og Fnjóskadal. Kristján seg-
ir að unnið sé með lífeyrissjóðunum
að því að koma að fjármögnun ým-
issa samgöngumannvirkja. Vaðla-
heiðargöng eru þar á meðal en áætl-
að er að þau yrðu um 7,4 kílómetrar
að lengd.
Níu ár í viNNslu
Upphaf undirbúningsvinnu Vaðla-
heiðarganga má rekja til samþykktar
sem gerð var á vegum Eyþings árið
2000, að sögn Ásgeirs Magnússonar,
forstöðumanns fyrir skrifstofu Sam-
taka iðnaðarins á Akureyri. Hann
stýrði í kjölfarið nefnd sem kannaði
fýsileika þess að grafa göng undir
Vaðlaheiði, sem myndi leysa af fjall-
veginn um Víkurskarð. Nefndin mat
alla möguleika Vaðlaheiðarganga og
vann skýrslu um verkefnið.
Í kjölfarið var Greið leið hf. stofn-
að en það er í eigu sveitarfélaga á
svæðinu og nokkurra einkafyrir-
tækja. Ásgeir segir að félagið hafi í
nokkur ár unnið að undirbúningi
verkefnisins; ýmiss konar rannsókn-
arvinnu og fjárhagslegum spekúla-
sjónum. „Til stóð að Greið leið hf.
myndi ráðast í framkvæmd gang-
anna en samkvæmt reglum verður
að bjóða verkefnið út. Því var farin sú
leið að undirbúningsvinnan verður
seld til ríkisins sem mun nota gögnin
til að bjóða verkefnið út. Það er búið
að ganga frá samkomulagi þess efn-
is,“ segir Ásgeir.
GöNGiN í september
Lengi stóð til að framkvæmdin hæf-
ist á næsta ári en efnahagshrunið
hefur sett strik í reikninginn. Krist-
ján treystir sér ekki til að segja til um
hvenær göngin verða að veruleika.
„Einu sinni var ég alltaf spurður hve-
nær ég héldi að Héðinsfjarðargöng-
in opnuðu. Ég sagði alltaf að það
yrði í september,“ segir Kristján létt-
ur í bragði og bætir við. „Ég vil ekki
vera með neina spá um það en vinn-
an með lífeyrissjóðunum er í fullum
gangi,“ segir Kristján.
Spurður hvort göngin séu á ein-
hvern hátt samofin stóriðjufram-
kvæmdum á Bakka, við Húsavík,
segir Kristján að svo sé ekki. „Göng-
in sjálf eru arðbær framkvæmd og
stytta hringveginn um 16 til 18 kíló-
metra,“ segir hann.
uppNám veGNa icesave
Ræða Jóhönnu Sigurðardóttur for-
sætisráðherra á fjármálaráðstefnu
sveitarfélaga í byrjun október renn-
ir stoðum undir orð Kristjáns. „Mér
finnst ánægjulegt að geta sagt frá því
hér að ýmsar stórar samgöngufram-
kvæmdir eru tilbúnar til forvals og
útboða. Þar er um að ræða Suður-
landsveg frá Selfossi til Reykjavíkur,
Vesturlandsveg frá Þingvallavegi að
Hvalfjarðargöngum, Vaðlaheiðar-
göng og fleiri samgönguframkvæmd-
ir,“ sagði hún.
Arnar Sigurmundsson, formað-
ur Landssamtaka lífeyrissjóðanna,
sagði hins vegar í samtali við vefmið-
ilinn Vísi í septemberbyrjun að líf-
eyrissjóðirnir hafi ekki enn skoðað
tiltekin verkefni. „Við viljum að starfs-
hópur stjórnvalda leggi fram hug-
myndir og tillögur sem við svo tök-
um afstöðu til,“ sagði hann og bætti
við að mikilvægt væri að koma hlut-
unum af stað. Í fréttinni kom einnig
fram að annir starfsfólks fjármála-
ráðuneytisins vegna Icesave-málsins
hefðu gert það að verkum að hugsan-
leg aðkoma lífeyrissjóðanna væri að
mestu órædd og með öllu óákveðin.
baldur@dv.is
Miðvikudagur 14. október 200916 norðurland
„Þetta er jákvætt framtak til að styðja
við konur í atvinnurekstri og frum-
kvöðlastarfsemi,“ segir Katrín María
Andrésdóttir, verkefnisstjóri atvinnu-
þróunar hjá Samtökum sveitarfélaga
á Norðurlandi vestra. Hún er ein
þriggja kvenna sem eru í forsvari fyr-
ir Tengslanet kvenna á Norðurlandi
vestra. Stofnfundur félagsins verður
haldinn á Hótel Blönduósi klukkan
átta í kvöld.
Markmið félagsins er að efla sam-
stöðu og samstarf kvenna, auk þess
að efla félagskonur í stjórnunar- og
félagsstörfum sem styrkt geta per-
sónulega og faglega færni þeirra.
Sambærilegt félag er starfandi
á Austurlandi, auk þess sem Félag
kvenna í atvinnurekstri er ein af fyr-
irmyndum Tengslanetsins.
„Reynsla annars staðar frá sýnir
að starf sem þetta hefur jákvæð áhrif
á fyrirtæki kvenna og fagleg störf
þeirra,“ segir Katrín María.
Þann 19. júni, á kvennafrídag-
inn, var haldinn undirbúningsfund-
ur vegna stofnunar Tengslanetsins.
Auk Katrínar Maríu hafa þær Ásdís
Guðmundsdóttir, starfsmaður At-
vinnumála kvenna, og Hjördís Gísla-
dóttir, framkvæmdastjóri Vaxtar-
samnings Norðurlands vestra, haft
veg og vanda af undirbúningi fund-
arins í kvöld.
Katrín María segir að í störfum
sínum hafi þær orðið varar við þörf-
ina fyrir aukið og nánara samstarf
kvenna.
Í sumar sendu þær út netkönn-
un til kvenna í landshlutanum þar
sem þær spurðust fyrir um áhuga á
félagsskap sem þessum. Um 60 kon-
ur svöruðu könnuninni. „Við höfum
fengið mjög góð viðbrögð og þetta
lítur virkilega vel út,“ segir Katrín
María.
Meðal þess sem kosið verður um
í kvöld er nafn á félagið. Auk þess
verður kosið í stjórn og varastjórn, og
vonast Katrín María eftir sem flestum
framboðum.
erla@dv.is
Stofnfundur Tengslanets kvenna á Norðurlandi vestra er í kvöld:
Jákvæður samtakamáttur kvenna
Eftirspurn til staðar
Katrín María Andrésdóttir
segist hafa orðið vör við
þörfina fyrir félagsskap
sem þennan. Stofnfundur-
inn hefur verið í undirbún-
ingi síðan í sumar.
Íslenska ríkið ræðir nú við lífeyrissjóðina um fjármögnun á Vaðlaheiðargöngum. Undirbúningur að göng-
unum hefur staðið í níu ár. Kristján L. Möller samgönguráðherra vill ekki spá fyrir um hvenær göngin verða
að veruleika en segir unnið að málinu hörðum höndum.
„Ég sagði alltaf að það
yrði í september.“
„Göngin sjálf eru arðbær“ Kristján vill
ekki spá fyrir um hvenær Vaðlaheiðar-
göng verða að veruleika.
„uNNið af
fullum krafti“
Vaðlaheiðargöng í vinnslu
Samgönguráðherra segir að
ríkið ræði nú við lífeyrissjóðina
um fjármögnun á ýmsum sam-
göngumannvirkjum. Vaðlaheið-
argöng eru þar á meðal.