Dagblaðið Vísir - DV - 14.10.2009, Qupperneq 22

Miðvikudagur 14. október 200922 norðurland
Kristján Þórir Kristjánsson, eigandi veitingastaðarins Rub 23 á
Akureyri, segir marga fúlsa við sushi í fyrstu en flestir kolfalli fyrir
þessum ferska mat þegar þeir komist á bragðið. Kristján gefur hér
lesendum auðvelda uppskrift að bleikjuforrétti fyrir fjóra.
Bleikja tempura með asísku salati
og unagi-sósu
300 gr bleikja
Tempura mix (Hagkaup)
Skerið bleikjuna í strimla og dýfið í
tempuradeigið og djúpsteikið.
Unagi-sósa
100 ml soyasósa
100 ml mirin
100 gr sykur
Soðið saman í 5 mín.
Asískt-salat
Agúrka, radísur, wakame-þari, sultaður
engifer, vorlaukur, sesamfræ,
klettasalat. Skorið í fallega bita og dressað
með soyasósu, sesamolíu og soyaolíu.
„Það er klárlega sushi-æði í gangi,“
segir matreiðslumaðurinn Kristj-
án Þórir Kristinsson en Kristján er
eigandi sjávarréttastaðarins Rub 23
ásamt Einari Geirssyni en veitinga-
staðurinn er í Listagilinu á Akur-
eyri. Kristján Þórir getur ekki útskýrt
óvæntar vinsældir sushi en er skilj-
anlega ánægður með vinsældirnar.
„Sushi er hollur,
ferskur og góð-
ur matur og það
virðist vera tísku-
bylgja í gangi. Er
þetta bara ekki
eins og allt ann-
að og kemur og
fer í bylgjum?“
Að sögn Kristjáns er veitingastaður-
inn Rub23 eini sushi-staðurinn utan
höfuðborgarsvæðisins. Enn fremur
segir hann staðinn þann eina sem
bjóði upp á sushi-pitsu. „Að mínu
viti erum við þeir einu á landinu ef
ekki í Evrópu sem framleiðum sushi-
pitsu en pitsan er algjört sælgæti,“
segir Kristján sem vill lítið tjá sig um
innihald pitsunnar enda um hern-
arðarleyndarmál að ræða. Kristján
viðurkennir að margir fúlsi við sushi
í fyrstu en segir flesta verða yfir sig
hrifna þegar þeir komist á bragðið.
„Margir halda að þetta sterka sjáv-
arbragð komi af ferska fiskinum en
í rauninni er þetta af nori-blaðinu
sem heldur utan um fiskinn en þetta
blað er þurrk-
aður þari sem
kemur frá Japan.
Meginmálið við
sushi er að bjóða
upp á ferskt hrá-
efni og ég er
hræddur um að
þeir sem passi
ekki upp á ferskleikann geti gleymt
því að ætla að reka svona stað,“ seg-
ir hann.
Þrátt fyrir leyndardóma pitsunn-
ar felst Kristján á að gefa lesend-
um einfalda uppskrift að þessum
bleikjurétti en um forrétt fyrir fjóra
er að ræða.
indiana@dv.is
Algjört
sushi-æði Kristján Þórir Kristjánsson og Einar Geirsson matreiðslumenn og eigendur Rub 23 á Akureyri Að sögn Kristjáns er veitingastaðurinn Rub23 eini sushi-staður-inn utan höfuðborgarsvæðisins.
Mynd PEdRoMyndiR
Bleikjuréttur
Að hætti
kristjáns
„Að mínu viti erum við
þeir einu á landinu ef
ekki í Evrópu sem fram-
leiðum sushi-pitsu.“