Dagblaðið Vísir - DV - 12.05.2010, Blaðsíða 17

Ég var fullur tilhlökkunar þegar ég renndi nið-ur á Shell við Vesturlandsveg til að kaupa Latabæjar skyrís frá Kjörís. Ég er nefni-
lega mikill ísmaður og hef alltaf verið. Ég hafði
ekki staðið fyrir framan frystinn lengi þegar ég
rak augun í Sollu stirðu en hún prýðir jarðar-
berjaísinn. Við hlið hennar var Íþróttaálfur-
inn en markmið ferðar minnar var að smakka
þessa nýju vöru frá Kjörís. Ég greip bæði Sollu
og álfinn og keypti, þrátt fyrir að varan væri ekki
verðmerkt í hillu. Verðið kom mér skemmtilega á
óvart. Ísinn kostaði einungis 129 krónur (hvor) sem
verður að teljast nokkuð gott miðað við frostpinna.
Ég ákvað að smakka jarðarberja-ísinn en lét Valgeiri vinnufélaga (sá sem tók myndirnar) eftir að
smakka vanilluísinn. „Þetta er eins
og rjómi sem búið er að frysta,“ sagði
Valli sem gat ekki beðið fram yfir
myndatökuna eftir að fá að smakka.
Hann varð fyrir vonbrigðum og bætti
við að áferðin væri skrýtin og hann væri ekki líklegur til að slá í gegn hjá
börnunum ef þau hefðu samanburð. „Hann fær plús fyrir að vera hollur og
ódýr,“ sagði Valli þegar ég hafði frætt hann um að þetta væri ís úr skyri.
Eins og áður sagði bragðaði ég jarðarberjaísinn. Hann var ekki mjög lystugur þeg-
ar ég opnaði hann; ekkert súkku-
laði á toppnum miklir vatnskrist-
allar voru utan á ísnum. Hann
hafði þó ekki þiðnað að ráði en
líklega hefur hann orðið fyrir
smávægilegu hnjaski. Ég er eig-
inlega sammála Valla. Áferðin er
ekki eins og maður á að venjajst
en mér fannst ísinn alls ekki
vondur. Mér leið þó ekki eins og
ég væri að borða sælgæti þegar
ég borðaði ísinn, enda er skyr
töluvert hollara en ís.
Eftir því sem á „átið“ leið kunni ég betur við ísinn. Ég tók hann smám saman í
sátt en fæ þó ekki af mér að mæla
með honum við vanar ísætur.
Hann er, eins og nafnið ber auð-
vitað með sér, einhvern veginn
mitt á milli þess að vera skyr og
ís. Maður þarf ef til vill að yfirstíga
einhvern andlegan þröskuld, líkt
og þeir þurfa að gera sem venja sig
á að drekka sykurlausa gosdrykki.
Maður þarf að telja sér trú um að
maður megi ekki við því að borða sykraðan ís. Jógúrt- eða skyrís verður lík-
lega aldrei eins og ósvikinn.
Niðurstaða mín, eftir að hafa ráðfært mig við Valla, er ef til vill sú að skyrísinn er sæmilegur sem skyrís. Sem gotterí stenst hann ekki sam-anburð við góðan mjólkur- eða rjómaís, ekki frekar en ís úr jógúrt eða
annar hollustuís. Þetta er diet og bragðast eins og diet.
Skyrísinn mun ábyggilega reynast foreldrum vel í sumar. Hann er frískandi
og eflaust tilvalinn til að gefa ungum börnum sem heimta ís í hverri einustu
sjoppu. Hann er hollari en hefðbundinn ís (15% sykur) en gefur aftur á móti
ekki þá nautn sem góður íspinni veitir á góðum sumardegi.
Það er eiginlega stórmerkilegt að á 21. öldinni skuli ekki vera búið að finna
upp sætuefni sem smakkast eins og sykur. Þangað til verður sykurlaust alltaf
sykurlaust, ef þið skiljið hvað ég meina.
NEYTENDUR 12. maí 2010 MIÐVIKUDAGUR 17
ÁRNI PÁLL Á ÍSAFIRÐI Árni Páll Árnason, félags- og tryggingamálaráð-
herra, er nú í fundaherferð um landið. Næsti viðkomustaður, 15. maí, er Ísa-
fjörður. Á fundunum fjallar hann um skuldastöðu heimilanna, kynnir helstu
úrræði ríkisstjórnarinnar og svarar fyrirspurnum úr sal. Þeir sem hafa einhvers
að spyrja geta því mætt og spurt. Lögfræðingur og ráðgjafi frá Ráðgjafastofu
um fjármál heimilanna verða til viðtals á öllum fundunum sem haldnir verða.
Árni verður svo 17. maí á Akranesi, 18. maí á Reyðarfirði, 19. maí í Hafnarfirði og
20. maí í Iðnó í Reykjavík.
HÆTTULEG LEIKFÖNG Neytendastofa bendir á að víða um
Evrópu hafa leikföng verið innkölluð og tekin af markaði vegna
þess að þau eru hættuleg. Þó leikföngin séu ekki á markaði á Ís-
landi sé ástæða til að vara við leikföngunum. Leikfangagleraugu
sem valda köfnun, grímur með eiturefnum og grímubúningar
sem geta valdið því að börn kyrkjast eru á meðal þeirra leikfanga
sem tekin hafa verið af markaði í Þýskalandi og Finnlandi. Lista yfir
leikföngin má skoða á neytendastofa.is.
Aldrei eins
og alvöru ís
SPARAÐU Í SUMAR
LATABÆJAR SKYRÍS
FRÁ KJÖRÍS
Bragð:
Útlit:
Verð:
NIÐURSTÖÐUR
BALDUR BRAGÐAR
INNIHALDSLÝSING
SKYR (25%): UNDANRENNA, SKYRGERLAR, OSTAHLEYPIR. ÍS: UNDANRENNA, SYKUR, HERT JURTAFITA (MINNA EN 1% TRANSFITU-
SÝRUR) BINDIEFNI (EIN- OG TVÍGLÝCERÍÐ (UNNIÐ ÚR JURTAFITU), NATRÍUMALGÍANT, GÚARGÚMMÍ, KARÓBGÚMMÍ, KARRAGENAN),
NÁTTÚRULEG BRAGÐEFNI (JARÐARBERJA), SALT, NÁTTÚRULEGA LITAREFNI (KARMÍN, ANNATTÓ). NÆRINGARGILDI Í 100G.
268KJ/128KKAL / PRÓTEIN 5,8G, FITA 4,9G, KOLVETNI 15G (ÞAR AF 9G VIÐBÆTTUR SYKUR).
VELDU
HVÍTT KJÖT
SPARAÐU 50%
n Það er yndislegt að grilla yfir
sumartímann. Það getur hins
vegar verið svolítið dýrt að grilla
nauta- eða lambakjöt aftur og
aftur. Skiptu dökka kjötinu út fyrir
það ljósa. Kílóverðið á grillkjúklingi
og svínakjöti er oft helmingi lægra
en af nauti. Sparnaðurinn getur
numið 50 prósentum. Hrefnukjöt
er reyndar önnur kjöttegund sem
er bæði ódýr og gómsæt að grilla.
ÓKEYPIS
TJALDSVÆÐI
SPARNAÐUR Á VIKU 17.500 KR.
n Skagaströnd, Reyðarfjörður og Eski-
fjörður eru á meðal þeirra bæjarfélaga
sem bjóða ókeypis tjaldsvæði. Þetta eru
þess utan fallegir staðir sem er vel þess
virði að heimsækja. Fjögurra manna
fjölskylda sem tjaldar á tjaldsvæði í
eina viku getur þurft að greiða 15 til
20 þúsund krónur, eftir því hvar er
gist. Þú sparar því dágóða summu
að gista þar sem ókeypis er að
tjalda.
LEGGÐU BÍLNUM
SPARNAÐUR Á SUMRI
106.000 KR.
n Margir hafa enga afsökun fyrir því að
hjóla ekki í vinnuna á sumrin. Þannig má
sameina útivist, líkamsrækt og sparnað.
Sá sem keyrir 20 þúsund kílómetra á ári,
eða 5 þúsund á sumri, þarf að kaupa 500
lítra af bensíni yfir sumartímann. Þeir lítrar
kosta 106.000 á verði dagsins ídag. Sá sem
leggur bílnum og hjólar í þrjá mánuði
getur því sparað meira en hundrað
þúsund krónur, miðað við áðurgefnar
forsendur.
ÓKEYPIS VEIÐI
SPARNAÐUR 6.000 KR.
n Veiðikortið er ódýr valkostur, eins og
fram hefur komið, en þeir sem vilja spara
sér þann pening geta auðveldlega komist
af án þess að borga neitt. Strandveiði er
dæmi um ókeypis útvist sem getur veitt
allri fjölskyldunni ómælda ánægju. Hvort
sem það er niður við bryggju, við ósa eða
bara í fjöru er veiðivonin ágæt. Sjóbirt-
ingur og sjávarfiskar geta auðveldlega
hlaupið á snærið. Víða
um land eru vötn
á heiðum sem
ekkert kostar
að veiða í. Það
eina sem þú
þarft er leyfi
landeiganda
(ef landið er
í einkaeigu)
veiðistöng og
maðka sem er að
finna undir stórum steinum.
ÞRÆDDU
ÚTIHÁTÍÐIR
SPARNAÐUR 21.000 KR.
n Skipuleggðu fríið þannig að útihátíðir
verði á leið þinni. Á Fiskideginum á Dalvík
getur fjölskyldan til að mynda borðað
ókeypis heila helgi. Margir byggðakjarnar
úti á landi standa fyrir hátíðum þar sem fá
má grillmat fyrir lítinn pening eða
engan. Þannig má spara þrjú
til fjögur þúsund krónur í
hvert sinn, ef miðað er við
fimm manna fjölskyldu.
Yfir eina helgi má þannig
spara sjö þúsund krónur
og ef þú kemst á þrjár
útihátíðir, þar sem frítt er að
borða, geturðu sparað þér 21
þúsund.
LÁTTU BJÓÐA
ÞÉR Í MAT
SPARNAÐUR Í HVERT
SINN 3.500 KR.
n Það er nógu dýrt að ferðast um landið
(bensínkostnaður) svo maður þurfi ekki
að kaupa allan mat líka. Gerðu boð á
undan þér og heimsæktu ættingja á
landsbyggðinni sem þú hefur ekki hitt
lengi. Landsbyggðarbúar eru þekktir
fyrir mikla gestrisni og munu örugglega
bjóða þér og þínum í mat að fyrra
bragði. Fyrir fimm manna fjölskyldu
getur sparnaðurinn numið þrjú til fjögur
þúsund krónum í hvert sinn sem ykkur
er boðið í mat.
BENSÍN-
STÖÐVAKAFFI
SPARNAÐUR Á DAG 600 KR.
n Ef þú þarft að spara, en vilt ekki fórna kaff-
inu, er tilvalið að koma við á bensínstöðvum.
Þar er oft hægt að fá frítt kaffi. Einn kaffibolli
kostar oft um 200 til 300 krónur. Með því að
koma við á bensínstöðvum í fríinu geturðu
hæglega sparað þér og makanum 600
krónur á dag, miðað við að tveir til þrír bollar
séu drukknir. Þú gætir meira að segja verið
heppinn og fengið ókeypis súkkulaði með,
endrum og eins.
SMYRÐU NESTIÐ
SPARNAÐUR YFIR HELGI 2.000 KR.
n Útilegur eru órjúfanlegur hluti sumarsins.
Þegar maður fer í útilegur er nauðsynlegt
að hafa með sér nesti. Ekki láta freistast og
kaupa samlokur í sjoppum á leiðinni út úr
bænum. Það kostar fjórfalt (gróflega áætlað)
á við að smyrja nestið sjálfur. Hafðu lamba-
kjöt eða eitthvað gott í matinn nokkrum
dögum áður en þú leggur í ferðalagið og
gættu þess að eiga afgang. Þannig færðu
fyrsta flokks álegg. Sjoppusamlokur handa
fjölskyldunni í tvö mál kosta örugglega þrjú
þúsund krónur. Þú kemst leikandi af með
þúsund krónur, ef þú kaupir ódýrt og stórt
samlokubrauð í lágvöruverðsverslun.
VERSLAÐU
Í BÓNUS
FYRIR FRÍIÐ
SPARAÐU 8%
n Hvort sem þér líkar betur eða
verr er best fyrir budduna að
versla í Bónus. Allar verðkannanir
benda til að Bónus sé ódýrasta
verslunin á Íslandi. Könnun ASÍ
sýnir að matarkarfan í Bónus
kostar 12.400 samanborið við
13.400 krónur í Krónunni.