Dagblaðið Vísir - DV - 08.11.2010, Side 11

mánudagur 8. nóvember 2010 fréttir 11
MENNINGARSJÓÐUR ÚTVARPSSTÖÐVA
Hverfisgötu 54, 101 Reykjavík
Sími: 6636245
Netfang: menningarsjodur@internet.is
MENNINGARSJÓÐUR ÚTVARPSSTÖÐVA AUGLÝSIR
Hlutverk Menningarsjóðs útvarpsstöðva er að veita styrki til eflingar innlendri dagskrárgerð fyrir hljóðvarp og sjónvarp,
þeirri er verða má til menningarauka og fræðslu, sbr. reglugerð um Menningarsjóð útvarpsstöðva dags. 11. febrúar 1986
með síðari breytingum.
Stjórn sjóðsins auglýsir hér með eftir umsóknum um styrki úr sjóðnum. Þetta er lokaúthlutun sjóðsins og verður hann
lagður niður að henni lokinni.
Stjórn sjóðsins er skipuð af mennta- og menningarmálaráðuneytinu og annast úthlutun. Í henni sitja Laufey Guð-
jónsdóttir, formaður, Lovísa Óladóttir og Þorbjörn Broddason en starfsmaður er Reynir Berg Þorvaldsson. Stefnt er á að
ákvarðanir um styrki liggi fyrir í lok febrúar 2011.
Í umsóknum skulu eftirfarandi upplýsingar koma fram:
1. Nafn umsækjanda, kennitala og heimilisfang, ásamt upplýsingum um aðstandendur verkefnis og samstarfsaðila og
skriflegum staðfestingum allra aðila um þátttöku í verkefninu.
2. Handrit eða nákvæm lýsing verkefnis og greinargerð umsækjanda um verkefnið.
3. Fjárhæð styrks sem sótt er um.
4. Kostnaðar- og fjárstreymisáætlun.
5. Skriflegir samningar eða önnur staðfesting um fjármögnun eða fjármögnunaráætlun auk tæmandi upplýsinga um
aðra
styrki sem sótt hefur verið um og/eða verkefnið hefur fengið.
6. Nákvæm áætlun um framvindu verkefnis og greinargerð um það til hvaða verkþátta sótt er um styrk til.
7. Upplýsingar um alla gerða eða fyrirhugaða framleiðslusamninga og áætlun um tekjuskiptingu eftir því sem við á.
8. Markaðs- og kynningaráætlun.
9. Handrit eða nákvæm lýsing verkefnis.
10. Upplýsingar um framleiðslufyrirtæki.
11. Yfirlýsing sjónvarps- eða útvarpsstöðvar um að fyrirhugað sé að taka dagskrárefni, sem sótt er um styrk til, á
dagskrá.
Upplýsingar um úthlutunarreglur, skilyrði og umsóknargögn má nálgast í gegnum netfangið menningarsjodur@internet.
is eða í síma 6636245.
Umsóknum og öllum fylgigögnum ber að skila í þríriti til Menningarsjóðs útvarpsstöðva, Hverfisgötu 54, 101 Reykjavík,
eigi síðar en 15. desember n.k. Með umsókn skal skila þar til gerðum eyðublöðum sem fást afhent á sama stað eða í
gegnum netfangið menningarsjodur@internet.is
hefur sett MILLJÓNIr
í duLarfuLLt verkefNI
fyrir því að á endanum muni nærri
hálfur milljarður manna nota vefinn,
samkvæmt gögnunum.
Aðspurður um hvernig arðurinn á
að verða til hjá félaginu segir Bjarni:
„Með afslætti frá framleiðendum og
söluaðilum.“ Aðspurður hvort að-
standendur Arðvís hafi tryggt sér
þessa afslætti hjá framleiðendum
hér á landi og í útlöndum segir Bjarni
að svo sé. „Framleiðendurnir munu
geta lækkað verðið vegna þess að
þeir munu vilja geta náð til notenda
kerfisins. Þetta er bein markaðs-
setning og þeir spara sér auglýsinga-
kostnað og geta lækkað verðið.“ Að-
spurður við hvaða fyrirtæki Arðvís
hafi náð samningum við hér á Íslandi
segir Bjarni að þeir þurfi ekki samn-
ingana. „Við þurfum bara að hafa
vörurnar í boði og fólk mun ekki slá
hendinni á móti því að selja í gegn-
um okkur. Við erum hins vegar ekki
með svona formlegheit eins og þú ert
að leggja til.“
Stærstu hluthafarnir hafa lagt
til 500 þúsund
Athygli vekur að þeir Bjarni og Úlf-
ar eru langstærstu hluthafar Arð-
vís, Bjarni á 52 prósent og Úlfar á
35, samkvæmt hluthafalistanum,
en hvorugur þeirra hefur lagt félag-
inu til aðra fjármuni en samtals þau
500 þúsund sem það kostar að stofna
hlutafélag. Bjarni og Úlfar eiga því
nærri 90 prósent í félaginu en hafa
einungis lagt því til 500 þúsund krón-
ur af þeim rúmlega 363 milljónum
sem lofað hefur verið í hlutafé, sam-
kvæmt hluthafalista félagsins.
Sala á hlutabréfum til nýrra fjár-
festa fer fram í gegnum fjárfesta-
kynningar sem haldnar eru í höf-
uðstöðvum félagsins í Kópavogi og
virðast undirtektirnar vera ansi góð-
ar miðað við þann fjölda hluthafa
sem hefur lagt Arðvís til fjármuni.
Meðal þess sem sagt er við framtíð-
arfjárfesta í Arðvís er að ekki sé óeðli-
legt að þeir skilji ekki nákvæmlega út
á hvað fjárfestingarverkefnið gengur
þar sem það sé afar flókið að menn
þurfi að hafa velt þessu fyrir sér í
langan tíma til að skilja verkefnið.
Samkvæmt upplýsingum DV eru
aðeins tveir hluthafar skráðir fyr-
ir Arðvís hf. á Íslandi, þeir Bjarni og
Úlfar, þó svo að engar upplýsingar
um hluthafana sé að finna hjá Láns-
trausti samkvæmt eftirgrennslan DV.
Svar Lánstrausts við fyrirspurn DV
um hluthafalista félagsins er: „Engin
símanúmer skráð á félagið, stjórnar-
menn, eða framkvæmdastjóra. Upp-
lýsingar um hluthafa því ekki fáan-
legar.“
Hafa ekki leyfi
Þeir sem keypt hafa hlutabréf í verk-
efninu munu aftur á móti verða hlut-
hafar í breska félaginu Ardvis ltd.
sem var stofnað í Bretlandi í sum-
ar. Um þetta segir í gögnum sem DV
hefur undir höndum: „Ardvis ltd.
hefur gefið út hlutabréf í dag sem
eiga að fjármagna Corpus Vitalis-
verkefnið. Um þessar mundir erum
við að selja A-hlutabréf og munum
við gera það þar til við munum hafa
selt 65 milljón hlutabréf. Nú þeg-
ar höfum við selt 5,3 milljónir bréfa.
Verðið núna er 4 á hlut sem er um
20 evrur. Á næstu árum reiknum við
með að verðið muni hækka frá 4 og
upp í 60 sem mun verða til þess að
við seljum meirihluta bréfanna fyrir
hærra verð.“
Ekki er vitað til þess að aðstand-
endur Arðvís hafi leyfi til að gefa þessi
hlutabréf út og selja þau til almenn-
ings með þeim hætti sem þeir hafa
gert. Ef hluthafar í félagi fara yfir 100
þarf sérstakt leyfi til að halda áfram
með hlutafjárútboð. Ekki hefur ver-
ið sótt um slíkt leyfi fyrir Arðvís eftir
því sem DV kemst næst. Jafnframt er
ekkert sem bendir til að hlutabréfin
sem verið er að fjárfesta í hafi verið
gefin út og því má segja að verið sé að
selja hlutabréf sem ekki eru til.
Ævintýralegur arður
Í gögnunum sem DV hefur undir
höndum, þar sem Arðvís og Corpus
Vitalis eru kynnt til sögunnar, kem-
ur fram að hluthafar félagsins geti
búist við nánast ævintýralegum arði
af fjárfestingu sinni. Þar segir meðal
annars að þeir sem eigi 1 prósenta
hlut í félaginu fyrsta árið sem Corp-
us Vitalis starfar geti búist við arði
upp á 185 milljónir dollara, um 20
milljarða króna, á mánuði. Fjórða
árið sem Corpus Vitalis mun starfa
á þessi upphæð að vera komin upp í
nærri 740 milljónir dollara, rúma 80
milljarða króna, í arð á mánuði.
Ólafur Stefánsson gæti því grætt
sem nemur um 240 milljörðum
króna á mánuði eftir fjögur ár ef hug-
myndir aðstandenda Arðvís ganga
eftir. Ávöxtun Ólafs og annarra sem
hafa lagt félaginu til fjármuni mun
því verða mörg þúsund prósent ef
allt gengur að óskum. Á sama tíma
munu þessir einstaklingar hafa lagt
sín lóð á vogarskálarnar til að að-
stoða hungrað fólk hér og þar um
heiminn, og þar með í raun að bjarga
heiminum með fjárfestingu sinni.
Bjarni segir að til sé fullt af góðu
fólki á Íslandi sem sé reiðubúið að
taka þátt í slíku verkefni. „Þetta er
hugmyndafræði. Það eru vitsmuna-
verur sem taka þátt í þessu. Það er
fullt af góðu fólki þarna úti í samfé-
laginu sem vill leggja sitt af mörkum
til bæta heiminn. Þetta er hannað
fyrir heimsbyggðina.“
DV gerði tilraun til að ná í Ólaf
Stefánsson í Þýskalandi á sunnudag-
inn en hafði ekki erindi sem erfiði.
Blaðinu tókst heldur ekki að ná tali af
Bjarna Þór Júlíussyni, framkvæmda-
stjóra Arðvís.
Kynningartexti tekinn af heimasíðu félagsins:
„Almennt þráir fólk fjárhagslegt öryggi, til þess að geta séð sér og sínum farborða. Þessi misserin eru hinsvegar sífellt fleiri
einstaklingar farnir að finna fyrir því að það öryggi og sú velmegun sem þeir bjuggu við, er hluti af fjarlægri fortíð, og í staðinn
hefur tekið við tími óöryggis og óvissu um það hvað framtíðin beri í skauti sér. Það er staðreynd sem ekki verður umflúin að
millistéttin er á hröðu undanhaldi í samfélagi nútímans, og eiga yfirskuldsettar fjölskyldur erfitt með að ná endum saman.
Þrátt fyrir að þetta fólk vilji tryggja öryggi sitt og barna sinna, veit það líka að ákveðnum hlutum verður að breyta áður en
mögulegt verður fyrir það að eiga fjárhagslega örugga framtíð.
Arðvis er tilbúið að ryðja veginn í átt að þeirri framtíð. Sem fjárfestingarfyrirtæki vitum við að tvær grundvallarbreytingar
þurfa að eiga sér stað áður en almenningur getur aftur farið að treysta á kerfið.
Hið fyrra varðar náttúruna: Flestir geta verið sammála um það að jörðin og lífríki hennar í allri sinni dýrð sé grundvöllur fyrir
tilvist okkar í þessum heimi. Sá kjarni sem líf milljarða manneskja hvílir á. Þetta eru ekki ný vísindi, samfélög út um allan heim
hafa í árhundruðir litið sem svo á að móðir jörð sé heilög. Við vitum að í þessum efnum verðum við að taka okkur forfeður
okkar til fyrirmyndar, og umgangast móður jörð af virðingu. Arðvis fjárfestir einungis í verkefnum með sterka umhverfisvitund
og þar sem umhverfisvernd er í hávegum höfð. Þökk sé þróun í vísindum og tækni eru mýmargar tækninýjungar nú þegar
tiltækar, sem eru öruggar, skilvirkar, umhverfisvænar og ódýrar. Arðvis velur fjárfestingar sínar útfrá þessum forsendum.
Hið seinna varðar manneskjur:
Eina leiðin til þess að fólk búi við öruggt vinnuumhverfi er sú að komið sé fram við alla sem jafningja. Það skiptir engu máli
í hvaða heimshluta það er, sé verkamaður misnotaður í nafni hagkvæmni og aukins hagnaðar, valdi fyrirtæki með starfsemi
sinni vanlíðan íbúa, eða sé hættuleg vara markaðssett, þá mun Arðvis ekki taka þátt í slíkri misnotkun. Arðvis velur einungis
þær fjárfestingar þar sem hagsmunir fólks eru virtir.
Hvers vegna fjárfestir fyrirtækið í fjárfestingarkostum sem stuðla að verðmætasköpun? Sé sagan skoðuð má sjá, að þegar
siðfræði er í hávegum höfð í rekstri, og góðar og gildar hugmyndir um siðferði hafðar til hliðsjónar, hefur slíkur rekstur án
undantekninga vaxið og dafnað. Þau efnahagslegu skilyrði sem við stöndum nú frammi fyrir eru einungis yfirborðskennd birt-
ingarmynd á þeirri innri hnignun sem hefur átt sér stað. Engin skyndilausn er til við þessum vanda, en það að dæla peningum í
sífellu á markaðinn í þeirri von að sýna endalausan hagnað í einhvern tíma er engin lausn til frambúðar.
Meginregla Arðvis er einföld. Hún er sú að öll verkefni sem félagið ræðst í skuli og eigi að bera með sér tilgang sem nær
lengra en ofan í okkar eigin vasa. Þegar þú skoðar eignasafn okkar munt þú sjá hvað við eigum við.
Fjárfesting þín í Arðvis í dag er einfaldlega fjárfesting í betri morgundegi.“
Um Arðvís
Looking for me-aning in your life
– Invest in Ardvis
Einn stærsti hluthafinn Ólafur Stefánsson er
einn af stærri hluthöfunum í dularfullu fjárfest-
ingaverkefni sem gengur út að hluthafarnir fái
ævintýralegan arð af því og útrými fátækt í heim-
inum á sama tíma. Talað hefur verið um að Ólafur
verði andlit fjárfestingaverkefnisins út á við.
Höfuðstöðvarnar Höfuðstöðvar Arðvís eru í Bæjarlind 2 í Kópavogi en á heimasíðu
þess segir að það sé fjárfestingafélag með nýja framtíðarsýn.