Dagblaðið Vísir - DV - 08.11.2010, Page 12

12 fréttir 8. nóvember 2010 mánudagur
Þegar Borgarahreyfingin var stofnuð
haustið 2008 var eitt af hennar helstu
markmiðum „að hjálpa grasrótar-
hreyfingum á Íslandi að koma sín-
um sjónarmiðum á framfæri.“ Fyrri
stjórn ákvað að nýta þá peninga sem
Borgarahreyfingin fékk frá ríkinu í
kjölfar kosninganna til að leigja hús-
næði sem yrði hugsað sem miðstöð
fyrir hverskyns grasrótarhópa. 26
hópar hafa síðastliðið ár haft aðstöðu
í Húsinu, húsnæði Borgarahreyfing-
arinnar í Höfðatúni, þeim verður gert
að yfirgefa húsið um áramótin en ný
stjórn hefur ákveðið að framlengja
ekki leigusamninginn.
Ingifríður Ragna Skúladóttir, nýr
varaformaður stjórnar Borgarahreyf-
ingarinnar, segir að með því að segja
upp leigunni sé ekki verið að fara á
bak við upphafleg markmið Borg-
arahreyfingarinnar, grasrótarhóp-
um verði áfram boðið að funda í
nýju húsnæði. Þorvaldur Óttar Guð-
laugsson, fyrrverandi umsjónarmað-
ur Hússins, segir nýjan arm vera bú-
inn að taka yfir Borgarahreyfinguna
og að þau ætli sér að rústa því starfi
sem unnið hefur verið. Enginn fund-
ur hefur verið haldinn með forsvars-
mönnum hópanna til þess að láta
vita af fyrirhuguðum breytingum.
Þórarinn Einarsson er einn þeirra
sem nýtt hefur sér aðstöðuna í hús-
inu, en hann hefur starfað með IFRI-
hópnum að tillögum að nýju fjár-
málakerfi. „Þarna hafa góðir hópar
fengið að blómstra. Húsnæðið hef-
ur verið til góðs fyrir marga og því tel
ég vanhugsað hjá þeim að segja upp
leigunni. Auðvitað áttu þau að hafa
samband við þá hópa sem hafa ver-
ið að starfa þarna síðasta árið,“ segir
Þórarinn og tekur fram að margir séu
hissa yfir vinnubrögðunum. Hann
segir að í raun hafi orðið hallarbylt-
ing á síðasta aðalfundi Borgarahreyf-
ingarinnar og að allt útlit sé fyrir að
ný stjórn ætli sér að nýta peningana
sem Borgarahreyfingin fær frá ríkinu
til annars en að styðja við grasrótina.
Sigurður Harðarson, eða Siggi
pönk eins og hann er oftast kallaður,
hefur undanfarna mánuði starfrækt
bókasafn Andspyrnu í Húsinu en
hann segir að undanfarið hafi sögu-
sagnir verið á reiki varðandi þetta,
ekkert formlegt hafi þó ennþá bor-
ist frá nýrri stjórn. „Hafi þetta verið
ákveðið þá er það vond pólitík. Þetta
er grasrótarmiðstöð og hluti af gras-
rótarstarfsemi er auðvitað að gera
eitthvað, en ekki bara tala um það.“
„Standandi kaffihús“
Ingifríður Ragna Skúladóttir, varafor-
maður nýrrar stjórnar Borgarahreyf-
ingarinnar, staðfestir að leigusamn-
ingurinn verði ekki endurnýjaður.
Ástæðurnar segir hún meðal annars
vera þær að allt útlit sé fyrir kosning-
ar bráðlega, og því óljóst hvort þau
verði á fjárlögum á næsta ári. Þá segir
Ingifríður að stjórnin hafi í raun verið
gerð brottræk úr húsinu og þurft að
finna sér annan fundarstað.
„Þetta var bara orðið þannig að
þau voru búin að taka yfir húsið og
við vorum ekki velkomin þangað
lengur nema bara til þess að borga
reikninginn,“ segir hún. Ingifríður
segir að þarna hafi í rauninni verið
opið hús þar sem fjöldi fólks hafi hist
og drukkið kaffi, en það segir hún
ekki hafa verið hugmyndina með
Húsinu í upphafi. Hún segir fæsta
hópana styðja eða tilheyra Borgara-
hreyfingunni á neinn hátt, en að þeir
muni fá að vera í Húsinu fram að ára-
mótum. „Þetta eru bara einhverjir
hópar sem kæra sig ekkert um að fá
neitt lánað hjá okkur,“ segir Ingifríð-
ur.
Einróma samþykki fyrri
stjórnar
Aðspurð um það hvort að stefna
Borgarahreyfingarinnar sé ennþá sú
að hlúa að grasrótarhreyfingum seg-
ir Ingifríður: „Við stefnum á að bjóða
upp á fundaraðstöðu fyrir þá sem
eru að vinna að einhverjum samfé-
lagslegum lausnum og þá sem eru
að vinna að betra samfélagi. Það er
kannski ekki hægt að skilgreina alla
þá hópa sem eru niðri í Húsi þannig.“
Aðspurð um hvaða hópa hún eigi við
nefnir hún hjólaverkstæðið Keðju-
verkun og bókabúð Andspyrnu sem
dæmi, það sé starfsemi sem ekki hafi
verið hluti af upphaflega planinu. Þá
segir hún að nýja aðstaðan geti ekki
verið „standandi opið kaffihús“ eins
og verið hefur. Ingifríður tekur sér-
staklega fram að á málverkasýningu
sem haldin var í Húsinu á menning-
arnótt hafi verið framin skemmdar-
verk og hlutum stolið þó að starfs-
maður hafi verið á staðnum.
Í fundargerð frá fundi Borgara-
hreyfingarinnar þann 22. septemb-
er 2009 kemur fram að tillaga um að
koma á fót miðstöð fyrir grasrótar-
hópa hafi verið samþykkt einróma,
þar segir orðrétt: „Gunnar stakk upp
á því að fara nýjar leiðir, útbúa e-s
konar miðstöð fyrir fólk, þvert á póli-
tískar línur, meiri félagslegar áhersl-
ur – finna hentugara húsnæði – búa
til aðstöðu fyrir grasrótarhreyfingar –
s.s. aktívista og náttúruverndarsinna
[...] Samþykkt einróma.“
Brjóta gegn samþykktum
Þorvaldur Óttar Guðlaugsson, fyrr-
verandi umsjónarmaður Hússins,
segir Ingifríði fara með staðlausa
stafi. „Það er einfaldlega rangt hjá
henni að starfsemi hópanna hafi ekki
verið eins og fyrri stjórn lagði upp
með. Hér hefur verið sívaxandi starf-
semi sem ný stjórn hefur ákveðið
að eyðileggja og leggja í rúst.“ Hann
segir alrangt að einhverju hafi ver-
ið stolið á myndlistarsýningu Ragn-
ar Benediktssonar sem haldin var á
menningarnótt. Hins vegar hafi ver-
ið brotist inn í húsið, lögreglan verið
kölluð til og í ljós komið að tölvuflat-
skjá og kaffisjóði hefði verið stolið.
Segir hann það algjöra óhæfu að
tengja þessi mál starfsemi Hússins.
Þorvaldur segir Borgarahreyfinguna
ekki hafa verið gerða brottræka úr
húsinu, heldur hafi stjórnin ákveðið
sjálf að færa fundaraðstöðuna yfir í
annað húsnæði.
„Vandamálið er ný stjórn Borg-
arahreyfingarinnar, hún ætlar bara
að rústa því starfi sem hefur verið
unnið. Á síðasta aðalfundi var sam-
þykkt að Borgarahreyfingin myndi
veita þessum grasrótarhópum áfram
skjól í Húsinu,“ segir Þorvaldur og
bætir við að nýja stjórnin reyni í raun
að fela það að þau ætli að brjóta gegn
samþykktum aðalfundar.
„Stjórn Borgarahreyfingarinnar
er með þessu að úthýsa grasrótar-
hópum. Þau virðast hafa efni á því
að eyða í auglýsingar en þau tíma
ekki að eyða peningunum í það starf
sem þau lofuðu að veita skjól. Þau
eru hrædd við að ef kosið verði bráð-
lega til þings muni þau ekki fá inn
þingmann, og þar af leiðandi ekki fá
neina peninga. Þetta snýst nefnilega
um peninga. Þetta er bara yfirtaka á
peningum Borgarahreyfingarinnar.
En grasrótin þagnar ekki, hún bara
færir sig og vex þá annars staðar. Ég
ætla ekki að taka þessu þegjandi og
hljóðalaust, það bara kemur ekki til
greina,“ segir Þorvaldur.
Tuttugu og sex grasrótarhópum, þar á
meðal Borgarafundum, Grasrótarbanda-
laginu, Samtökum lánþega og Flótta-
mannahópnum, sem haft hafa aðstöðu í
Húsinu, húsnæði Borgarahreyfingarinnar
í Höfðatúni, verður að öllum líkindum
gert að yfirgefa húsið um áramótin. Ný
stjórn Borgarahreyfingarinnar hefur
ákveðið að framlengja ekki leigusamning-
inn. Mikil óánægja ríkir innan grasrótar-
hópanna með vinnubrögð nýrrar stjórnar.
ÚTHÝSIR GRASRÓTINNI
jón Bjarki magnúSSon
blaðamaður skrifar: jonbjarki@dv.is
Vandamálið er ný stjórn Borgara-
hreyfingarinnar, hún ætl-
ar bara að rústa því starfi
sem hefur verið unnið.
grasrótarhópum úthýst FjölmargirgrasrótarhóparhafastarfaðíHúsinusíðastliðið
ár,þeimverðurgertaðyfirgefaHúsiðumáramótin.mynd Sigtryggur ari
Brjóta gegn samþykktum ÞorvaldurÓttar
Guðlaugsson,fyrrverandiumsjónarmaður
Hússins,segirnýjastjórnreynaaðhylmayfirað
húnbrjótigegnsamþykktumaðalfundar.
mynd EggErt jóhannESSon