Dagblaðið Vísir - DV - 27.02.2012, Blaðsíða 22

Jógvan saknar Færeyja
n Fékk frægan færeyskan tónlistarmann í heimsókn
Þ
að er svo gott að fá
heimafólk sitt í heim-
sókn. Bara að fá að
blaðra aðeins á fær-
eysku og tala um gamla og nýja
tíma. Ég er búinn að vera á Ís-
landi í meira en sjö ár og þarf
að fá að heyra hvað er að gerast
heima,“ segir söngvarinn Jógvan
Hansen sem fékk vin sinn frá
Færeyjum í heimsókn í síðustu
viku.
Vinurinn heitir Jákup Zach-
ariassen og er þekktur tónlistar-
maður og pródúsent. Zach-
ariassen fékk í vikunni þrjár
tilnefningar fyrir plötu sem
hann pródúseraði með Ross
Taff, einum stærsta gospel-
tónlistarmanni í heiminum.
Verðlaunin kallast Dove Awards
og hafa verið veitt síðan 1969.
„Þetta eru svona Grammy-verð-
laun en bara í gospeltónlist-
inni,“ útskýrir Jógvan en þeir
félagar hafa spilað mikið saman
í Færeyjum.
„Hann er hér til að taka upp
strengjasveit sem er hluti af
Sinfóníusveit Íslands fyrir nýja
plötu. Svo fer hann til Færeyja
en hann ferðast mikið á milli
Nashville og Danmerkur þar
sem hann vinnur með færasta
tónlistarfólki sem í boði er,“ seg-
ir Jógvan og bætir við að þeir fé-
lagar séu ekkert endilega mikið
fyrir gospeltónlist sjálfir. „Ekki
þannig, en gospel er tónlist eins
og öll önnur tónlist. Stundum er
gaman að syngja popp, stund-
um rokk og stundum gospel.
Það skiptir engu máli hvað þetta
heitir svo lengi sem við fáum að
njóta tónlistarinnar.“
Aðspurður segist Jógvan
sakna Færeyja. „Pabbi sagði líka
einhvern tímann við mig að ef
ég saknaði ekki heimilisins þá
væri hann ekki búinn að ala mig
rétt upp. Það er líklegast þannig.
En það þýðir ekki að mig langi
endilega að flytja heim. Mér líð-
ur ótrúlega vel á meðal Íslend-
inga. Ennþá sé ég engan mun
á okkur. Þið talið kannski svo-
lítið vitlaust. Annars er enginn
munur. Fjöllin eru þau sömu,
sama haf, meðal sumar, kaldur
vetur. Góður svartur húmor og
allt þetta dásamlega fallega fólk.
Hvers meira getur maður óskað
sér?“
22 Fólk 27. febrúar 2012 Mánudagur
Tvíburastrákar
fæddir
Leikkonan Tinna Hrafns-
dóttir og maður hennar,
leikarinn Sveinn Geirsson,
eignuðust tvíbura á fimmtu-
daginn. Tinna fæddi tvo
hrausta stráka sem eru fyrstu
börn foreldra sinna og sam-
kvæmt fésbókarsíðu leik-
konunnar gekk allt vel. „Tveir
hraustir draumaprinsar
komu í heiminn í gær, 11 og
14 merkur, 50 og 52 cm. For-
eldrarnir eru að rifna úr stolti
og öllum líður vel. Lífið er
dásamlegt,“ skrifar Tinna og
lætur fjölda broskalla fylgja
færslunni.
É
g get ekki valið það
töfrabragð sem ég er
stoltastur af. Að vera
beðinn um það er eins
og að vera beðinn um
að gera upp á milli barnanna
sinna,“ segir Ingó töframaður
sem heldur sýningu í Salnum
í Kópavogi 17. mars.
Ingó ákvað ungur að verða
töframaður. „Ég sá keppni í
sjónvarpinu þegar ég var sex
ára sem er svona ólympíu-
leikar töframanna. Þar var
hollenskur heimsmeistari
sem lét vekjaraklukkur birtast
í höndunum á sér. Ég gleymi
því aldrei. Það var þarna sem
ég ákvað að þetta væri eitt-
hvað sem ég vildi leggja fyrir
mig,“ segir Ingó sem bjó og
starfaði í Svíþjóð í þrjú ár og
þar af eitt ár á skemmtiferða-
skipi sem sigldi á milli Sví-
þjóðar og Danmerkur. „Þar
var ég með tvö klukkustunda
prógrömm á dag og allt á
sænsku, sem var mikil lífs-
reynsla. Eftir þetta finnst mér
voðalega gott að koma fram
á Ís-
landi og
þurfa ekki að þýða allt sem ég
læt út úr mér,“ segir Ingó sem
ætlar að taka sýninguna sína
enn lengra í Salnum. „Þetta
verða ekki bara töfrabrögð
og sjónhverfingar því ég ætla
að krydda þetta með hugar-
lestri,“ segir hann og bætir við
að þótt sýningin sé auglýst
sem fjölskyldusýning sé hún
alls ekkert frekar fyrir börn en
fullorðna.
Í Svíþjóð varð Ingó þess
heiðurs aðnjótandi að koma
fram í sænska sjónvarpinu.
„Eftir það var ég ráðinn til að
vera með sýningu fyrir hljóm-
sveitina Depeche Mode eftir
tónleika þeirra árið 2010. Þeir
höfðu séð myndband af mér
á Youtube og virtust miklir
áhugamenn um töfrabrögð.“
Aðspurður segir hann erf-
itt að ætla sér að verða ríkur
af faginu. „Allavega á Íslandi.
En þetta veitir manni mikla
ánægju,“ segir Ingó sem starfar
einnig sem tónlistarmaður
í þungarokkhljómsveitinni
Dimmu. Hann segir margt
sameiginlegt með töfrabrögð-
um og þungarokki. „Maður
þarf að vera skapandi í hvoru
tveggja, hafa góða tímasetn-
ingu og þarf geta höfðað til
fólks og skemmt. Ég blanda
þessu saman í sýningunni, er
í leðurbuxum og töfra undir
tónum Dimmu,“ segir hann en
bætir að lokum við að hann
veki meiri eftirtekt kvenna
sem töframaður en rokkari.
indiana@dv.is
Enginn verður
ríkur af göldru
Skáluðu í
Guinness
Bardagaíþróttakappinn
Gunnar Nelson fór létt með
andstæðing sinn á laugar-
daginn þegar hann snéri
aftur í búrið eftir sautján
mánaða hlé. Hann kláraði
Úkraínumanninn Alexander
Butenko með „armbar“-lás
í fyrstu lotu. Eftir bardag-
ann fundu Gunnar og faðir
hans og umboðsmaður,
Haraldur Dean Nelson, sér
góða knæpu og skáluðu í
svellköldum Guinness. Þeir
feðgar ætla að taka lífinu
með ró næstu daga í Dyflinni
og kom ekki heim fyrr en á
þriðjudaginn. Verður Gunn-
ari þá væntanlega vel tekið í
Mjölniskastalanum, þar sem
hann æfir og starfar.
Fékk ekkert
lófatak
Spjótkastarinn og Ólympíuf-
arinn Ásdís Hjálmsdóttir út-
skrifaðist á laugardaginn úr
lyfjafræði frá Háskóla Íslands
og fékk tíu fyrir lokaverkefni
sitt. Aldrei áður hefur verið
gefin svo há einkunn í fag-
inu. Það er til siðs að deildar-
forseti segi ef nemandi hefur
fengið ágætis einkunn og
þá skulu allir við útskriftina
klappa. Það gleymdist því
miður hjá Ásdísi. „Er orðin
meistari. Að sjálfsögðu var ég
sú eina með ágætis einkunn
sem fékk ekki klappið sitt því
forseti sviðsins gleymdi að
segja það,“ skrifaði Ásdís á
Facebook-síðu sína.
Heimsókn að heiman Jógvan hefur búið á Íslandi í sjö ár og nýtur þess að
tala færeysku við Jákup vin sinn.
Kryddar sýninguna
Ingó verður með
töfrabrögð, sjónhverf-
ingar og hugarlestur í
Salnum þann 17. mars.