Dagblaðið Vísir - DV - 23.01.2012, Side 14

14 Neytendur 23. janúar 2012 Mánudagur
n Fjöldi Íslendinga eru fluttir til Noregs eftir hrunið
R
úmlega 4.500 Íslending-
ar hafa flutt til Noregs frá
byrjun árs 2008 en tölur frá
Hagstofu Íslands sýna að á
síðasta ári fluttu þangað
1.530 manns. Noregur hefur verið
helsti áfangastaður brottfluttra ís-
lenskra ríkisborgara en flestir hafa
farið vegna slæms ástands hér á
landi í atvinnu- og húsnæðismál-
um. DV hefur nú tekið saman upp-
lýsingar um almennan daglegan
kostnað, útgjöld og laun í löndun-
um tveimur.
Töluvert hærri laun
Það er mikill munur á verði á ýms-
um nauðsynjavörum og þjónustu á
Íslandi og í Noregi en á móti kemur
að laun eru töluvert hærri í Noregi
en á Íslandi. Upplýsingar um laun
í Noregi eru fengin af vef norsku
hagstofunar, ssb.no, en upplýsing-
ar um laun á Íslandi eru fengnar af
síðum Hagstofu Íslands, fjármála-
ráðuneytisins, BSRB og VR. Þau
störf sem tilgreind eru á norsku
síðunni eru ekki nákvæmlega þau
sömu og á íslensku síðunum og því
ekki um fullkominn samanburð
að ræða. Þau er þó sambærileg og
sett hér fram til að fólk geti glöggv-
að sig á launamun. Upplýsingar
um leikskólagjöld, barnabætur og
skatta eru fengnar frá Íslendingum
búsettum í Noregi.
Hærri framfærslukostnaður
Eins og annars staðar er húsnæð-
isverð breytilegt eftir staðsetn-
ingu. Hvort sem um ræðir kaup
á húsnæði eða leigu er dýrara að
búa í miðborginni en í úthverf-
um. Eins er leikskólagjald mis-
munandi eftir staðsetningu en Ís-
lendingur búsettur í Ósló greiðir
um 48.000 krónur á mánuði. Í Staf-
angri greiðir fólk hins vegar allt
upp undir 80.000 krónur. Auk þess
eru einkareknir leikskólar dýrari.
Barnabætur eru ekki tekjutengd-
ar og eru rúmlega 20.000 á mán-
uði fyrir hvert barn. Bensínlítrinn
er auk þess töluvert dýrari í Noregi
en nú í janúar er hann á 288 krón-
ur á meðan við Íslendingar greið-
um 240 krónur fyrir lítrann. Raf-
magnið er einnig dýrara en þar eru
margir þjónustuaðilar sem selja
rafmagn og margar áskriftarleiðir
á mismunandi verði.
Laun í Noregi eru allt upp undir
50 prósentum hærri í Noregi en á
Íslandi, sé stuðst við þær tölur sem
hér eru birtar en þess má geta að
um meðallaun er að ræða. Vöru-
verð og verð á þjónustu er þó iðu-
lega lægra hér á landi en launa-
munurinn. Eins er íbúðarverð yfir
70 prósentum dýrara í Noregi og
gjöld fyrir rafmagn, vatn og sorp-
hirðu hátt í 80 prósentum hærra
þar. Það eru þó ýmsir þættir sem
þarf að taka tillit til þegar fram-
færslukostnaður er reiknaður og
borinn saman á milli landa og því
hvers og eins að meta hvort það
borgi sig að flytjast búferlum til
Noregs.
Gunnhildur Steinarsdóttir
blaðamaður skrifar gunnhildur@dv.is Matvörur Noregur Ísland Munur í %
Mjólk 1 l 282 kr. 117 kr. 58,5 1
1 stk franskbrauð 454 kr. 277 kr. 38,99
Egg 12 stk 566 kr. 347 kr. 38,69
Ostur 1 kg 1.742 kr. 1.381 kr. 20,72
Kjúklingabringur 2.315 kr. 2.049 kr. 11,49
Epli 1 kg 452 kr. 291 kr. 35,62
Appelsínur 1 kg 588 kr. 281 kr. 52,21
Kartöflur 1 kg 260 kr. 133 kr. 48,84
Vínflaska (0,5 l) 2.484 kr. 1.942 kr. 21,82
Bjór – innlendur 496 kr. 334 kr. 32,66
Bjór – erlendur 645 kr. 256 kr. 60,31
Samgöngur (innanbæjar)
Stakt fargjald 606 kr. 350 kr. 42,24
Mánaðarkort 12.082 kr. 6.878 kr. 43,07
Leigubíll (startgjald) 1.167 kr. 546 kr. 53,21
Leiguverð
Leiga (1 herbergi) í miðborginni 164.843 kr. 101.540 kr. 38,40
Leiga (1 herbergi) í úthverfi 122.447 kr. 72.750 kr. 40,59
Leiga (3 herbergi) í miðborginni 332.714 kr. 168.818 kr. 49,26
Leiga (3 herbergi) í úthverfi 247.575 kr. 119.671 kr. 51,66
Íbúðaverð
Verð á fm2 í miðborginni 1.001.560 kr. 238.620 kr. 76,18
Verð á fm2 í úthverfi 736.170 kr. 215.870 kr. 70,68
Helstu útgjöld (rafmagn, vatn, sorphirða) 29.618 kr. 6.222 kr. 78,99
Framfærslukostnaður
O
kkur líst bara mjög vel á,“
segir söngkonan Jóhanna
Guðrún Jónsdóttir sem
er nýflutt til Óslóar í Nor-
egi, ásamt kærasta sín-
um, Davíð Sigurgeirssyni tónlist-
armanni. Þau eru þó ekki að flýja
land líkt og margar vegna krepp-
unnar. Þau eru einfaldlega í leit að
nýjum tækifærum á stærri markaði
en Ísland býður upp á.
Aðspurð hvort það sé eitthvað
sem hún er fegin að vera laus við
á Íslandi segir Jóhanna ekki svo
vera. „Auðvitað mun ég sakna Ís-
lands alveg helling. Við fórum ekki
út til að flýja neitt eða af því að okk-
ur finnst ekki frábært að vera á Ís-
landi.“
Fleiri tækifæri í Noregi
Jóhanna Guðrún er með norsk-
an umboðsmann, sem hún hefur
þekkt í fjölda ára, og taldi vitur-
legt að færa sig nær honum. Það er
ein aðalástæðan fyrir því að parið
ákvað að freista gæfunnar í Noregi.
„Það eru tækifæri hér sem við ætl-
um að prófa og sjá hvort það gangi
vel. Þetta er svona prufukeyrsla hjá
okkur,“ útskýrir hún. „Við erum ung
og það eru fullt af möguleikum hér.
Ef maður nýtir sér þá rétt getur ým-
islegt gerst,“ bætir hún við.
Þrátt fyrir að mörg tækifæri
bjóðist á Íslandi er það takmark-
andi, að sögn Jóhönnu Guðrúnar.
Hún bendir á að það sé mun
auðveldara og ódýrara að ferðast
frá Noregi til annarra landa en frá
Íslandi.
Ósló er hundavæn borg
Það er einungis um vika síðan
parið flutti búferlum svo það er
ekki komin mikil reynsla á það
hvernig því finnst að búa í Nor-
egi. Það er þó einn stór kostur við
að búa í Ósló sem Jóhanna Guð-
rún hefur strax tekið eftir, og það
er að hundahald er frjálsara en á
Íslandi. Með þeim Jóhönnu Guð-
rúnu og Davíð fluttist einmitt
hvolpurinn Bjartur sem er þriggja
mánaða og kann hann vel að meta
frelsið. „Hundar mega ekki labba
í taumi niður Laugaveginn,“ bend-
ir hún á. „Hérna getum við ver-
ið með litla nánast alls staðar.“
Jóhanna Guðrún segir hundana
verða miklu stilltari fyrir vikið.
Þeir venjist umhverfinu betur og
þurfi ekki að vera eins mikið einir.
„Annars elska ég landið mitt ofsa-
lega mikið og finnst það eiginlega
bara fullkomið.“
Þrátt fyrir að hafa einungis flutt
fyrir viku til Noregs þekkir Jóhanna
Guðrún ágætlega til landsins, en
hún eyddi töluverðum tíma þar í
landi eftir að hún tók þátt í Euro-
vision fyrir Íslands hönd árið 2009.
Hún náði öðru sæti í keppninni.
„Noregur er ekkert ósvipaður Ís-
landi finnst mér. Mér líður ekkert
eins og ég sé langt í burtu.“ Hún
segist þó koma til með að sakna
mömmu sinnar.
Tekur smátíma að læra norsku
Parið er ekkert að tvínóna við hlut-
ina og er byrjað að læra norsku, til
að geta fótað sig betur í landinu.
„Ég býst nú samt við að þetta taki
smátíma, svona eftir að ég fór að
skoða þetta betur,“ segir Jóhanna
Guðrún hlæjandi. „Ég hélt að þetta
yrði svo lítið mál.“ Hún segir Norð-
menn vissulega tala góða ensku og
því sé auðvelt að detta í enskuna.
Þau ætla þó að reyna að vera dug-
leg að spreyta sig á norskunni við
hvert tækifæri.
Jóhanna Guðrún er með mörg
járn í eldinum í Noregi, en þau
Davíð eru meðal annars að setja
saman hljómsveit og vinna í nýrri
plötu sem er væntanleg á þessu ári.
„Svo er bara verið að bóka okkur í
alls konar gigg og þetta lítur mjög
vel út,“ segir Jóhanna Guðrún að
lokum.
n Söngkonan Jóhanna Guðrún er flutt til Noregs með kærastanum
Í leit að nýjum tækifærum
Hærri laun en dýrara að lifa