Dagblaðið Vísir - DV - 23.01.2012, Síða 18
Clooney í tilvistarkreppu
L
ögfræðingurinn og stór-
landeigandinn Matt
King (Clooney) stendur
frammi fyrir því að þurfa
að endurheimta tengslin við
dætur sínar á meðan eigin-
kona hans liggur fyrir dauð-
anum á sjúkrahúsi.
Myndin hlaut þrenn verð-
laun á Golden Globe-hátíð-
inni á dögunum.
Þetta er fyrsta mynd leik-
stjórans Alexanders Payne
síðan hann sendi frá sér hina
frábæru Sideways árið 2004.
Áður hafði hann vakið verð-
skuldaða athygli fyrir Elec-
tion og About Schmidt. Eins
og í fyrri myndum Paynes er
fókusinn hér á miðaldra karl-
mann í tilvistarkreppu. Hann
hefur fengið allt upp í hend-
urnar í lífinu en kemst að því
að hann er með allt niðrum sig
þegar konan hans leggst í dá
eftir hræðilegt sjóslys. George
Clooney ljær karakternum
sinn alkunna sjarma og kemst
virkilega vel frá hlutverkinu.
Tónn myndarinnar er léttur
þrátt fyrir alvarleg efnistök
og byggir myndin að mestu á
uppbyggingu persóna í erfið-
um kafla í lífi þeirra. Þó svo að
tilfinningarík atriði megi finna
í myndinni er aldrei gengið of
langt í tilfinningaklámi.
Leikaraliðið er í heild sinni
mjög gott. Þar ber helst að
nefna Shailene Woodley og
Amara Miller, sem fara með
hlutverk dætranna og standa
sig með stakri prýði.
The Descendants er frá-
bær mynd sem á margt sam-
eiginlegt með fyrri myndum
Alexanders Payne. Óhætt er að
mæla sterklega með henni.
18 Menning 23. janúar 2012 Mánudagur
NO, Global
Tour sýnd
Kvikmyndin NO, Global Tour
eftir Spánverjann Santiago
Sierra verður sýnd í Bíó Para-
dís þriðjudaginn 24. janúar.
Myndin er sýnd í tengslum
við sýningu á verkum lista-
mannsins í Listasafni
Reykjavíkur – Hafnarhúsi. Í
myndinni er rakin ferð hins
gríðarstóra skúlptúrs NO
sem lagði upp í sína fyrstu
ferð frá Ítalíu árið 2009. Síð-
an þá hefur hann ferðast um
Evrópu, Bandaríkin, Kanada,
Ástralíu og Japan. Skúlptúr-
inn hefur verið á ferðalagi
um Reykjavík undanfarna
daga en sá hluti myndarinn-
ar verður sýndur síðar. Lista-
maðurinn velur áfangastaði
fyrir gjörninginn út frá því
að þeir tengist ádeilu hans á
kapítalískt markaðshagkerfi
og mikilvægi þess að lýðræð-
ið virki í raun og veru.
Myriam með
fyrirlestur
Myndlistarkonan Myriam
Bat-Yosef fjallar um eigin
verk í hádegisfyrirlestri Opna
Listaháskólans, mánudag-
inn 23. janúar klukkan 12.30.
Myriam, eða María Jóseps-
dóttir eins og hún kallar sig á
íslensku, hefur íslenskt ríkis-
fang, en hún er fædd í Berlín
árið 1931 og ólst upp í Ísrael.
Myriam er fyrrverandi eigin-
kona Errós. Í fyrirlestrinum
fer hún yfir langan feril sinn,
allt frá því hún stundaði nám
í París og til dagsins í dag.
Þann 28. janúar verður svo
opnuð sýning með verkum
Myriam og Jóhönnu Krist-
bjargar Sigurðardóttur í Ný-
listasafninu.
KexJazz hefst
Kvartett Jóles Pálssonar
heldur tónleika á Kex þriðju-
dagskvöldið 24. janúar. Tón-
leikarnir eru liður í KexJazz
2012 sem samanstendur af
sex tónleikum sem haldnir
eru á Kex Hostel við Skúla-
götu. Þessir fyrstu tónleikar í
röðinni hefjast klukkan 20.30
og er aðgangur ókeypis.
Ásamt Jóel eru í hljómsveit-
inni Ómar Guðjónsson á gít-
ar, Valdimar K. Sigurjónsson
á kontrabassa og Matthías
Hemstock á trommur.
T
akið þetta ekki of hátíð-
lega, „enjoy the ride“,“
sagði leikstjórinn Balt-
asar Kormákur áður en
frumsýning myndar-
innar Contraband hófst hér á
landi. Þetta voru vandlega valin
orð því um er að ræða spennu-
mynd í b-flokki kvikmynda og
ekki er kafað djúpt. Contraband
er klassísk spennumynd af
gamla skólanum. Engin ný trix,
ljótir og illir skúrkar, svikulir
vinir, fagrar konur í lífshættu,
eltingarleikir og byssur. Sumsé
rokk og ról.
Contraband er byggð á ís-
lensku spennumyndinni
Reykjavík-Rotterdam sem Ósk-
ar Jónasson og Arnaldur Indr-
iðason skrifuðu. Mark Wahlberg
fer með hlutverk smyglarans
Chris Farraday. Manns sem
hefur sagt skilið við líf glæpa og
misindis og fetar beinu braut-
ina. Hann er fyrirmyndarfaðir
og ástríkur eiginmaður. En lífið
fer úr skorðum þegar ungur
mágur hans (Caleb Landry
Jones) er staðinn að smygli og
því að fleygja verðmætum farmi
(kókaíni) og upphefst þá at-
burðarás þar sem aðalsöguhetj-
an verður að fara aftur í skugga-
veröld smyglarans.
Það er sumsé ekki verið að
smygla landa á einhverjum
ryðguðum dalli í þessari millj-
ón dollara mynd. Allt er stærra
í sniðum en í upprunalegu
myndinni.
Engin kynlífssena
Mark Wahlberg er þokkafullur
leikari með hlýlega nærveru
og ég hlakka til að sjá hvað þeir
Baltasar Kormákur vinna að
næst. Hann rennur í gegnum
hlutverk sitt í öðrum gír. Án
allrar áreynslu. Hann virðist
óttalaus í aðstæðum sínum en
hann er engu að síður trúverð-
ugur og fer með hlutverk sitt
af sóma. Áhorfandinn skynjar
að hann hefur snúið baki við
drykkju og glæpum í skipt-
um fyrir ástina og fallegt fjöl-
skyldulíf. Kate Beckinsale fer
með hlutverk eiginkonu hans.
Hún er engin stórleikkona en
stórglæsileg og veldur sínu.
Hún þykir reyndar afar lík Lilju
Pálmadóttur hans Baltasars
sem landanum þykir örugg-
lega skondið. Samband þeirra
er hlýtt og innilegt og það vakti
athygli mína að í myndinni er
engin kynlífssena. Lilja Nótt fór
með sama hlutverk í myndinni
Reykjavík-Rotterdam og þá var
nú aðeins heitara í kolunum.
Glæpamaðurinn Tim Briggs
sem ógnar tilveru Chris Farra-
day og fjölskyldu er leikinn af
Giovanni Ribisi og það fjandi
vel. Hann er ógnvænlegur og
hlutverk hans er vel skrifað og
útfært. Þau atriði þar sem hann
er sóttur heim og sýndur í sínu
rétta umhverfi, með varnar-
lausri dóttur sinni í slömminu,
eru virkilega góð. Þarna var
kominn evrópskur hráleiki sem
mér fannst hressandi.
Eins og risavaxinn
skógarbjörn
Chris setur saman teymi og
leggur á ráðin um að smygla
varningi frá Panama til að
bjarga lífi fjölskyldunnar. Í
teyminu er okkar maður, Ólaf-
ur Darri Ólafsson, og hvað get-
ur maður sagt annað en eins
og í boltanum: Áfram Ísland!
Hann skilar sínu hlutverki
virkilega vel. Kannski ónær-
gætið af mér að nefna að hann
er eins og risavaxinn skógar-
björn á hvíta tjaldinu og djúp
bassaröddin eykur á þá upp-
lifun. Það er vandlega hugsað
af Baltasar að halda stemn-
ingunni á skipinu sveitalegri
og svolítið kómískri. Þetta
fundust mér einna skemmti-
legustu senur myndarinnar.
Þar er einnig vandlega hugsað
um allar lykkjur handritsins.
Sagan hefur þótt miðlungsgóð
af krítíkerum ytra en mér þótti
hún (nú og þá) verulega snjöll.
Hún hefur fengið Hollywood-
snyrtingu, allt er stærra, kóka-
ín en ekki landi, risavaxið skip
en ekki dallur, byssur og blóð
og smyglvarningurinn margra
milljóna virði.
Diego Luna ógleymanlegur
Vinur Chris Farraday er leik-
inn af Ben Foster. Ingvar
Sigurðsson fór með sama
hlutverk forðum daga og var
feykilega sterkur. Foster er
hins vegar linur og breyskur
og fyrirsjáanlegur. Hann gefur
þó allt í leikinn í lok myndar-
innar og kemur til skila hruni
hins fallna.
Caleb Landry Jones í hlut-
verki Andy og Luke Haas í
teymi Chris eru síðan tveir
ungir leikarar sem vekja eftir-
tekt og krydda myndina en
maðurinn sem gæðir mynd-
ina rokkelementi er Diego
Luna (Y Tu Mama Tam-
bien). Diego er ógleyman-
legur, krafturinn og nærver-
an er mögnuð og atriði með
honum tekin í Panama halda
áhorfandum límdum við
skjáinn. Þessum leikara ætla
ég að fylgjast með. Reyndar
voru hlutverk aukaleikara í
þessari mynd óvenju safarík.
Aukaleikararnir fá eina heila
stjörnu af þessari gjöf.
En hinar þrjár fær Baltasar
Kormákur fyrir iðnaðarrokk
af bestu sort. Farið og sjáið
þessa mynd.
Iðnaðarrokk
af bestu sort
„Það er sumsé
ekki verið að
smygla landa á ein-
hverjum ryðguðum
dalli í þessari milljón
dollara mynd.
Kristjana
Guðbrandsdóttir
kristjana@dv.is
Bíómynd
Contraband
IMDb 6,9 RottenTomatoes 49% Metacritic 52
Leikstjóri: Baltasar Kormákur
Handrit: Aaron Guzikowski og Arnaldur
Indriðason
Leikarar: Mark Wahlberg, Giovanni
Ribisi, Kate Beckinsale, Ben Foster,
Diego Luna, Caleb Landry Jones og
Ólafur Darri Ólafsson
110 mínútur
Diego Luna Kom
skemmtilega á óvart í
litlu hlutverki.
Jón Ingi Stefánsson
joningi@dv.is
Bíómynd
The Descendants
IMDb 7,9 RottenTomatoes 89% Metacritic 84
Leikstjóri: Alexander Payne.
Handrit: Alexander Payne, Nat Faxon
og Jim Rash, byggt á bók Kaui Hart
Hemmings.
Leikarar: George Clooney, Shailene
Woodley, Amara Miller, Nick Krause,
Robert Forster.
115 mínútur
The Descendants George Clooney stendur sig vel í hlutverki sínu ásamt
þeim Shailene Woodley, Amara Miller og Nick Krause.