Hagskýrslur um utanríkisverslun - 1967, Page 34

32*
Verzlunarskýrslur 1966
Það skal tekið fram, að togarar, sem selja ísfisk erlendis, nota stóran
hluta af andvirðinu til kaupa á rekstrarvörum, vistum o. fl., svo og
til greiðslu á skipshafnarpeningum, en slíkt er ekki innifalið í áður nefnd-
um hundraðshluta, sem dreginn er frá brúttósölum, þegar fob-verðið er
reiknað út. Skortir því mjög mikið á, að gjaldeyri svarandi til fob-verðs
sé skilað tii bankanna.
Á árinu 1966 voru 9 skip seld úr landi fyrir samtals 83,5 millj. kr.:
5 togarar, Akurey, Bjarni ólafsson og Pétur Halldórsson til Noregs,
Fylkir og Jón forseti til Englands, fyrir samtals 25,4 millj. kr. Farþega-
skipið Hekla og vöruflutningaskipið Katla voru seld til Grikldands og
strandferðaskipið Skjaldbreið til Englands fyrir samtals 30,5 millj. kr.
Olíuskipið Hamrafell var selt til Indlands fyrir 27,6 millj. kr. Skip þessi
voru 14—18 ára gömul, nema einn togaranna, sem var 8 ára.
6. yfirlit sýnir, hve mikilli verðupphæð útflutta varan hefur numið
síðan um aldamót. Eru vörurnar þar flokkaðar eftir því, frá hvaða at-
vinnuvegi þær stafa. Enn fremur er sýnt með hlutfallstölum, hve mikill
hluti verðmætisins stafar árlega frá hverjum atvinnuvegi.
í 7. yfirliti er sýnt, hvernig magn og verðmæti útflutningsins 1966
skiptist á mánuði.
5. Viðskipti við einstök lönd.
External trade by countries.
1 töflum II og IV er innflutningurinn sundurgreindur á lönd, í fyrr
nefndu töflunni eftir ca. 175 vöruflokkum hinnar endurskoðuðu vöruskrár
hagstofu Sameinuðu þjóðanna, en í siðar nefndu töflunni eftir hverju ein-
stöku tollskrárnúmeri.
1 töflum III og V er útflutningurinn sundurgreindur á lönd, í fyrr
nefndu töflunni eftir aðalútflutningsafurðum, en í síðar nefndu töflunni
eftir dýpstu sundurgreiningu útfluttra vara.
í 8. yfirliti i inngangi er sýnt, hvernig verðmæti innfluttra og út-
fluttra vara hefur skipzt síðustu þrjú árin eftir löndum. Síðari hluti
töflunnar sýnir þátt hvers lands hlutfallslega í utanríkisverzlun íslands
samkvæmt verzlunarskýrslum.
Það hefur verið regla í íslenzkum verzlunarskýrslum að miða við-
skiptin við innkaupsland og söluland, hvaðan vörurnar eru keyptar og
hvert þær eru seldar. En margar innfluttar vörur eru keyptar í öðrum
löndum en þar, sem þær eru framleiddar, og eins er um ýmsar útfluttar
vörur, að þær eru notaðar í öðrum löndum en þeim, sem fyrst kaupa þær.
Innkaups- og sölulöndin gefa því ekki rétta hugmynd um hin eiginlegu
vöruskipti milli framleiðenda og neytenda varanna. Ýmis lönd hafa því
í verzlunarskýrslum sínum upplýsingar um upprunaland og neyzluland.
Til þess að fá upplýsingar um þetta varðandi innflutning til íslands, er á
innflutningsskýrslueyðublöðunum dálkur fyrir upprunaland varanna, auk
innkaupslandsins, en sá dálkur er sjaldan útfylltur. Hefur því ekki þótt