Hagskýrslur um utanríkisverslun - 1987, Side 308

Hagstofa íslands
gefur út eftirtalin rit:
Hagskýrslur íslands koma út öðru hverju í sjálfstæðum, tölusettum heftum. Þar eru birtar
skýrslur um efni, sem Hagstofan tekur til meðferðar (Verslunarskýrslur, Búnaðarskýrsl-
ur, Sveitarsjóðareikningar, Mannfjöldaskýrslur, Alþingiskosningar, Dómsmálaskýrslur,
Tölfræðihandbók o. fl.). í I. útgáfuflokki Hagskýrslna, sem hófst 1914, voru 132 rit, í II.
útgáfuflokki, sem hófst 1951, hafa komið út 85 rit.
Hagtíðindi, mánaðarrit. Þar eru birtar mánaðarlegar eða ársfjórðungslegar skýrslur um
utanríkisverslun, fiskafla, framfærsluvísitölu og aðrar vísitölur, og árlegar skýrslur um
ýmisleg efni, sem ekki þykir taka að birta í sérstöku hefti af Hagskýrslum. — Árlegt
áskriftargjald Hagtíðinda er 700 kr.
Íbúaskrá Reykjavíkur kemur út á hverju vori. í henni eru allir íbúar Reykjavíkur
næstliðinn 1. desember samkvæmt þjóðskrá, með þeim upplýsingum, sem hún hefur að
geyma um hvern mann. íbúaskrá Reykjavíkur 1. desember 1986 er 1 200 bls., og verð
4 000 kr. í bandi. Upplag þessarar bókar er mjög takmarkað, enda við það miðað, að hún
seljist upp.
Fyrirtækjaskrá. Einu sinni á ári, og oftar ef ástæða þykir til, kemur út skrá yfir þá aðila,
fyrirtæki, stofnanir, félagssamtök o. fl., sem hafa sérstök auðkennisnúmer („nafnnúmer“
og kennitölu) í fyrirtækjaskrá Hagstofunnar. í síðustu útgáfu þessarar skrár, sem er
miðuð við miðjan júní 1986, eru rúmiega 20 600 aðilar. Hún kostar 1 200 kr.
Skrár yfir dána, með fæðingardegi, dánardegi, heimili og fleiri upplýsingum um dána,
koma út árlega í fjölrituðu hefti. Skrár yfir dána 1965—67 (eitt hefti) eru upp gengnar.
Bifreiðaskýrsla kemur út árlega í fjölrituðu hefti. með fjölþættum upplýsingum um
bifreiðaeign landsmanna.
í ritinu Skrá um stofnanaheiti, sem kom út, fjölritað, á árinu 1972, er dönsk og ensk
þýðing á heiti stofnana, embætta, félagssamtaka og starfsgreina. Uppsláttaratriði í riti
þessu eru um 1500 að tölu. Venjulegar orðabækur eru haldlitlar í þessu efni, og er þessu
riti ætlað að bæta úr þeirri vöntun.
NORRÆN TÖLFRÆÐIHANDBÓK 1986
Hagstofan annast dreifingu á íslandi á ársritinu Norrœn tölfrœðihandbók (Yearbook of
Nordic Statistics — Nordisk statistisk ársbok), sem Norðurlandaráð og Norræna
hagstofan í Kaupmannahöfn gefa út. í riti þessu er mjög margvíslegur fróðleikur í
talnaformi um Norðurlönd og þjóðir þær sem þau byggja. Norræn tölfræðihandbók 1986
er 426 blaðsíður með 290 töflum, auk línurita og korta, og kostar 1 000 kr.
Þá fæst einnig hjá Hagstofunni Norrœn tölfrœðibók um trygginga- og félagsmál 1984
(Social tryghed i de nordiske lande) sem gefin er út af Norrænu hagstofunni á dönsku.
Bókin fjallar í texta og töflum um umfang, útgjöld og fjármögnun almannatrygginga á
Norðurlöndum. Bókin er röskar 200 bls. og kostar 500 kr.
Afgreiðsla ofangreindra rita er í Hagstofunni, Alþýðuhúsinu, Hverfisgötu 8—10 (3. hæð),
150 Reykjavík. Sími (91)26699. Póstgíróreikningur Hagstofunnar er nr. 26646. Rit eru
send gegn póstkröfu, sé þess óskað.