Dagblaðið Vísir - DV - 24.09.2008, Blaðsíða 14

Svarthöfði beið á mánudags-kvöld, eins og margir aðrir, spenntur eftir því að frétta-skýringaþátturinn Komp-
ás sýndi lítið en safaríkt myndbrot
úr Sturlungaöld 21. aldarinnar á Ís-
landi. Kempurnar frá Kompási hafa
ósmeykar blandað geði við fanta, fúl-
menni og níðinga af ýmsu tagi til þess
að upplýsa íslenska kotbændur um
hvers lags óáran þrífst undir yfirborði
hins saklausa bændasamfélags sem
hefur forframast nokkuð undanfarið í
krafti útrásarvíkinga.
Á meðan hetjurnar okkar hafa borist á úti í hinum stóra heimi hafa ofbeldisfautar með kalt hjartalag gömlu
víkinganna haslað sér völl hér heima.
Þetta eru alvöru menn sem láta verkin
tala og kné fylgja kviði. Kompás leiddi
saman tvær kempur af þessu sauða-
húsi sem eru þó ólíkar. Annar virðist
vera hinn fláráðasti lygamörður sem
svíkur fé út úr fólki en fer um leið vel
að leika fórnarlamb. Sá er nefnd-
ur Brunabíla-Ragnar og hefur víða
komið við sögu í annálum íslenskra
undirheima upp á síðkastið. Hinn er
öllu skuggalegri en Ragnar og kallast
Benni Ólsari. Hann er vígamaður af
eldgamla skólanum. Tröllslega vax-
inn, með húðflúr vígamanna úti um
allan kropp og tekur 400 kíló í bekk-
pressu án þess að blása úr nös.
Orðspor Benna Ólsara er slíkt að um fólk fer hrollur við það eitt að heyra nafn hans nefnt. Enda er hann
mikill maður vexti og sterkur. Hann
er manna best vígur og getur lamið
með báðum höndum svo hratt og fast
að sex þykja á lofti sjá. Ólsarinn er þó
illu heilli ekki hetja af sama kalíberi
og Gunnar á Hlíðarenda þótt þeir eigi
það sameiginlegt að fáir vilji sækja þá
heim þegar þeir tjilla með atgeirinn í
sófanum. Ólsarinn er nefnilega and-
hetja í samanburði við Gunnar og þeir
fyrirfinnast varla á landi hér sem eru
tilbúnir til þess að muna Benna kinn-
hesta og vei þeim sem skulda Ólsar-
anum fé.
Hrappurinn Ragnar er einn af þeim og kaus í þessum magnaða sjónvarpsþætti að standa uppi í hárinu á
Ólsaranum með skætingi sem endaði
með því að Ólsarinn
lagði Ragnar í mal-
bikið, eftir nokk-
urt þóf, og gerði
nokkrar heiðar-
legar tilraunir til
þess að trampa
hausinn af dónan-
um. Sérfræðingar
í Íslendingasögum
nútímans vilja þó
meina að Óls-
arinn hafi
vísvit-
andi
trampað framhjá enda hefði ekki
þurft að spyrja að leikslokum annars.
Sá haus sem Bennsi hefur fyrir gólf-
mottu verður nefnilega aldrei notaður
framar og sá búkur sem á þeim haus
hangir stendur ekki aftur upp. Kunn-
ugir segja Ólsarann ekki vera neinn
kjána og hann viti upp á sína tíu fingur
að dauðir menn greiði engar fébætur
fyrir brunna bíla og laskað mannorð.
Hann noti því stappið til að hræða og
hafi með fótaleikfimi sinni og handa-
pati skapað sér slíkan orðstír að hann
þurfi sjaldan að bregða brandi til að
fá sínu framgengt. Orðsporið er mátt-
ugra en sverðið.
Samræður þeirra kumpána voru allar hinar spaugilegustu þótt kringumstæðurnar hafi verið grafalvarlegar og Svart-
höfði gat því ekki stillt sig um að skella
nokkrum sinnum upp úr. Komp-
ás minnti hann eiginlega á Sódómu
Reykjavík og brambolt þeirra sem
í þeirri bíómynd kölluðu sig Mafíu
Íslands. Leikstjórar og handritshöf-
undar Kompáss verða því að fá fjórar
stjörnur fyrir sitt framlag þar sem
samtölin sem þeir náðu á filmu hefðu
ekki orðið betri þótt þau hefðu verið
skrifuð af Sigurjóni Kjartanssyni og
Óskari Jónassyni. Tær snilld.
Hins vegar flöskuðu höfund-ar Kompáss á því grund-vallaratriði að hafa eina hetju og einn skúrk. Íslend-
ingar skilja ekki glæpasögur, né neitt
annað í lífinu, nema línur séu skýrar
á milli góðs og ills. Þannig ruku góð-
bloggarar upp til handa og fóta eftir
þáttinn vegna þess að þeir áttuðu sig
ekki á hvor var vondi. Brunabíla-Raggi
eða Benni Ólsari. Hugmyndaheim-
ur Íslendinga nær ekki utan um sögu
þar sem allir eru vondir. Svart-
höfði kippti sér þó ekkert upp við
þetta og hugsaði með sér að þarna
myndu þeir einir vera að hann hirti
aldrei þó að drepist.
Miðvikudagur 24. SepteMber 200814 Umræða
Hvor er góði gæinn?
svarthöfði
Jón TrausTi reynisson riTsTJóri skrifar. Almenningur fær óvænt tvöfalt kjaftshögg sem ekki var í spánum.
Kreppan er ekki komin
Leiðari
Sú kreppa sem nú er talað um á Íslandi er hjóm eitt miðað við það sem vofir yfir okkur.Greiningardeildir Glitnis og Landsbankans hafa verið upp-
teknar af því hversu öfundsverð við erum hérna á Íslandi. Þetta
er sami tónn og hefur verið sleginn á allri okkar húrrandi ferð til
fjárhagslegrar ánauðar almennings. Þegar allt stefndi í óefni á
Íslandi töluðu sérfræðingar um netta snertilendingu í efnahags-
lífinu. Svo töluðu þeir um lendingu. Næst um harða lendingu.
Nú upplifir fjöldi fólks nauðlendingu eða annað verra.
Gengisfall krónunnar í september er 14 prósent og sú lækkun á
eftir að velta út í verðlagið. Síðan veltur hún þaðan út í húsnæð-
islán fólks í formi verðtryggingar. Ef við höfum lært eitt-
hvað á þessari vegferð okkar er það að við getum illa
treyst þeirra spám. Enn síður getum við treyst því
að Geir H. Haarde forsætisráðherra hafi rétt fyrir
sér þegar hann segir enn einu sinni að botninum
sé náð.
Spár greiningardeildanna nú virðast byggja á
því að íslenska krónan styrkist. Gert er ráð fyrir
að evran fari undir 100 krónur aftur. Nú er hún
í tæpum 140 krónum og enginn veit hvað verð-
ur um hana. Það þýðir að greiningardeildir van-
meta hættuna stórkostlega. Verðbólgan verður mun
meiri en áætlað var og almenningur fær óvænt tvöfalt kjaftshögg
sem ekki var í spánum.
Við verðum því að þola að verðlag og afborganir lána hækki bæði
í senn. En tvennt annað kemur til, sem getur reynst fjárhagslegt
banahögg fyrir fjölda fólks. Húsnæðismarkaðurinn stefnir í al-
kul og atvinnuleysi mun aukast.
Það hlýtur að segja sig sjálft að þegar lán hækka upp fyrir verð-
mæti íbúða hlýst stórkostleg hætta af fyrir markaðinn. Hvað þá
þegar fólk verður atvinnulaust um leið, þegar útlendingar yfir-
gefa landið vegna atvinnumissis og offramboð er af íbúðum.
Bankarnir standa á herðum almennings og almenningur hefur
aðeins fótfestu í íslensku krónunni. Á hverju krónan stendur
veit enginn, en við vitum að hún hrapar. Þegar almenn-
ingur fellur falla bankarnir með. Kreppan sem skók
Bandaríkin í vetur er ekki orðin að veruleika hér.
Hún átti rót sína í því að fólk réði ekki við húsnæð-
islánin sín lengur og húsnæðisverð féll á sama tíma.
Með hverjum mánuði sem líður hækkar verðlag og
um leið afborganir fólks og allt stefnir í að utanað-
komandi kreppan hans Geirs breytist í innanlands-
kreppu. Þar sem það er ólíklegt að við snertilendum
eftir fallið hlýtur að teljast undarlegt að flugstjórinn
segi okkur ekki að spenna sætisólarnar.
„Það vill það örugglega enginn!“ segir
Hrönn Marínósdóttir, stjórnandi riFF,
alþjóðlegu kvikmyndahátíðarinnar í
reykjavík. Miðasala á hátíðina hefst á
morgun og stendur í ellefu daga.
geT Ég riff-T
MiðakauPuM?
sandkorn
n Rekið Davíð, segir Egill Helga-
son að Þorsteinn Pálsson meini
í leiðara sínum í Fréttablaðinu.
Þorsteinn,
sem stund-
um hefur
verið frægur
fyrir að skrifa
undir rós -
og stundum
svo að að-
eins færustu
handrita-
lesarar finna merkinguna, skrif-
aði langan leiðara sem Egill sá
ástæðu til að þýða yfir á íslensku.
Kannski ástæða til enda skrifaði
Jónas Kristjánsson, ritstjóri Vísis,
Dagblaðsins, DV og fleiri blaða
til margra áratuga, um leiðara
Þorsteins: „Þar var einkum talað
undir rós, stundum torskilið fyrir
einfeldning eins og mig.“
n Þegar Davíð Oddsson fór gegn
Þorsteini Pálssyni í sögufrægu
formannskjöri á landsfundi
Sjálfstæðisflokksins lagði hann
út af því að skipta þyrfti um for-
mann því Sjálfstæðisflokkurinn
hefði verið
meira utan
ríkisstjórn-
ar en innan
hin síðari ár.
Enda fór það
svo að Davíð
náði kjöri og
hefur flokk-
urinn verið
í ríkisstjórn alla tíð síðan. Nú
virðist tími Þorsteins Pálsson-
ar hins vegar kominn. Alla vega
ef marka má skrif framsóknar-
mannsins Halls Magnússonar
sem hvetur nú til þess að Þor-
steinn verði gerður að formanni
Sjálfstæðisflokksins á ný enda
séu skrif hans málefnaleg og
yngri kynslóðin ekki reiðubúin
að taka við stjórnartaumunum af
Geir H. Haarde.
n Svo sem frægt er orðið eignaði
Morgunblaðið ranglega Halldóri
Laxness höfundarréttinn að
vísum tveimur sem hann hafði
skrifað í bók vinkonu sinnar tólf
ára gamall. Guðmundur Magn-
ússon bloggari benti á að önnur
vísan væri eftir Þorleif Jónsson á
Hjallalandi
í Vatnsdal.
Þetta sá
hann á vef
Skjalasafns
Skagafjarð-
ar. Þar eru
menn nú
teknir til við
að reyna að
hafa uppi á hinni vísunni líka
og fá þá á hreint hver höfundur
hennar er.
n Nú er vika þangað til þing
kemur saman á nýjan leik. Eitt
þeirra mála sem menn bíða
hvað spenntastir eftir að sjá
hvort eitthvað verði úr er boð-
aðar breytingar á eftirlaunakerfi
ráðherra og þingmanna. Þrátt
fyrir að margoft hafi verið boð-
aðar breytingar á eftirlaunakerfi
sem tryggir stjórnmálamönnum
margfalt betri lífeyrisréttindi en
öðrum hefur enn ekkert verið
samþykkt til að draga úr þessum
forréttindum stjórnmálamanna,
sem þeir ráða auðvitað sjálfir
hvort verði breytt eða ekki.
LyngháLs 5, 110 Reykjavík
Útgáfufélag: Útgáfufélagið Birtíngur ehf.
Stjórnarformaður: hreinn Loftsson
framkvæmdaStjóri: elín Ragnarsdóttir
ritStjórar:
jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
ásmundur helgason, asi@birtingur.is
dv á netinu: dv.iS
aðalnúMer: 512 7000, ritStjórn: 512 7010,
áSkriFtarSíMi: 512 7080, auglýSingar: 515 70 50.
Umbrot: dv. Prentvinnsla: landsprent. Dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„Ég var aldrei
meira en 5
mínútum of sein.“
n Zofia Krasúska um það að laun voru dregin af
henni þegar hún mætti of seint í vinnuna í
Krónunni. Hún var síðan rekin þegar hún bað um
stutt frí til að útvega börnum sínum kennitölur. - DV
„Við erum ekkert
„trailertrash“
hérna. Ég er
með Benz og
Patrol hinum megin
við húsið.“
n Kjartan Jón Bjarnason sem býr í hjólhýsi
meðan hann klárar að byggja húsið sitt. - DV
„Mig langar svo
að berja þig,
Ragnar.“
n Benjamín Þór Þorgrímsson
áður en hann gekk í skrokk á Ragnari
Magnússyni í þættinum Kompás. - Stöð 2
„Ég hélt að þetta
væri eitthvað
grín.“
n Bjarni Felixson um að ungir
athafnamenn hafi opnað sportbar í Austurstræti
sem heitir í höfuðið á íþróttaþulinum landsþekkta. -
24 stundir
„Ég skyldi passa mig.
Annars hlyti ég
verra af.“
n Jóhannes Karl Kristjánsson
sem ofbeldismaður taldi vera
Jóhannes Kr. Kristjánsson ritstjóra
Kompáss og hótaði öllu illu. - Fréttablaðið
bókstafLega
spurningin