Framkvæmdafréttir Vegagerðarinnar - 07.06.2010, Blaðsíða 6

6
Fyrirsögnin á þessari grein er orðtak sem komið er inn í
íslenska tungu úr erlendum málum. Það er fyrst þekkt á þýsku
„das Kind mit dem Bade ausschütten“ og fyrsta heimild um
notkun þess er frá árinu 1512. Á ensku er sagt: „throw out
the baby with the bath water“ og heyrist það oft. Orðtakið er
nokkuð gegnsætt en má annars skýra svona: „að tapa góðum
hlutum þegar slæmum er hent“.
Ástæðan fyrir þessum formála er að orðtakið hefur leitað
talsvert á mig undanfarna daga þegar mér er hugsað til áforma
samgöngu- og sveitarstjórnarráðuneytisins um að sameina
nokkrar undirstofnanir sínar í tvær, þ.e.a.s. stjórnsýslustofnun
og stofnun fyrir framkvæmdir og rekstur. Málið er komið svo
langt að drög að lagafrumvörpum eru tilbúin og ráðuneytið
hefur efnt til nafnasamkeppni fyrir þessar nýju stofnanir á
meðal væntanlegra starfsmanna þeirra.
Vegagerðin er langstærsta stofnunin sem er inni í þessu
sameiningarferli. Um síðustu áramót voru starfsmenn henn-
ar 302. Samkvæmt skýrslu vinnuhóps um verkefni, verk-
lag og verkferla fara um 15 ársverk frá Vegagerðinni til
stjórnsýslustofnunar en 288 ársverk til stofnunar framkvæmda
og reksturs. Þau sameinast 32 ársverkum frá Siglingastofnun.
Stofnunin mun hafa heimild til að taka að sér verkefni frá
Flugmálastjórn er varða rekstur og viðhald smærri flugvalla
en engir starfsmenn fylgja þeim.
Stofnun framkvæmda og reksturs verður ný stofnun, með
nýju skipuriti og skipulagi. Það felur í sér spennandi verkefni
því nýir tímar og tækni bjóða upp á nýtt verklag á mörgum
sviðum. Þetta verður stærsta einstaka breytingin á verkefnum
„Að henda barninu út
með baðvatninu“
Skoðun mín
Viktor Arnar Ingólfsson
ritstjóri skrifar:
Vegagerðarinnar frá því embætti landsverkfræðings var skipt
í embætti vegamálastjóra og vitamálastjóra á öðrum áratug
síðustu aldar. Ég finn að starfsmenn Vegagerðarinnar taka
þessu með opnum hug og eru tilbúnir í þetta verkefni.
Tilkynning barst frá samgönguráðuneytinu um nafnasam-
keppni í 20. viku og ég notaði hvítasunnuhelgina í að velta
fyrir mér mögulegum heitum. Margt kom í hugann sem
spannaði verkefnasvið nýrrar stofnunar, þ.e. vegir, hafnir,
flugvellir, framkvæmdir, rekstur, viðhald og þjónusta, en
við tölvuleit kom í ljós að efnilegustu hugmyndir mínar
höfðu allar verið notaðar áður sem firmaheiti eða á öðrum
vettvangi. Samsett heiti skoðaði ég lítið enda óþjál og ná
sjaldan festu í daglegu máli. Til dæmis heyri ég sjaldan vísað
í „samgöngu- og sveitarstjórnarráðuneytið“ í umræðu. Eldra
heiti, „samgönguráðuneytið“, er enn notað af flestum.
Að lokum fór ég að íhuga hugmynd sem ég hafði heyrt hér
innanhúss í þá veru að ný stofnun myndi nýta nafn og merki
Vegagerðarinnar. Orðið „vegur“ má teygja yfir í „sjóvegur“
sem er til í orðabók og getur sjálfsagt líka verið metafóra fyrir
flugleið. Hvati samgöngu- og sveitarstjórnarráðuneytisins
að þessu sameiningarferli er hagræðing og endurnýting
nafns og merkis fellur vel að því markmiði. Firmamerki
Vegagerðarinnar er eins og vatnsmerki í gegnum öll hennar
verkefni. Það mun kosta óhemju fé og fyrirhöfn að skipta því
út. Það er í öllum prentuðum gögnum, á tækjum og vélum,
húsnæði og sumum merkjum við vegi. Nafn Vegagerðarinnar
sem stofnunar sem annast vegagerð og viðhald vega er líka
inngróið í þjóðarvitundina og það mun kosta gríðarlegt átak á
sviði almannatengsla að koma nýju nafni á framfæri og gera
það þjált og sjálfsagt í öllum samskiptum. Vegagerðin rekur
í dag mikilvæga upplýsingaþjónustu um færð og ástand vega
í síma 1777 og það má ekki vera neinn vafi á því hvert skuli
leita. Vefsíða Vegagerðarinnar, vegagerdin.is, er líka óhemju
öflug í dreifingu upplýsinga og ein mesta heimsótta vefsíða
landsins þegar veður eru vond að vetri til.
Árið 2008 tók Vegagerðin við stjórn Norræna vegasam-
bandsins (NVF) til fjögurra ára. Stjórnartímabilinu lýkur
með risastórri ráðstefnu og hefur Harpan, nýja tónlistar- og
Starfsstöð Vegagerðarinnar á Reyðarfirði. Allar starfsstöðvarVegagerðarinnar á landinu, 21 að tölu, eru merktar stofnuninni.