Dagblaðið Vísir - DV - 01.05.2008, Blaðsíða 16

16 FIMMTUDAGUR 1. MAf 2008
Helgarblad DV
Idolstjarnan Karl Bjarni Guðmundsson,
eða Kalli Bjarni, er kominn á bak við lás
og slá í Hegningarhúsinu við Skólavörðu-
stíg. Hann fékk tveggja ára fangelsisdóm.
Blaðamaður DV fylgdi Kalla Bjarna síð-
ustu skrefin sem frjáls maður um hádegi
í gær. Fyrir utan kvaddi hann sína nán-
ustu og bar sig mannalega, þrátt fyrir að
vera í þessari stöðu. Inni ætlar hann að
mennta sig og semja tónlist.
BALDUR GUÐMUNDSSON
blaðamaður skrifar baldum'dv.is
Það var merkilega létt yfir Kalla
Bjarna þegar blaðamaður hitti
hann fyrir utan Hegningarhúsið
við Skólavörðustíg um hádegisbilið
í gær. Hann átti að fara inn kvöldið
áður en fékk að sofa heima hjá sér.
Sólin skein sínu skærasta á Kalla
Bjarna í gær þó inni biði hans öllu
verri vist. Hann virtist taka örlögum
sínum af æðruleysi, var fremur fá-
máll en innilegur. Þegar hann hafði
reykt síðustu sígarettuna kvaddi
hann kærustu sína innilega, í síð-
asta sinn í bili. Hann hvíslaði hug-
hreystandi orðum í eyra hennar og
hélt fast utan um hana. Svo gekk
hann að hurðinni, sneri sér við og
kastaði kveðju á viðstadda.
„Mig langar að taka nokkra
áfanga í viðskiptafræði. Ég hef aldrei
kunnað með peninga að fara og það
væri kærkomið tækifæri að geta afl-
að sér þekkingar á því sviði," sagði
hann við blaðamann DV á þriðju-
daginn. „Ég veit að ég hef hæfileika
áýmsum sviðum. Mig langar að fást
við það sem ég geri best, það er að
spila og semja tónlist. Vonandi get
ég dútlað eitthvað við það í fangels-
inu," sagði Kalli Bjarni. Hann hyggst
nýta sér þau meðferðarúrræði sem
í boði eru í fangelsinu, í þeirri við-
leitni sinni að koma lífinu á réttan
kjöl.
Sjóari frá Grindavík
Karl Bjarni Guðmundsson, eða
Kalli Bjarni, fæddist 6. janúar 1976.
Hann hafði stundað sjóinn frá
Grindavík um nokkurt skeið þegar
hann hóf þátttcku í Idol Stjörnu-
leit. Hann kom landsmönnum fyr-
ir sjónir sem nokkuð harður nagli af
Suðurnesjum sem hafði lifað tím-
ana tvenna. Þrátt fýrir það var hann
mjúkur inn við beinið og talaði mik-
ið um börnin sín tvö og eiginkonu.
Það var þann 16. janúar 2004 sem
Kalli Bjarni stóð uppi sem sigur-
vegari fyrstu Idol Stjörnuleitarinn-
ar. Hann hafði á umliðnum mán-
uðum sungið sig inn í hug og hjörtu
þjóðarinnar með frábærri frammi-
stöðu í þessari fyrstu seríu Idolsins.
Á úrslitakvöldinu söng hann Must-
ang Sally með slíkum krafti að hann
stóð uppi sem verðskuldaður sigur-
vegari. Toppnum var náð.
Hrókur alls fagnaðar
Næstu vikur og mánuði tróð
hann upp úti um allt land. Hann
kom fram við hin ýmsu tækifæri og
var hrókur alls fagnaðar. Um haustið
gaf hann svo út plötuna Kalli Bjarni
sem fékk misjafna dóma gagnrýn-
enda. Fyrir hana hlaut hann með-
al annars hin umdeildu verðlaun
Gullkindina, fyrir verstu plötu og
stjörnuhrap ársins. Næstu misseri
heyrðist minna frá sjómanninum
úr Grindavík. Stundum heyrðust
óstaðfestar sögusagnir af óheil-
brigðu líferni hans en að öðru leyti
var hann ekki áberandi.
Það var þann 31. maí í fyrra sem
fregnir bárust af því að Kalli Bjarni
hefði verið handtekinn í Leifsstöð
með tvö kíló af kókaíni. Hann sagð-
ist hafa gripið til þessa örþrifaráðs
vegna fíkniefnaskuldar. Hann var
hnepptur í tveggja vikna gæslu-
varðhald en sat svo inni í þrjá mán-
uði. Það kom honum mikið á óvart
að losna út eftir svo skamman tíma.
„Ég var bara að mála grindverk, inn-
an fangelsisins, þegar það var pikk-
að í öxlina á mér og mér tilkynnt að
ég mætti fara. Ég varð alveg stein-
hissa," sagði Kalli Bjarni um þann
tíma við blaðamann DV í fyrradag.
„Ég erfíkill"
I desember var hann síðan
dæmdur í tveggja ára fangelsi fyr-
ir innflutninginn. Á gamlárskvöld
urðu önnur þáttaskil í lífi hans. Þá
komst hann að því að konan hans
bar ekki sama hug til hans og áður.
„Þegar ég komst að því sá ég að það
var ekki grundvöllur fyrir að halda
sambandinu áfram. Ég fór því frá
henni," sagði hann við DV á þriðju-
daginn. í janúar veitti Kalli Bjarni
svo Kastíjósi viðtal, úti á sjó. Þá var
hann að eigin sögn edrú og var að
reyna að vinna fyrir skuldum. Þar
kom meðal annars fram að Kalli
Bjarni byrjaði fyrst að nota fíkni-
efni 15 ára gamall. Hann fór fljót-
lega að neyta kannabisefna dag-
lega, auk þess sem hann fiktaði við
kókaín. „En maður hafði ekkert allt-
af efni á því að nota það þannig að
maður var líka í amfetamíni," sagði
Kalli Bjarni meðal annars í við-
talinu. Hann hætti á sjónum fáein-
um dögum eftir viðtalið við Kast-
ljós. „f einhverju þunglyndi byrjaði
ég aftur í neyslu. Ég ætíaði aðeins
að kíkja á þetta en það gengur víst
ekki þannig fyrir sig. Ég er fíkill og
áður en ég vissi af var ég kominn
með fulla vasa af efnum. Þá var ekki
aftur snúið. Flestir sem hafa verið í
þessu í einhvern tíma selja dóp til
að fjármagna eigin neyslu. Þannig
gerði ég það líka."
Erfiðast að hætta að reykja
Þann 28. mars bárust aftur slæm-
ar fregnir af Idolstjörnunni. Hann
var handtekinn á Hótel Vík í Síðu-