Dagblaðið Vísir - DV - 01.05.2008, Blaðsíða 68

68 FIMMTUDAGUR 1. MAl 2008
Fólkið DV
ÖKUÞÓRINN KRISTJÁN EINAR í GÓÐUM HÖNDUM:
ÆFIR HJÁ
JÓNIAR
Kristján Einar Kristjánssson keppir í bresku Formúlu
3-keppninni í ár. Byrjunin lofar góðu, enda er Kristján
með þjálfara sem kallar ekki allt ömmu sína.
„Það er tekið vel á manni," segir Kristján Einar
Kristjánssson, íslenski ökuþórinn í Formúlu 3-
kappakstrinum.Kristjánæfirnúundirhandleiðslu
tugþrautarkappans og Ólympíufarans, Jóns
Arnars Magnússonar, í bænum Christchurch í
Suður-Englandi þar sem þeir búa og æfa saman.
„Það þarf að halda sér í góðu formi því átökin
í bílnum eru gríðarleg. Það eru kannski fáir sem
vita það að kappakstur er „full time"-íþrótt," segir
Kristján og lætur vel af þjálfunaraðferðum Jóns
Arnars. Þetta er ekki í fyrsta sinn sem Jón Arnar,
sem tvisvar hefur verið valinn íþróttamaður ársins
hérálandi,þjálfaríslenskanafreksmannþvíhann
hefur meðal annars haldið handboltakappanum
Guðjóni Val Sigurðssyni í formi á milli tímabila í
þýsku úrvalsdeildinni í handbolta.
Er í fimmta sæti
Kristján, sem er aðeins nítján ára, hefur keppt í
fjórum mótum í bresku Formúlu 3-keppninni í ár
og er sem stendur í fimmta sæti í stigakeppninni.
Mótin eru alls átján og er bæði keppt á helstu
brautum Bretlands og víðar um heim. Næsta
mót um þarnæstu helgi er til að mynda á Monza-
brautinni á Italíu sem einnig er keppt á í Formúlu
1-keppninni. „Svo eru tvö mót þar sem allar
Formúlu 3-keppnir í heiminum koma saman,
hvort sem það er breska, ástralska, japanska eða
hvað," segir Kristján. „Annað þeirra er í Kína og
hitt í Hollandi og það er verið að skoða það hvort
ég taki annað þeirra."
Kristján keppir fyrir Carlin sem er talið vera
besta liðið í Formúlu 3-keppninni í dag. Hann
segir það hafa verið vægast spennandi að taka
þátt í þessu ævintýri það sem af er tímabilinu.
„Þetta er náttúrlega búið að vera algjör draumur.
Og ég er mjög þakklátur fyrir að komast í þetta."
Markmið Kristjáns og félaga í Carlin-
liðinu núna er að enda í einu af þremur efstu
sætunum. Boginn var ekki spenntur það hátt
áður en tímabilið hófst, en í ljósi þess hve vel
hefur gengið hjá ökuþórnum unga var markið
sett hærra að endurskoðuðu máli. Tímabilinu
lýkur í október.
Geðveiki að fara út í þetta
Kappinn er iðulega spurður að því hvort
draumurinn sé að keppa í Formúlu 1-keppninni,
og það er á honum að heyra að það sé vissulega
stefnan. „Það er alls ekki fjarlægur draumur, þótt
það hafi þurft svolitla geðveiki til að fara út í þetta.
Eins og einhver sagði við mig einhvern tímann:
Það er eins og ég sé að spila með Manchester
United og komi frá landi þar sem er enginn
fótboltavöllur því það eru náttúrlega engar
kappakstursbrautir á Islandi."
Þess má geta að hægt er
að heilsa upp á Kristján
og skoða einn af
keppnisbílum hans
á sýningunni Bílar
og sport í Fífunni
í Kópavogi um
næstu helgi.
kristjanh@dv.is
Kristján Einar Kristjánsson
Lætur vel af þjálfuninni hjá
Jóni Arnari.
HINNNYI
TARZAN
Eftir að hafa verið rutt úr bæjar-
stjórastóli á Bolungarvíkstefhir
allt í að Grímur Atlason sé að
verða goðsögn í lifanda lífl.
Margir hafa líst yflr stuðningi
við bæjarstjórann fýrrverandi,
segja hann hafa rifið upp bæjar-
félag sem var á hraðri niður-
leið. Það gerir flka góðvinur
Gríms, Lýður Ámason, flökku-
læknir á Vestfjörðum og hljóm-
sveitarkollegi. Nálgun hans á
málinu er þó heldur frumlegri en
margra annarra. Á bloggi sínu líkir
hann Grími Atlasyni við sjálfan
Tarzan. Lýður segir frá því að
þegar Tarzan birtist apahjörðinni
í frumskóginum hafi honum
verið tekið fálega í fýrstu. Smám
saman hafi þeir þó tekið hann í
sátt, þessum nýja félaga nýjunga.
Að mati Lýðs er þessu öfugt farið í
Bolungarvík - Tarzan er farinn en
nóg er eftir af öpunum.
BRÆÐUR
í BARCELONA
Á meðan fjölmiðlar greina frá því að
íslenskir rapparar séu í stríði, virðist
Erpur Eyvindarson ekki spá mikið
í það. Erpur er um þessar mundir í
Barcelona, ásamt stórum hópi vina
og bróður sínum Eyjólfi Eyvind-
arsyni, sem einnig gengur undir
nafninu Sesar A. Bræðurnir lögðu
af stað á mánudaginn og hafa verið
í góðu yfirlæti. Samkvæmt heim-
ildum DV var það svo í áætlunum
hópsins að taka hús á leigu, rétt fýrir
utan borgina, og þar á að dveljast
í vellystingum alveg fram í miðjan
maí. Eyjólfur þekkir borgina eins og
lófann á sér, en þar hefur hann ver-
ið við bæði nám og störf undanfarin
ár. Sjálfur sendir hann frá sér plöt-
una Of gott á næstunni, en Erpur er
sagður ætla að senda frá sér plötu
með haustinu.
KANYE WEST HVETUR FÓLK TIL AÐ SJÁ ÍSLENSKAN LISTAMANN:
BLOGGAR UM OLAF ELIASSON
Tónlistarmaðurinn Kanye West gerir
íslenska listamanninn Ólaf Efl'asson
að umtalsefni á bloggi sínu í vikunni.
Kanye hefur haldið úti blogginu í
mörg ár, en þar skrifar hann sjálfur
um það sem hendir hann í daglegu
lífi, en einnig fjallar hann um tísku,
tölvuleiki, sjónvarpsefni, kvikmyndir
ogmyndlist. Kanyeskrifarum ogbirtir
myndir af yfirlitssýningu Ólafs sem er
um þessar mundir í gangi í MoMA,
Museum of Modem Art, í New York.
Á sýningunni má finna ýmis listaverk
eftir Ólaf, sem hann hefur gert á
undanförnum 15 árum, en það allra
helsta eru stórar innsetningar Ólafs,
þar sem hann gerir tilraunir með
ljós, rými og frumefnin. Sýningin
hófst 20. apríl og stendur til 30.
júní. Hróður Ólafs í Bandaríkjunum
hefur aukist jafnt og þétt undanfarið
ár. í fýrra var hann fenginn til þess
að gera risastórt verk í verslun
Louis Vuitton í Bandaríkjunum,
en Kanye er sjálfur smekkmaður
og hefur eflaust komið auga á verk
Ólafs þar. MoMA-safnið er eitt það
virtasta í heimi. Það er á besta stað
á Manhattan og þar sýna aðeins þeir
allra bestu. Meðal þeirra verka sem
hanga þar frá degi til dags má nefna
hinar margfrægu súpudósir Andys
Warhol, ásamt verkum Monets,
Gauguins, Pollocks og allra helstu
listamanna undanfarinna alda.
dori@dv.is
Kanye West Hvetur fólk til
að mæta á sýningu Ólafs.
Ólafur Elíasson
Sýnir um þessar mundir í
MoMA-safninu f New York.