Vestfirska fréttablaðið - 11.02.1977, Blaðsíða 3

3
Magnús Reynir Guðmundsson, fréttaritari Ríkisútvarpsins
á isafirði, flutti sl. fimmtudag í fréttaauka, yfirlit um raforku-
mál vestfirðinga.
Hann hefir góðfúslega léð blaðinu það til birtingar.
Iskyggilegar horfur um raforkumál vestfirðinga
Að undanförnu hafa fjölmiðlar fjallað mikið um rafmagns-
mál austfirðinga og þá fyrst og fremst vegna bilana, er þar
hafa orðið á raflínum. Minna hefur heyrst um ástand raforku-
mála á Vestfjörðum, enda hafa ekki orðið bilanir þar í vetur
svo orð sé á gerandi. Vestfirðingar hafa þó mjög miklar
áhyggjur af raforkumálum sínum, og ekki að ástæðulausu, ef
nánar er að gáð.
í fyrsta lagi er orkuskortur ríkjandi á Vestfjörðum, enda
þótt sá orkuskortur hafi ekki enn sem komið er bitnað á
almennri heimilisnotkun. Það er t.d. enginn grundvöllur fyrir
iðnaði sem krefst nokkurrar orku, vegna þess að sú orka er
alls ekki fyrir hendi.
í öðru lagi eru á þessu ári engar framkvæmdir fyrirhugaðar
til raforkuaukningar á svæðinu. Það er ekkert fjármagn ætlað
til nýrra virkjana, ekkert fjármagn ætlað til línulagnar til
Vestfjarða frá öðrum landshlutum, sem aflögufærir kunna að
vera með raforku og ekkert fjármagn ætlað til aukningar á
raforku framleiddri með diseliselvélum. Sem sagt engin
áform uppi um að mæta aukinni orkuþörf svæðisins umfram
það sem nú er.
Á Vestfjörðum hefur raforkunotkun aukist meira en annars
staðar á síðustu árum þ.e. almenn notkun, að undanskilinni
stóriðju. Þannig jókst notkunin á árinu 1976 um 26,5% frá
árinu á undan og nam framleiðslan 43,9 GWst. Mjólkárvirkjun
II, sem átti að leysa vandann til nokkurs tíma, kom þó ekki í
veg fyrir mikla raforkuframleiðslu með diselvélum, þrátt fyrir
að virkjunin framleiddi raforku allt árið 1976. Til marks um
ástandið nú í dag má geta þess, að varaaflstöð Rafveitu
ísafjarðar, sem sett var upp fyrir áramótin og átti að vera
algjör varastöð, er nú keyrð fimm daga vikunnar, að ósk
Rafmagnsveitna ríkisins, vegna aukins álags. Stöðin er
rúmlega 2 MW. Ef gert er ráð fyrir sömu aukningu í % á þessu
ári og á árinu 1976 þarf að framleiða 55,5 GWst. til að
fullnægja þörfinni. Að sögn Aage steinssonar, rafveitustjóra
RARIK á Vestfjörðum og Jakobs Ólafssonar, rafveitustjóra
Rafveitu ísafjarðar, verður mest öll aukningin að koma frá
diselstöðvum og verða því trúlega framleiddar um 14GWst.
með diselvélum á árinu 1977. Kostnaður við þennan olíu-
austur verður að líkindum um V2 milljarður króna.
En það eru líkur á að aukningin verði öllu meiri í ár, en hún
var í fyrra. M.a. er líklegt að lélegur árangur af jarðborunum
eftir heitu vatni á þéttbýlisstöðum á Vestfjörðum verði þess
valdandi, að ásókn verði meiri í raforku til húsahitunar. í
Bolungarvík er t.d. nýlokið borunum sem urðu árangurs-
lausar. Að sögn Aage Steinssonar hefur eftirspurn eftir
raforku til húsahitunar í Bolungarvík aukist mjög að fenginni
þessari niðurstöðu borunar.
Á árinu 1975 lét RARIK gera könnun á kostnaði við
upphitun íbúðarhúsnæðis í Bolungarvík. Voru valin 20 hús af
svipaðri stærð, 10 hituðu með olíu og 10 með rafmagni.
Niðurstaðan varð sú, að kostnaður við olíuhitunina varð 204
þúsund krónur á hvert hús en rafmagnshitunin kostaði 101
þúsund krónur á hvert hús. Er þá svokallaður olíustyrkur ekki
tekinn með í dæminu, en hann mun hafa numið innan
við 30 þúsund krónum á meðalfjöldskyldu þetta ár. Niður-
staðan varð því sú, að það kostaði 40% minna fyrir húseig
endur að hita hús sín með rafmagni heldur en olíu.
Það er því ekki að ástæðulausu að raforkunotkun hefur
aukist meira á Vestfjörðum heldur en t.d. á þeim svæðum þar
sem jarðarðhiti er nægur til hitunar húsnæðis. Vestfirðingum
þykir því furðulegt að ekki skuli vera tekið tillit til þessa
atriðis, þegar fjármagni er ráðstafað til orkumála.
Eins og fyrr segir er ekkert fjármagn áætlað til virkjana á
þessu ári. Virkjanir myndu þó ekki leysa vandann, sem við
blasir, til þess er tíminn of naumur. Sú lausn, sem forráða
menn rafmagnsmála á Vestfjörðum telja þá einu sem til
greina komi, er lagning línu frá Hrútafirði í Búðardal þaðan í
Króksfjarðarnes vestur Barðastrandarsýslu um Þingmanna-
heiði og til Mjólkárvirkjunar. Mælingar hafa verið gerðar í
sambandi við þessa línulögn og kostnaðaráætlun, er hljóðar
upp á 1650 milljónir króna, að meðtöldum aðveitustöðvum
og öðrum búnaði. Þessi línulagning myndi koma Dalasýslu
og Strandasýslu til góða auk Vestfjarða. Að sögn Aage
Steinssonar, rafveitustjóra, hefur þingmönnum kjördæmisins
margoft verið bent á hvert stefndi í raforkumálum vest-
firðinga, en þrátt fyrir skilning þeirra á málinu hefur þeim ekki
tekist að fá fé til framkvæmda. Vestfirðingar eru mjög
óánægðir með að fá ekki fjármagn til línulagningarinnar, sem
myndi tryggja raforkumál þeirra til frambúðar..
Á sama tíma og milljörðum er varið til orkuframkvæmda í
öðrum landshlutum og boðaðar eru framkvæmdir í raforku-
málum sem kosta enn meira fé þykir vestfirðingum súrt í broti
að hafa aðeins trygga raforku er nægir til að halda fisk-
iðnaðinum gangandi. Raforka til annarra hluta svo sem
iðnaðar, sem nauðsynlegt er að koma á fót á Vestfjörðum, og
til hitunar húsnæðis er ekki fyrir hendi, eða þá að framleiða
verður raforkuna með olíu, fyrir óheyrilegt verð, á sama tíma
og ekki er hægt að torga allri þeirri raforku, sem framleidd er
við Þjórsá
AFLI
Framhald af 8. síðu.
Óska að
kaupa
notað
SJÓNVARPSTÆKI
Upplýsingar í
síma 3763
Ásgeir Torfason 52,3 13
SUÐUREYRI:
Traustitv. 149,3 3
Kristján Guðmundss. 107,219
19
Sigurvon 105,7 19
Ólafur Friðbertsson 97,8 21
BOLUNGARVÍK:
Dagrún tv. 262,7 2
Guðmundur Péturs 116,0 19
Hugrún 91,6 19
Sólrún 31.1 5
Kristján 28,4 9
Sævar 20,5 7
iSAFJÖRÐUR:
Guðbjörg tv. 293,6 3
Júlíus Geirmundss.tv. 283,8 3
Páll Pálsson tv. 220,6 3
Guðbjarturtv. 137,3 1
Orri 114,819
Víkingurlll 99,619
Guðný 56,314
SUÐAVÍK:
Bessitv. 301,6 3
Framanritaðar aflatölur eru
miðaðar við óslægan fisk.