Vestfirska fréttablaðið - 22.03.1984, Blaðsíða 8
Skíðafatnaður
25% afsláttur
=E SFORTHLAÐAN
SILFURTORGI 1
1»
H.F.
vestfirska
FRETTABLASID
ERNIR V
ISAFIROI
Símar 3698 og 3898
BlLALEIGA
Það er til marks um hinn
góða afla síðustu vikuna
að á Patreksfirði hafa
menn orðið að láta skip
sín liggja vegna þess að
ekki hafðist undan að
verka fiskinn í almennileg-
ar pakkningar. Þannig
verður togarinn látinn bíða
í tvo til þrjá daga og neta-
báturinn Þrymur hefur
kastað mæðinni siðan á
sunnudag, en búist var við
að honum yrði leyft að
leggja i gær. Þrymur aflaði
81 tonn í síðustu viku, afla-
verðmæti um 1200
þúsund.
Það hefur verið tregara
hjá línubátum þessa vik-
una en oft áður. Þó var afli
eitthvað að glæðast hjá
Bolungarvíkurbátum aftur.
Þar voru menn að verða
uppiskroppa með loðnu en
vonuðust eftir að fá meira
hvað úr hverju. Rækjubát-
urinn Svalborg var að
landa þar 25 tonnum af
úthafsrækju, en nú eru
rækjuveiðarnar í Djúpinu
að komast í eindaga.
BESSI landaði 135 tonnum
á föstudaginn.
GUÐBJARTUR kom með
80 tonn á mánudaginn.
PALL PÁLSSON landaði
161 tonnl á föstudag, obb-
Inn af því þorskur.
GUÐBJÚRG landaði sama
dag 141 tonni af þorski.
DAGRÚN skilaði 105 tonn-
um á land á föstudaginn.
HEIÐRÚN kom daginn eftir
með 84 tonn.
GYLLIR landaði 150 tonn-
um á miðvikudaginn í síð-
ustu viku.
FRAMNES I kom með 48
tonn af þorski s.l. fimmtu-
dag.
SLÉTTANES landaði sama
dag 127 tonnum.
TÁLKNFIRÐINGUR land-
aði á föstudaginn 146
tonnum, þar af 105 tonn af
þorski.
SIGUREY kom inn á
þriðjudag með 130 tonn,
meiriparturinn þorskur, en
15—20 tonn af steinbít.
HAFÞÓR landaði síðast 43
tonnum af rækju.
Um 50 hundar skráðír á ísafirði
— en hve margir eru óskráðir?
Nýlega samþykkti bæjar-
stjórn ísafjarðar leyfis-
gjald fyrir hunda 1984. Er það
2000 kr. Á opinberri skrá yfir
hunda á (safirði eru nú 52
hundar og eru 75% þeirra
heimilishundar en 25% lögbýl-
ishundar, en fyrir þá síðar-
nefndu er hálft leyfisgjald. Inni-
falið í leyfisgjaldi er ábyrgðar-
trygging og hundahreinsun, en
hún fer fram einu sinni á ári,
vanalega í desember og jan-
úar.
Alla hunda í bænum á að skrá
hjá heilbrigðisfulltrúa, sem geym-
ir allar upplýsingar ásamt mynd í
sérstakri spjaldskrá. En eru allir
hundar í bænum skráðir? Við
spurðum Einar Otta Gunmunds-
son, heilbrigðisfulltrúa:
'Not now, stupid !—I think we're being watched'
Þessa teikningu úr ensku dagblaði sendi Sverrir Jóhannesson okkur frá
Bath í Englandi.
„Nei, það vill verða misbrestur
á því. Ég veit ekki hvað dökka
talan er stór, en menn hafa verið
að giska á að 10 — 20% hunda
séu óskráðir. Þetta skapar hættu á
sullaveiki til dæmis ef menn eru
með óhreinsaða hunda árum
saman. Það er náttúrulega ólík-
legt á svona litlum stað, en það er
þó oft furðanlegt hvað menn eru
búnir að eiga hundinn lengi þegar
maður loksins uppgötvar það.“
Eivað varðar aðra hluta síns
umdæmis sagði Einar að í Bol-
ungarvík og Súgandafirði væri
hundahald bannað, en leyft í
Súðavík eins og öllum öðrum
dreifbýlishreppum. Samt eru
hundar bæði í Bolungarvík og á
Suðureyri, en á fyrrnefnda staðn-
um hafa menn frest til ágústloka
til að ráðstafa hundum sínum. Á
báðum þessum stöðum hefur far-
ið fram hundahreinsun þó þar
ættu ekki lögum samkvæmt að
vera neinir hundar. En hvernig
hefur hundahreinsun almennt
verið sinnt?
„Það hefur verið upp og ofan
hvað hefur verið passað uppá
hundahreinsun, sérstaklega í
dreifbýlishreppunum. Það má
segja um norðanverða Vestfirði
að sums staðar er þetta passað
mjög vel en annarsstaðar ekki. En
einmitt þar sem hundahald er af
þörf, þar er oft pottur brotinn,"
sagði Einar Otti.
Hundahreinsun er ósköp ein-
falt mál nú á dögum, hundunum
er gefin pilla, þannig að mönnum
ætti ekki að vaxa hún í augum.
FRETTABLADID
hefur
heyrt
AÐ ýmsir fjársterkir aðilar á
norðanverðum Vestfjörð-
um séu nú að grúppa sig
saman í félög sem eigi að
standa að fiskirækt í
Inn—Djúpinu. Þannig
heyrðum við að Norður-
tanginn, ásamt fleirum, sé
orðinn aðili að einu slíku
félagi og sé fyrirhugað að
hefja framkvæmdir á Naut-
eyri í sumar. Stofnun ann-
ars félags, með íshúsfélag-
ið í broddi fylkingar, verður
væntanlega tilkynnt innan
skamms. Þeir sem að því
standa hafa þegar óskað
eftir viðræðum viö bæjar-
stjórn (safjarðar um aö-
stöðu í Reykjanesi...
Saklausi
syallarinM
fellur í góð-
an jarðveg
— 5 til 600 manns
hafa séð leikritið
Undanfarið hafa staðið yfir
sýningar á leikritinu Saklausi
svallarinn eftir Arnold og Bach
sem Leikfélag Patreksfjarðar
hefur sett á svið. Leikritið hefur
verið sýnt þrisvar á Patreksfirði,
tvisvar á Bíldudal og einu sinni í
Birkimel á Barðaströnd og alls
staðar verið vel tekið að sögn
Sigríðar Kristjánsdóttur, for-
manns Leikfélagsins. Hún
sagði að 500 — 600 manns
hefðu séð leikritið og taldi að
ekki yrði tap á uppsetningunni.
í bígerð er að sýna leikritið
einu sinni til viðbótar á Patreks-
firði.
J Innanhúss-
j knattspyma:
! Fyrsta mót-
jið á
j Vesttjörðmn
I Knattspyrnudeild UMFB
I gengst fyrir firmakeppni í
J innanhússknattspyrnu í nýja
I íþróttahúsinu í Bolungarvík
I helgina 31. mars til l. apríl.
Lágmarksfjöldi í liði verður
3 menn, en heimilt er að
mæta með 5 menn í keppn-
ina. Leiktími verður 2x7
mínútur.
Þetta er í fyrsta skipti sem
svona mót er haldið á Vest-
fjörðum. Öllum Vestfirðing-
um er heimil þátttaka og
verða þátttökutilkynningar
að hafa borist fyrir þriðju-
dagskvöld. Þeim sem hafa
áhuga er bent á að snúa sér
til Kristins í síma 7434 eða
7351 eða Svavars í síma 7526.
Þátttökugjald er kr. 2.500.
Túnamót í sögu Reiknistofu Vestfjarða:
Flytur í eigið hús-
næði í fyrsta sinn
Reiknistofa Vestfjarða á ísa-
firði flutti um síðustu helgi í nýtt
húsnæði. Þar er um að ræða
160 fermetra húsnæði á þriðju
hæð Aðalstrætis 24. Reiknistof-
an, sem verður 10 ára á þessu
ári, flytur nú í fyrsta skipið í
eigið húsnæði, þannig að þetta
teljast nokkur tímamót í sögu
fyrirtækisins, að sögn Ingimars
Halldórssonar framkvæmda-
stjóra.
Reiknistofan veitir alla al-
menna þjónustu við launaút-
reikning og annað bókhald
tengt tölvuvinnslu. Til þess hef-
ur fyrirtækið IBM System 34 og
eru þrjú fyrirtæki á ísafirði
tengd beint viö þá stöð, Bæjar-
sjóður, íshúsfélag ísfirðinga og
Niðursuöuverksmiðjan. Alls
starfa fjórir hjá fyrirtækinu.
©
POLLINN HF
Isafirói
Sími3792
Vantar þig tæk ú í bílinn?
SANY0 — BELTEK — PHILIPS — JENSEN - R0AD STAR Útvörp, segulbönd, tónjafnarar, kraftmagnarar og hátalarar í úrvali Öll SANY0 bíltæki á einstöku til- boðsverði meðan birgðir endast. nu
BILALEIGA
Nesvegi 5 — Súóavík — 94-6972-6932
Grensásvegi 77 — Reykjavík — 91-37688
Sendum bílinn
Opið allan snlarhringinn