Vestfirska fréttablaðið - 07.02.1985, Blaðsíða 7
vestfirska
iITABLADlll
Þorrablót
Djúpmanna
verður haldið í Gúttó, laugardaginn 16.
febrúar og hefst kl. 20:00.
Hljómsveit Ásgeirs Sigurðssonar
leikur fyrir .dansi.
Miðapantanir hjá eftirtöldum:
Þóru Karlsdóttur, sími 3105
Ingólfi Ólafssyni, sími 4292
Frosta Gunnarssyni, sími 4928
Nefndin.
Leðurlíki
svart, grátt og vínrautt
Kaupf élag ísf irðinga
V ef naðarvörudeild
TYROLIA
Magnús Reynir Guðmundsson, bæjarritari:
Ég vona að þér batni Karvel
Karvel Pálmason, alþingis-
maður, kunningi minn og fyrr-
verandi flokksbróðir, sendir mér
kveðju með skíkasti í síðasta
tölublaði Vestfirska fréttablaðs-
ins. Ástæðan mun vera sú að
hann telur mig höfund nafn-
lausrar greinar, er birtist í Vf fyrir
skömmu, en í þeirri grein er Bol-
ungarvíkurgoöinn krafinn skýr-
inga á því m.a. að ísafjarðarhöfn
varð útundan í fjárveitingum rík-
issjóðs á þessu ári.
Ekki átti ég von á því að Karvel
teldi mig þann eina af íbúum
Vestfjarðakjördæmis, sem hefði
eitthvað við störf hans sem þing-
manns að athuga, og því síður
átti ég von á að hann teldi mig
svo feiminn og óframfærinn eða
kjarklausan gagnvart sér að ég
þyrfti að skýla mér á bak við
nafnleynd.
Ég hef hingað til getað sagt
meiningu mína við Bolungarvík-
urgoðann og á ekki von á að það
breytist. Þetta er að sjálfsögðu
gagnkvæmt eða hefur verið fram
til þessa. Við höfum þó ekki verið
með skítkast í hvor annars garð
fyrr en nú, að Karvel sýnir á sér
nýja hlið og mun ég ekki ræða
við þingmanninn á þeim nótum.
Ég veit ástæðuna fyrir því,
Karvel, að þú telur mig höfund
umræddrar nafnlausar greinar.
Hún er vafalaust sú, að ég hring-
di til þín fyrir skömmu, í nafni
bæjarráðs Isafjarðar, og spurðist
fyrir um m.a. hvort verið gæti að
fallið hefði niður, úr prentun fjár-
laga fyrir árið 1985, nafn ísa-
fjarðarhafnar. Það var ekki ó-
eðlilegt að bæjarráð fæli mér að
kanna slíkt hjá eina fulltrúa Vest-
firðinga í fjárveitinganefnd Al-
þingis. í leiðinni spurði ég þig um
ástæður fyrir því að ísafjarðar-
kaupstaður hefði farið varhluta
af fjárveitingum í ár, ekki síst með
tilliti til þess að ýmsir aðrir staðir
hefðu komist vel á blað (ég nefni
engin nöfn).
Áheyrendur að samtali þessu
voru ekki margir, en því getur þú
treyst, Karvel, að það hefurverið
tekið eftir því hver hlutur Isa-
fjarðarkaupstaðar varð í fjárlög-
unum. Og það er ekki óeðlilegt
að áhugasamir bæjarbúar, t.d.
um byggingu íþróttahúss hér í
bænum, óski skýringa frá fjár-
veitingamanninum, ef hann vildi
vera svo vænn að gefa þær. Það
eru því fjölmargir, Karvel minn,
að minnsta kosti hér á ísafirði,
sem hafa ástæðu til að skrifa þér
og kvarta, þótt ekki sé undir
nafni, í lesendadálki Vf. Og þú
mátt með engu móti halda að ég
sé sá eini sem virði þig viðlits.
Það er alveg af og frá að ímynda
sér það, kæri vinur, þótt ólíkt
minna fari nú fyrir þér á þingi en
áður fyrr. En haldir þú samt sem
áður að nú sé þannig komið að
þú eigir fáa viðmæiendur, m.a. af
því að þú hafir slegið slöku við í
þinginu, þá er ekkert auðveldara
en að kippa því í liðinn með
þróttmiklu starfi, eins og hér áður
fyrr og gæta þess að gefa ekki
höggstað á sér, t.d. með því að
gleyma Isafjarðarhöfn.
Ég vona svo að þér batni,
Karvel minn, og að þú hættir að
dæma menn (og það gamla vini
þína) á jafn hæpnum forsendum
og hér hefur verið drepið á. Bið
þig svo vel að lifa.
Magnús Reynir Guðmundsson
bæjarritari,
Skipagötu 2, l'safirði. Sími:3783
Pétur Bjarnason, fiskimatsmaður:
Nokkur orð um nefndir og ráð
Það er mikið um nefndir og ráð
á íslandi. Eitt slíkt er Náttúru-
verndarráð. Það sendi frá sér
grein í blöðunum fyrir skömmu,
þar sem vakin er athygli fiski-
ræktarmanna á 29. grein nátt-
úruverndarlaga.
Ekki veit ég hve margir hafa
hafið framkvæmdir án þess að
hafa leitað álits Náttúruverndar-
ráðs. Hitt veit ég mikið betur að
það hefur gengið illa að fá svör
við erindum, sem beint hefur
verið til ráðsins, eins og eftirfar-
andi dæmi sýna.
Árið 1981 er sótt um leyfi til
Náttúruverndarráðs og Náttúru-
verndarnefndar N-ísafjarðar-
sýslu fyrir hafbeitarstöð Djúplax
hf. í Reykjarfirði, 16.5.1981.
Jákvætt svar frá Náttúru-
verndarnefnd sýslunnar barst 2.
júní eða eftir 17 daga.
Frá Náttúruverndarráði barst
svar 12. ágúst eða eftir 88 daga
um að ráðið sæi ekki ástæðu til
afskipta af því, sem gert hafi ver-
ið með heimild Náttúruverndar-
nefndar sýslunnar, en setur skil-
yrði um góða umgengni, og á þar
eflaust við 15. grein þar sem
getið er um hrynjandi hús á
eyðibýlum og rústir þeirra svo og
ryðgaðar búvélar og bifreiðar úti
um hvippinn og hvappinn og
fúnandi skip á fjörum.
Hinn 13.9.1984 er sótt um leyfi
til Náttúruverndarráðs og Nátt-
úruverndarnefndar N-ísafjarðar-
sýslu fyrir fiskeldisstöð í Reykja-
nesi við ísafjarðardjúp. Jákvætt
svar barst frá Náttúruverndar-
nefnd sýslunnar hinn 18. 9. eða
eftir 5 daga. Hinn 4. desember
berst loks svar Náttúruverndar-
ráðs dagsett 27. nóv. eða eftir 75
daga þar sem óskað er frekari
upplýsinga og tilkynnt að sendur
verði fulltrúi til þess að kanna
aðstæður og afla upplýsinga.
Ekkert kemur fram í 75 daga
bréfinu, sem skýrir hinn langa
meðgöngutíma svarsins, né
heldur hversvegna við megum
ekki taka mark á jákvæðum
svörum frá Náttúruverndar-
nefndum sýslunnar, sem við
höfum álitið að væru stað-
bundnir umboðsmenn hins háa
Cansellíis í Reykjavík.
Svar okkar til Náttúruverndar-
ráðs, þar sem gefnar eru upplýs-
ingar um það sem um er beðið,
er dagsett 5. des. 1984 og þar í er
eftirfarandi um það atriði, sem
mest áhersla er ráð lögð á.
Varðandi frárennslisatriðið, er
það að segja, að ef ykkar álit
verður á þann veg að þessi
starfsemi valdi meiri mengun í
Hveravík en þau frárennsli sem
þar eru fyrir og hafa verið þar um
langa tíð án ykkar afskipta, þá er
hægur vandinn að leggja frá-
rennslið út fyrir hverasvæðið svo
langt, sem þurfa þykir. Ekkert
svar hefur ennþá borist við þessu
erindi.
Hér getur varla heitið að hafi
komið föl á vegi allan þann tíma,
sem liðinn ersíðan 13. sept. og til
þessa dags og við höfum staðið
hér og mænt vonaraugum suður
heiðar og vænst fulltrúans og
blessunar Cansellísins.
Kannski kemur svo heiðbjartur
sumardagur næsta sumar að af
ferðinni geti orðið og sjálfsagt
hefur okkur verið ætlað að bíða
þangað til.
Það er einmitt þetta atriði sem
mig langar til að gera að um-
ræðuefni, hvort ekki sé einhver
ákveðin venja, þó ekki séu lög,
um hvað lengi opinberar nefndir
og ráð geti látið hjá líða að svara
bréfum og erindum manna, sem
til þeirra eru skyldaðir að leita.
Ekki síst þegar afgreiðsla þeirra
gengur þvert á jákvæða af-
greiðslu viökomandi umboðsað-
ila á staðnum. í þessu tilfelli
Náttúruverndarnefnd N-ísafjarð-
arsýslu.
Hinn almenni borgari virðist
standa algjörlega varnarlaus fyr-
ir því hvort erindi hans fáist af-
greidd innan eðlilegs tíma eða
ekki.
Ef oddviti einhverrar nefndar
eða ráðs er andvígur því erindi,
sem um er sótt, getur hann legið
á málinu og tafið framgang þess
að eigin geðþótta án þess að
viðkomandi fái rönd við reist.
Hann getur líka, ef honum
sýnist svo afgreitt málið strax og
jafnvel farið með fundinn heim til
umsækjanda og afgreitt málið
við eldhúsborðið. Slíks eru
dæmi.
Um fiskeldistilraunina í
Reykjanesi er það að segja, að
vegna þess hvað tímafrekt
reyndist að fá svör frá þeim op-
inberu nefndum, sem til þurfti að
leita, tafðist verkið svo að við
misstum af haustfiskinum og fá-
um ekki seiði fyrr en á þessu ári,
sem þýðir það að tilrauninni
seinkar um eitt ár og þeir fjár-
munir, sem í henni eru bundnir
verða arðlausir ári lengur en þörf
var á og má það þó vera nokkurt
gleðiefni þeim sem helst hafa
sett sig á móti henni.
En nú hefur sólin risið hér upp
fyrir fjallatindana og við inn-
fæddir ísfirðingar og aðrir að-
fluttir, höfum drukkið sólarkaffið.
Uppúr því gerast vindar suð-
lægir og sólin hækkar og von-
gleðin vex, og kannski ber blær-
inn að sunnan með sér lítið blað
frá einhverju stóru Cansellíi í
Reykjavík, þar sem segir að vió
sem erum borin hér og barn-
fædd, megum líka lifa hér, ef við
dönsum eftir þeirra pípu en séum
ekki með neinn uppsteyt. Hver
veit?
ísafirði 27. janúar 1985
Pétur Bjarnason
Silfurgötu 2
ísafirði
FASTEIGNA-
VIÐSKIPTI
ÍSAFJÖRÐUR:
2 herb. íbúðir:
Túngata 3, 65 ferm. íbúð í
kjallara í sambýlishúsi, nýupp-
gerð
3 herb. íbúðir:
Stórholt 13, 85 ferm. á 1. hæð
í fjölbýlishúsi.
Sólgata 8, 2 — 3 herb. íbúð á
1. hæð í þríbýlishúsi.
Heimabær 5, 80 ferm. íbúð á
e.h. í sambýlishúsi.
Mjallargata 6, rúmlega 100
ferm. snyrtileg íbúð á n.h. í þrí-
býlishúsi ásamt geymslu og
lóð.
4 — 5 herb. íbúðir:
Hjallavegur 8, 135 ferm. íbúð
á neðri hæð.
Pólgata 5, 110 ferm. 5 herb.
íbúð á n.h. í þríbýlishúsi,
ásamt bílskúr.
Pólgata 5, 105 ferm. 5 herb.
íbúð á e.h. í þríbýlishúsi.
Stórholt 9, 4 — 5 herb. íbúð í
fjölbýlishúsi. Lítur mjög vel út.
5 — 6 herb. íbúðir:
Fjarðarstræti 27, ca. 95 ferm.
íbúð í tvíbýlishúsi, með stórum
garði á góðum stað.
Einbýlishús/raðhús:
Seljalandsvegur 28, 160
ferm. einbýlishús á tveim
hæðum. Er á góðum stað, fal-
legt útsýni.
Fagraholt 11, nýtt fullbúið
steinhús ásamt góðum garði.
Urðarvegur steinsteypt,
nýtt einbýlishús ásamt bílskúr
og garði.
Árgerði 140 ferm. einbýlishús,
byggt 1971, steinsteypt.
Heimabær 3, 5 herb. einbýlis-
hús, á tveimur hæðum, auk
riss og kjallara. Nýklætt.
BOLUNGARVÍK:
Holtabrún 16, 100 ferm. 3.
herb. íbúð í fjölbýlishúsi.
Holtabrún 7, 2x31 ferm. nýtt
einbýlishús. Hagstæð greið-
slukjör.
Holtabrún 2, 2x83 ferm. nýtt
einbýlishús úr timbri.
Móholt 4, 108 ferm. raðhús á
einni hæð.
Traðarland 8, 150 ferm. nýtt
einbýlishús, ásamt bílskúr.
Traðarstígur 5, 70 ferm. ein-
býlishús með kjallara og stórri
lóð.
Vitastígur 8,108 ferm. einbýl-
ishús vikurhlaðið.
Vitastígur 21, 3 herb. íbúð á
n. hæð í tvíbýlishúsi.
Völusteinsstræti 13, 105
ferm. 5 herb. einbýlishús,
byggt 1962.
Þjóðólfsvegur 16, 54 ferm. 2
herb. íbúð í sambýlishúsi.
Vitastígur 25, 3 herb. íbúð,
aukgeymslu, áe.h. í nýju húsi.
Tiyggvi
Guðmundsson
Hrannargötu 2,
ísafirði sími 3940
Góð auglýsing
gefur góðan arð
Auglýsinga-
síminn er 4011
vesttirska
FRETTABLADID