Vestfirska fréttablaðið - 14.02.1985, Blaðsíða 1
6. tbl. 11. árg.
vestfirska
14. febr. 1985
FRETTABLASID
Hljómplötuútsalan
Síðasti dagur á morgun
Frábært lokaverð:
70
krónur
Plötur á
krónur
270
krónur
Sinarffuðfji/i/isson k
gími 7200 - ///5 uníjaíOík
Seglskipið í Álftafirði:
Stýrið komið upp úr sjó
Síðastliðinn sunnudag fóru
nokkrir ísfirðingar inn i Álfta-
fjörð og tóku upp úr sjónum
stýrið af seglskipi því sem liggur
út af Dvergasteini og sagt hefur
verið frá í Vf fyrr í haust. Til að
lyfta stýrinu úr sjó fengu þeir til
liðs við sig Sigrúnu ÍS 113 úr
Súðavík. Áður höfðu þeir farið
inneftir og þrætt bönd undir
stýrið.
Ekki hefur verið ákveðið
endanlega hvað gert verður við
stýrið en líklega verður því
komið fyrir í sjóminjasafninu í
Neðstakaupstað. Stýrið er réttir
8 metrar á hæð og vegur áreið-
anlega meira en tonn þar sem
það er að stórum hluta kopar-
slegið og einnig nokkuð breitt.
Þjóðminjavörður hefur graf-
ist fyrir um uppruna þessa skips
og ástæður þess að það er þarna
niðurkomið. Það var smíðað í
Pommern í Þýskalandi árið
1879 en keypt til Noregs árið
1900, og hlaut þá nafnið Berg-
ljót. Skipið var á leið til Hafn-
arfjarðar og ísafjarðar árið 1907
með stykkjavöru þegar það
hreppti storm á leiðinni og
hlekktist eitthvað á. Líklega
hafa einhverjir íslenskir aðilar
keypt það þegar það var komið
hingað vestur og ætlað að nota
það í bryggju en hvernig sem
það var þá hefur það ekki farið
niður á réttum stað og hefur það
því lítið nýst þar sem það er
niðurkomið, ef frá er talinn sá
eldiviður sem Álftfirðingar
náðu af því.
Myndin er af barkskipi, eins og AHtafjarðarskipinu.
Flugfélagið Ernir:
í ferðum til Grænlands
Á mánudag og þriðjudag í
þessari viku fór flugfélagið Ern-
ir frá ísafirði í tvær ferðir til
Nuuk í Grænlandi til að sækja
16 Grænlenskar stúlkur sem eru
að koma til starfa hjá Fiskiðj-
unni Freyju á Súgandafirði.
Áður hafði flugfélagið Ernir
sótt einn hóp til Nanortalik í
Grænlandi og fór sá til starfa á
Isafirði og í Súðavík. Flugferð
sem þessi tekur allan daginn þar
sem það tekur um 4Vi klukku-
stund að fljúga hvora leið.
Flugfélagið Emir fékk beiðni
um að fljúga þetta eftir að allir
aðrir sem til var leitað höfðu
neitað þar sem þeir höfðu ekki
vélar í svona langt flug. Cessna
Titan vél Ernis sem notuð var í
þessum ferðum hefur, að sögn
Harðar Guðmundssonar, lengst
flugþol allra flugvéla á íslandi
fyrir utan þotur.
Slæmt
atvinnu-
ástand
hjá rækju-
sjómönnum
ísfirskir rækjusjómenn eru að
vonum óánægðir um þessar
mundir vegna þess að rækju-
veiðar hafa verið stöðvaðar og
þeir eru því verkefnalausir með
báta sína.
Nokkrir eru farnir til veiða
við Grímsey og ieggja upp á
Siglufirði en það eru ekki nema
stærri bátarnir sem ráða við það
að vera á veiðum úti á rúmsjó á
þessum árstima og er það
reyndar heldur slæmur kostur
fyrir þá. Rækjubátaeigendur
hafa farið fram á að fá leiðrétt-
ingu í auknum bolfiskkvóta,
bæði vegna skerðingarinnar á
veiðunum í haust og vegna
stoppsins nú. Þeir hafa beðið um
að fá að veiða í troll innan 12
mílna landhelgi undir vísinda-
legu eftirliti en þær veiðar eru
bannaðar með lögum eins og er.
Einnig hafa þeir sótt um að fá að
veiða rækju á utanverðum
Húnaflóa en líklegt er að þeir
mæti þar andstöðu sjómanna við
Húnaflóa sem rétt hafa til þess-
ara veiða þar. Útlitið er því ekki
sérlega bjart. Bæjarstjórum ísa-
fjarðar og Bolungarvíkur ásamt
sveitarstjóra Súðavíkurhrepps
hefur verið falið að semja álykt-
un sveitarstjórna þessara
þriggja sveitarfélaga við Djúp
sem mestra hagsmuna eiga að
gæta í þessum efnum og verður
þessi ályktun væntanlega gerð
opinber á næstunni.
; Sjúkraflutningar á Isafirði:
iKemur slökkviliðsstjóri í veg
jfyrir 700 þús. króna sparnao?
—Eðaerhannað
verndahagsmuni
þeirra sem þurfa
á flutningunum
að halda?
I Sjúkraflutningar hafa lengi
J verið nokkurt vandamál á Isa-
I firði, þ.e. hverjir ættu að ann-
| ast þá. Lengst af voru þeir í
I höndum lögreglunnar en voru
! færðir til slökkvistöðvarinnar
j árið 1982.
Vegna þessara sjúkraflutn-
J inga eru alltaf tveir starfs-
I menn slökkvistöðvarinnar á
I bakvakt utan venjulegs
J vinnutíma og kostar það bæj-
J arsjóð skv. fjárhagsáætlun
I fyrir árið 1985, kr. 1.300.000 ef
I með er talið greiðslur fyrir út-
köll, launatengd gjöld o.s.frv.
Nýlega leitaði Haraldur L.
Haraldsson bæjarstjóri til
þeirra Torfa Einarssonar og
Finnboga Hermannssonar,
sem höfðu ætlað að setja á
stofn öryggisgæslufyrirtæki á
ísafirði og bauð þeim að taka
þessa flutninga að sér utan
venjulegs vinnutíma starfs-
manna slökkviliðsins fyrir kr.
50.000 á mánuði. Þeir lýstu sig
reiðubúna að ganga til samn-
inga um þetta og var þá
slökkviliðsstjóri kallaður á
fund bæjarráðs til viðræðna
um þetta mál. Þar tilkynnti
hann að hann myndi ekki taka
þátt í neinu samstarfi með ut-
anaðkomandi aðilum um
akstur sjúkrabifreiða. Eftir því
sem næst verður komist verð-
ur þeirri ákvörðun hans ekki
hnikað og hafa þeir sem ætl-
uðu að taka að sér umræddan
akstur tilkynnt að þeir vilji
ekki taka hann að sér við þær
aðstæður, þannig að þessi
samningur er úr sögunni.
Á síðasta bæjarstjómar-
fundi lýstu tveir bæjarráðs-
menn þeirri skoðun sinni að
það væri óþolandi að einn
starfsmaður Isafjarðarkaup-
staðar gæti komið í veg fyrir
spamað um 700 þús. kr. í bæj-
arkerfinu. Þetta voru þau
Þuríður Pétursdóttir og Krist-
ján Jónasson sem raunar gekk
svo langt að setja fram vanga-
veltur um það að ef ekki næð-
ist samkomulag við slökkvi-
liðsstjórann i þessu máli, gæti
reynst ráðlegast að segja hon-
um upp starfi.
Haraldur L. Haraldsson
bæjarstjóri segist ætla að
halda áfram að leita leiða til
að ná niður kostnaði við
sjúkraflutninga þó að þessi
tilraun hafi mistekist og
bendir í þessu sambandi á að
flest sveitarfélög af sambæri-
legri stærð hafi mun minni
kostnað af þessum flutning-
um.
Guðmundur Helgason
slökkviliðsstjóri vildi ekki láta
hafa neitt eftir sér í þessu máli
að svo stöddu en óskaði þess
að fá að gera grein fyrir sínum
sjónarmiðum síðar í Vf og er
honum það að sjálfsögðu
heimilt.