Feykir - 24.07.1981, Blaðsíða 2

íj rMmHPL. . / - fjj m KS\ ' i >1 Bfaíí T| 7 /, -> -* ~ * Ca - H | ■
Wm \ tf f- f - '14 /tjsss?m •amlSm'E*. —r
m 1 | V % Æ ~~ JE3 1 vl Wt J

Góðir gestir
á Sauðárkróki
Röðin komin að stofnunum, félögum og samtökum
í síðaslu tbl. Feykis vargerð nokkur
grein fvrir þeini vinabæjartengsl-
um sem Sauðárkrókur hefir tekið
upp við bæi á norðurlöndunum.
Sambandinu var formlega komið á
með ferð bæjarstjóra og forseta
bæjarstjórnar á vinabæjamót í
Esbo í fvrravor. Var þá ákveðið að
nú í vor kæmu hingað til Sauðár-
króks fulltrúar hinna fjögurra bæj-
anna i kynnisferð. Stóð heimsókn
þessi yfir dagana 24.-28. júní.
Hópurinn sem kom samanstóð af 6
kjörnum bæjarfulltrúum ásamt
eiginkonum 5 þeirra, samtals 11
manns. Komu gestirnir hingað til
Sauðárkróks seint á miðvikudags-
kvöldið 24. júní. Hafði bæjarstjóri
tekið á móti þeim á Keflavíkur-
flugvelli og kom með þeim norður.
Á fimmtudagsmorgunin var farin
skoðunarferð um bæinn og síðan
sest niður á fund þar sem gestir
hlýddu á mál heimamanna. Voru
það þeir Þorsteinn Þorsteinsson
bæjarstjóri sem ræddi um atvinnu-
mál og bæjarlifið almennt. Árni
Ragnarsson. skipulagsarkitekt
skvrði skipulag bæjarins, Friðrik
Brekkan ræddi félagsmál og
félagshjálp í bænum og Sigurður
Ágústsson rafveitustjóri fræddi
gestina um rafmagns- og orkumál
og hvernig er að þeim málum stað-
ið hjá okkur. Að loknum fundi var
litið á málverkasýningu Elíasar
Halldórssonar sem þá stóð yfir í
Safnahúsinu. en að því búnu var
Hitaveitan skoðuð. Að loknum
hádegisverði var farið í heimsókn i
nokkur fyrirtæki. þ.e. Sláturhús
KS. Fiskiðjuna saumastofuna
Vöku og Loðskinn h.f. Sameigin-
legur kvöldverður var svo með
gestum og þeim bæjarfulltrúum,
ásamt mökum. sem gátu komið því
við. Föstudaginn 26. varsvo farið í
ferðalag um Skagafjörð. Var farið
fvrst til Hóla. kirkjan og laxeídis-
stöðin skoðuð og síðan farið fram í
Árgarð. Þar var snæddur hádegis-
verður í boði sýslunefndar og
Sambands skagfirskra kvenna. Þar
fluttu ávörp Jóhann Salberg,
sýslumaður. frú Guðrún á Mæli-
felli. en sr. Ágúst Sigurðsson flutti
ýtarlegt erindi um Skagafjörð.
Síðan var Víðimýrarkirkja skoðuð
og stansað í Varmahlíð. Þar var
m.a. skógræktin skoðuð og í heim-
leiðinni var komið í Glaumbæ. Þar
voru bornar fram veitingar — ís-
lenskur matur s.s. hangikjöt. flat-
brauð. svið. harðfiskurog hákarl —
og boðið var uppá þjóðleg
skemmtiatriði. rímur og söng. Um
kvöldið þáðu gestirnir boð bæjar-
fulltrúa á heimilum þeirra. Á laug-
ardaginn var farið í Drangey og var
komið úr þeirri ferð seint að degi.
Lokahóf var síðan um kvöldið í
Bifröst. Gestirnir fóru svo síðdegis
á sunnudag áleiðis heim.
í þessari vinabæjakeðju sem
Sauðárkrókur hefir nú tengst. mun
vera venja að ekki sé skipst á gjöf-
um. Hinsvegar þótti við hæfi. þar
sem þetta var fyrsta heimsókn
hingað. að afhenda vinabæjunum
gjafir til minja. Voru þeim afhent
sitt málverkið hverjum eftir Elías
Halldórsson.
Veðurguðirnir voru jákvæðir því
að alla dagana var mjög heppilegt
veður. T.d. á föstudaginn var að
kalla logn og sólskin og skartaði
Skagafjörðurinn sínu fegursta. Er
tæpast að efa að gestirnir fara héð-
an með góðar minningar.
Samkv. upplýsingum bæjar-
stjóra liggur enn ckki fyrir
kostnaður Sauðárkróksbæjar af
heimsókn þessari, en þess má geta
að gestirnir kostuðu sjálfir ferðir
hingað og héðan, svo og hótel-
uppihald allt.
Ef að líkum lætur mun mót sem
þetta verða haldið hér næst að 10
árum liðnum.
Þetta var ekki vinabæjamót í
venjulegum skilningi. heldur
kynnisferð fulltrúa vinabæja okkar
hingað, farin kannske mest í þeim
tilgangi að festa þessi tengsl í sessi.
Nú er búið að ryðja brautina og er
nú röðin komin að hinum ýmsu
félögum. sanitökum og stofnunum
að taka upp samskipti. Norræna
félagið er orðið virkt og mun stjórn
þess vera reiðubúin að veita aðstoð
í þeim efnum. Formaður þess er
Sigurður Ágústsson.
Sigll um Skagafjörrt. Drangey i baksýn.
2 . Féykir
Skálinn
íLambahrauni
Ferðafélag Skagfirðinga
11. starfsárið hafið
Um síðastliðin áramót hóf Ferða-
félag Skagfirðinga ellefta starfsár
sitt. Stofnfundur þess var haldinn
27. desember 1970. Á. fundinum
mættu 22 en auk þess komu
inntökubeiðnir frá lóöðrum. I maí
mánuði sama ár, þegar skírteini
voru gefin út, var tala aðalfélaga
orðin 137 og fjölskyldufélagar 19.
Á öðru starfsári voru aðalfélagar
orðnir 160 fjölskyldufélagar 28.
Síðan hefur aðalfélögum fjölgað en
fjölskyldufélögum fækkað og
félagatalan samanlagt ýmist rúm
eða tæp 200.
Félagið er deild úr Ferðafélagi
fslands markmið sömu og réttindi
gagnkvæm.
Allt frá stofnun félagsins hefur
verið stefnt að því að byggja skála.
sem nú í sumar verður fullbúinn og
tekinn í notkun. Hann stendur í
jaðri Lambahrauns vestara, um V/2
km norður af miðjum Hofsjökli.
Skammt norðan skálans lá hinn
forni Eyfirðingavegur af Vatna-
hjalla vestur á Kjöl. Skálinn rúmar
30-35 nianns til gistingar. Félagið
gefur út árlega ferðaáætlun, ásamt
F.f. og öðrum deildum, þar sem
boðið er upp á sjö til níu ferðir.
lengri og skemmri.
- Öllum er heimil þátttaka í ferð-
um félagsins, en félagsmenn sitja
fyrir ef um takmarkaðan fjölda er
að ræða í ferð. Þeir eru orðnir
býsna margir, sem eiga góðar
minningar frá ferðum félagsins á
liðnum árum.
Áætlun Ferðafélags Skagafirð-
inga 1981:
1. ferð 25.-28. júní, Grímseyjar-
för kl. 14.30 með Norðurleið h.f.
Með n.s. Drang til Grímseyjar. Gist
í tjöldum 2 nætur á Akureyri.
2. ferð —- 10.-14 júlí, Þórsmerk-
urferð. Brottför kl. 08.00. Gist í
tjöldum í t Lundarreykjadal á suð-
urleið 2 nætur í húsi í Þórsmörk og
eina nótt í tjöldum i Bolabás á
Þingvöllum á heimleið.
3. ferð — 24.-26. júlí, Lamba-
hraun, Nýidalur. Gisting í eigin
húsi I Lambahrauni og í Nýjadals-
skála. Brottförkl. 18.30.
4. ferð — 7.-10. ágúst. f Kverk-
fjöll. Gist í tjöldum og Sigurðar-
skála. Brottför kl. 07.00.
5. ferð — 21. ágúst í Kerlingar-
fjöll. Dagsferð — brottför kl. 07.00.
6. ferð — 4.-6. september. í
Lambahraun og nágrenni. Gist í
eigin húsi. Brottförkl. 18.30.
7. ferð — 12. september. Berja-.
ferð. Nánar auglýst síðar.
Frá Sundlaug Sauðárkróks
„Heitir pottar“
fyrirfinnast engir
í starfsskýrslu Sundlaugar Sauðár-
króks fyrir árið 1980. sem fyrir
nokkru hefur verið send bæjar-
stjórn og öðrum viðkomandi aðil-
um. koma m.a. fram eftirfarandi
upplýsingar um rekstur og aðsókn
að sundlauginni á s.l. ári. Til
samanburðar eru innan sviga sam-
bærilegar tölur frá árinu 1979.
Starfsdagar voru 324 (320).
Starfsslundir 3224 (2818).
Baiigesiir:
Fullirðnir 8.977 ( 6.616)
Börn 8.957 ( 6.504)
íbaðstofu 3.823 ( 3.513)
1 skólasund 15.259 (12.100)
Samtals 37.016 (28.733)
Tekjur af daglegum rekstri
(skólasund ekki meðtalið) kr.
7.756.210 (kr. 3.964.320).
Bak við þær tölur. sem hér eru
nefndar. eru auðvitað nánari
sundurliðanir en ekki ástæða til að
nefna þær hér.,
Vikulegur starfstími var allt frá
40 klst. og upp í 80 klst.
Við samanburð þessara tveggja
ára kemur i Ijós veruleg aukning
starfseminnar frá árinu áður, bæði
að því er varðar starfstíma og að-
sókn. Ástæður þess eru eftirtaldar:
Starfstími laugarinnar lengdist
miðað við fyrri ár annarsvegar
vegna þess að nú var í fyrsta sinn
opið samfellt allan daginn mánuð-
ina júní. júlí og ágúst og hinsvegar
vegna þess að Fjölbrautaskólinn
tók upp sundkennslu á stundaskrá i
verulegum mæli.
Aukin aðsókn byggist þrennu,
lengri starfstíma og auknu skóla-
sundi samkv. fyrrsögðu og ekki
síst á mun hagstæðara veðurfari á
árinu 1980enáárinu 1979.
Það sem hér er sagt og tekið er
upp úr fyrrnefndri starfsskýrslu
leiðir svo hugann að því hvort hér
sé nógu vel búið að sundlaugar-
gestum og þeim sem þangað vilja
koma og hvort ekki væri þörf á
verulega aukinni fjölbreytni. Það
mál er alveg sérstakur kapituli. sem
margt mætti um segja. en til þess
gefst e.t.v. tækifæri síðar.
Aðeins skal þess þó getið að að-
komugestir. sem koma á þennan
„rómaða11 stað spyrja gjarnan
þannig: hvareru heilu pottarnir? en
ekki hvort þeirséu e.t.v. ekki til.
Guiijón Ingimunclarson