Vestfirska fréttablaðið - 02.07.1992, Blaðsíða 6

V ESTFIRSK^
6 Fimmtudagur 2. júlí 1992
| FKItl iABLAWIU | i
Þörungaverksmiðjan á Reykhólum:
Reiði í verkafólki
vegna uppsagna
Stjórn I'örungavcrksmiðj-
unnar á Reykhólum ákvað á
fundi sínum á mánudaginn að
segja upp öllu almennu verka-
fólki í vetur. Að sögn Guðjóns
D. Gunnarssonar trúnaðar-
manns er reiði í verkafólki
vegna þessara uppsagna, og
telja menn að víðar og meira
hefði mátt spara í rekstrinum
en með þessum hætti. Guðjón
segir að sláttumenn á vegum
verksmiðjunnar hafi allt að
hálfri milljón á mánuði í laun
og komist þar færri að en vilja.
Stjórn verksmiðjunnar hefði
aftur á móti ekki séð aðra
sparnaðarleið vænni en fækka
illa launuðu verkafólki. í vetur
(frá október og fram í febrúar)
verða því aðeins 4 til 5 manns
starfandi í verksmiðjunni í
samanburði við 11 síðasta
vetur.
Guðjón sagði ólíklegt að
starfsmenn sem nú hefur verið
sagt upp muni snúa aftur, eins
og andinn sé núna, og sé ætl-
unin að reka fyrirtækið með
óvaningum á næsta ári geti
ekki talist bjart framundan í
rekstrinum, nógu erfiður virð-
ist hann vera fyrir.
Steinadalsheiði
ófær vegna skemmda
— Tröllatunguheiði vel fær
öllum bflum
Miklar skemmdir eru á veg-
inum yfir Steinadalsheiði milli
Kollafjarðar á Ströndum og
Gilsfjarðar. Niðri í Steinadal
hefur vegurinn runnið burt á
stórum kafla og ennfremur eru
skemmdir á stóru ræsi á heið-
inni. Bændur á Ströndum hafa
haft samband við blaðið og
beðið það um að grafast fyrir
hvort ekki eigi að gera við veg-
inn og opna heiðina.
Vestfirska hringdi í Magnús
Framtalsaðstoð
Bókhaldsþjónusta
Viðskiptamannabókhald
Launaútreikningur
Tölvuvinnsla.
FYLKIR ÁGÚSTSSON
bókhaldsþjónusta
Fjarðarstræti 15-400 Isafirði
Sími 3745.
Guðmundsson, umdæmis-
stjóra vegagerðarinnar á
Hólmavík, til þess að kanna
málið.
„Þarna hafa orðið miklar
vatnsskemmdir sem sennilega
hafa orðið í janúar í vetur. Það
er Ijóst að í þetta þarf þó-
nokkra peninga. Við erum að
fara að huga að því að fá vél
þarna upp til að laga eitthvað
af þessu, en hún lagar aldrei
allt. Þarna fór endinn af stóru
ræsi og hægt er að skrölta yfir
það á jeppa en það er ekki
hægt að vísa á þetta af neinu
viti. Þetta er töluverð vinna og
við reynum einhver ráð. Þetta
er háð takmörkunum með
aura“, sagði Magnús Guð-
mundsson á Hólmavík.
Magnús sagði Tröllatungu-
heiði vel færa og hefðu þeir
verið að laga veginn þar eftir
helgina. Enn fremur væri veg-
urinn yfir Þorskafjarðarheiði
með besta móti núna og væru
þeir að hefla hann nú í vik-
unni.
-GHj
Orkubú Vestfjarða
TIL SÖLU
* Nissan Double Cab 4WD árgerð 1986,
ekinn 110 þúsund km.
* Frambyggður rússajeppi (UAZ) ár-
gerð 1984.
* Zetor 7045 dráttarvél árgerð 1982.
Nánarí upplýsingar geíur Jón E. Guð-
finnsson í síma 7277.
Orkubú Vestfjarða.
Ferð eldri borgara
á Vestfjörðum
um Suðurland
Ferð eldri borgara á Vestfjörðum á vegum Rauða kross
deildanna á Vestfjörðum og Rauða kross íslands hefur
verið árlegur viðburður sl. tíu ár. Sigrún Gísladóttir (RKÍ
Flateyri) hefur haft umsjón með ferðunum öll þessi ár, og
verður svo einnig nú í sumar.
Að þessu sinni er fyrirhuguð ferð um Suðurland. Flogið
verður til Reykjavíkur og ferðast þaðan með langferða-
bifreið um Suðurland. Dvalist verður á Kirkjubæjarklaustri
og í Nesjaskóla við Vötn dagana 26. ágúst til 2. septem-
ber. Tekið er við pöntunum í ferðina frá og með 6. júlí kl.
17-18 daglega hjá Sigrúnu í síma (94)-7770 og hjá Helgu
í síma (94)-2606.
í fyrra vardvalistaðLaugum í Reykjadal ogferðast víða
um Norðurland. Margir Ieiðsögumenn kynntusínarheima-
slóðir og mikið var um heimboð og veisluhöld, m.a. tók
RKÍ deildin á Húsavík á móti hópnum af miklum rausnar-
skap og einnig gestgjafarnir á Stöng í Mývatnssveit ásamt
öðrum gestrisnum Norðlendingum. Meðfylgjandi mynd
var tekin í þeirri ferð.
Vestfirskir eldri borgarar á ferð um Norðurland í fyrra.
Nemendur Reykhólaskóla
brugðu sér til Finnlands
Tuttugu og sjö manna hóp-
ur úr Reykhólahreppi er nú
kominn heim eftir að hafa
brugðið sér bæjarleið til Finn-
lands í vikutíma. Hér er um að
ræða nemendur í 9. og 10.
bekk Reykhólaskóla ásamt
nokkrum foreldrum. I fyrra
kom um tuttugu manna hópur
frá unglingaskóla í Finnlandi í
Reykhólasveitina og var nú
verið að endurgjalda þá heim-
sókn.
Eyjólfur Sturlaugsson
kennari á Reykhólum var far-
arstjóri í Finnlandsferðinni og
hafði veg og vanda af undir-
búningi hennar, með dyggri
aðstoð nemenda sinna. Þeir
voru duglegir að safna fyrir
ferðakostnaðinum og mun
það hafa tekist að mcstu leyti.
Krakkarnir dvöldust á
heimilum jafnaldra sinna í
Finnlandi og var allt gert til
þess að ferð þeirra mætti verða
sem eftirminnilegust. Þess má
geta að samræður fóru fram á
ensku, þar eð Finnar eru litlir
dönskumenn enda danska
ekki kennd þar í grunn-
skólum. Heimsókn Reykhóla-
manna vakti athygli ytra og
voru viðtöl við gestina í út-
varpi og héraðsblöðum.
Finnlandsfararnir láta vel
yfir för sinni, enda þótt
moskítóflugur þúsund vatna
landsins, eða hverrar tegundar
þær flugur nú annars voru,
hafi borið sig nokkuð freklega
eftir hinu gómsæta breiðfirska
blóði.
Hóteí Fíókakxndur
Vatnsfirði - 451 Patreksfjörður
Sími 94-2011 - Farsími 985-31808
Fjölbreyttur matseðill
Sérstakur 3ja rétta
matseðill öll föstudags-
og laugardagskvöld
Sunnudaga
Veisluborð Vilgerðar
Margrétta glœsiiegt
fiskihlaðborð
Kr. 1.890,-
HóteC Fíókakmdur
Vatnsfirði - 451 Patreksfjörður
Sími 94-2011 - Farsími 985-31808
Vanti þig sendibíl með eða án lyftu
þá hefur þú samband.
Einnig mikið úrval af ruslagámum og öðrum ílátum.
Gámaþjónusta
Vestfjarda ,
94-4340 og 985-20660
BOLUNGARVlKURKAUPSTAÐUR
Bolvíkingar, athugið!
Að gefnu tilefni minnum við á eftirfarandi símanúmer:
Heilsugæsla Bolungarvíkur 7287
Neyðarsími Heilsugæslu Bolungarvíkur 7444
Heimasími læknis (eftir lokun heilsugæslu) 7228
Farsími læknis 985-23387
Sjúkrahús Bolungarvíkur 7147
Sjúkrabíll 7147
Lögregla 7310
Slökkvistöð 7261
Neyðarsími 000
Heilsugæslustöð Bolungarvíkui.