Vestfirska fréttablaðið - 08.10.1992, Blaðsíða 10
VESTFIRSKA
10 Fimmtudagur 8. október 1992
I FRKTl ABLAfílÐ 1-
Hundrað manns í Yalagil
- þaðan sem barnsópið heyrdist ofan til byggða
Göngu-Hrólfar á ísafirði
gengu í Valagil í Alftafirði á
laugardaginn. Þátttaka var
með allra mesta móti, eða um
100 manns. Leiðsögumaður
var Jón Reynir Sigurvinsson
jarðfræðingur, og veðrið lék
við göngufólkið eins og venju-
lega.
Þessi óformlegi og stjórnar-
lausi (ekki stjórnlausi) göngu-
hópur, Göngu-Hrólfar, hefur
nú verið til í tvö ár eða þar um
bil og gönguferðirnar munu
vera orðnar þrettán, að sögn
Ásgerðar Annasdóttur, sem
er ein helsta driffjöðrin í
félagsskapnum. Yfirleitt hefur
hópurinn verið stór, frá svona
Þessa mynd tók Hrafn Snorra-
son í ferðinni í Valagil á laug-
ardaginn. Blíðviðrið nú bætir
nokkuð fyrir heldur
óskemmtilegt sumar. Jón
Reynir Sigurvinsson messar
yflr mannskapnum. Ekki
sjáum við betur en meðal
þeirra sem fremst sitja séu
Ernir Ingason, Karl Aspe-
lund, Snorrí Hermannsson,
Bjarni Jóhannsson og Eggert
Jónsson.
fjörutíu og upp undir hundrað
manns. Víða hefurveriðgeng-
ið og undir leiðsögn margra
ágætra og fróðra manna. Farið
hefur verið t.d. um Eyrina á
ísafirði, út í Ósvör, um
Hnífsdal og í Fremri-
Hnífsdal, um Arnardal, Engi-
dal og Tungudal, svo eitthvað
sé nefnt. Og í fyrra var líka
farið í Valagil með Jóni Reyni.
Þá voru í hópnum milli 60 og
70 manns, og sú ferð þótti svo
góð að ýmsir sem ekki komust
þá með óskuðu að aftur yrði
farið þangað.
Jón Ólafsson Indíafari
fæddist á Svarthamri í Álfta-
firði rétt fyrir aldamótin 1600.
í ævisögu sinni eður reisubók
segir hann frá atburði sem
gerðist þegar hann var á ellefta
ári. Kona nokkur, Bóthildur
að nafni, var á leið úr Ön-
undarfirði í Álftafjörð með
ungan son sinn, Ketil að nafni,
ársgamlan eða tvævetran. „Og
nær hún kom hingað yfir heið-
arskarðið, skelldi yfir myrkva-
þoku, svo hún gekk og villtist
of mikið til hægri handar, allt
þangað sem Valagil heita,
hvar að eru miklir forvaðar,
og með því hún var bæði veik
og mædd orðin, nam hún þar
staðar fyrir Guðs anda ávísan
hið næsta sem mátti þessum
forvöðum, og af löngum burði
sinnar barnskepnu hafði henni
þar í brjóst runnið og svo al-
deilis út sofnað í Herrans vald.
Nú vissi enginn maður, hvorki
Önundarfjarðar né Álfta-
fjarðarhrepps, af þessu tilfelli.
Skömmu síðar í vikunni
heyrðist barnsópið ofan til
byggða, og ætluðu þeir menn,
sem næstir bjuggu, að einhver
sérdeilis dýrshljóð vera
mundu. Þetta bar til snemma
í augusto."
Síðan greinir Jón frá því að
sóknarpresturinn, séra Jón
Grímsson á Svarfhóli, hafi
kvatt til sín sérhvern bónda í
sveitinni vopnaðan til þess að
leita „hvaðan þessi ýlfran væri
og eymdarhljóð eður af hverri
skepnu". Þeir gengu síðan
„með þrískúfaða atgeira, sem
hingað á umliðnu ári fyrir
þetta fluttust til kaups eftir
kónglegs majestets bífaln-
ingu. Og nær þeir komu í þann
stað, sem konan lá önduð fyrir
löngu, og fundu barnið hjá
henni enn þá lifandi og kon-
una óskaddaða, því barnið
hafði hennar líkama varið í
mörg dægur, þá hnykkti hverj-
um þeirra hér við og þótti
hryggileg aðkoma, en þeim
manni ei síst, sem bóndi og
ektamaður var nefndrar konu,
sá eð Jón Eyvindsson var að
nafni. Var hennar lík svo flutt
til byggða, og þaðan með
erlegum tilbúningi og meðferð
til Eyrarkirkju, að hún
greftraðist. En þessi þeirra
sonur uppólst hjá sínum
föður, þangað til hann var
kominn úr ómegð, og var síð-
an vinnuþjónn síra Thumasar
Þórðarænar og andaðist vel
tvítugur að aldri á Snæ-
fjöllum... “
Við þetta er því að hnýta,
sem reyndar má öllum þenkj-
andi mönnum og læsum og sitt
umhverfi sjáandi og skynj-
andi, að orðfæri þess öðlings-
manns Jens Guðmundssonar
í Kaldalóni, nú búandi í
Kirkjubæ í Skutulsfirði, þá
hann ritar greinir í Morgun-
blaðið eður Vestfirska frétta-
blaðið, er ekki ósvipað málfari
og öllu tungutaki Jóns Ólafs-
sonar í hans frægu reisubók,
og ekki leiðum að líkjast.
NÝJAR VESTFIRSKAR ÞJÓÐSÖGUR
Geiri, Dalli og
glymskrattinn á Uppsölum
Þegar Norðmaðurinn Petter heitinn Vilberg
rak veitingahúsið Uppsali á ísafirði tíðkaðist
það að menn komu þar inn, keyptu sér gos-
drykki og blönduðu sér í glas úr flösku undan
borðum. „Jukebox“ eða glymskratti var á
Uppsölum og þurftu menn að setja 2ja króna
pening í rifu á honum og gátu þá valið sér lag
af hljómplötum sem voru í hundraðatali í
glymskrattanum. Var oft dansað eftir músik-
inni í glymskrattanum og tíðum haldnar svo-
kallaðar „rekstarsjónir" á Uppsölum.
Einu sinni voru tveir kunnir ísfirðingar
staddir góðglaðir á Uppsölum, þeir Geiri og
Dalli. Sátu þeir við borð úti í horni og voru að
laumast til að fá sér í glas. Langaði þá til þess
að fá tónlist úr glymskrattanum og stakk Geiri
samanbrotinni ávísun með hárri upphæð í rif-
una. Ekkert gerðist, hvorki kom lag né heldur
gaf glymskrattinn til baka. Voru þeir lengi að
bauka við glymskrattann ýtandi á alla takka og
reyna að ná ávísuninni til baka upp úr rifunni.
Ekkert gekk. Allt í einu rennur upp Ijós fyrir
Dalla:
„Geiri, þú hefur gleymt að skrifa aftan á
avisumna!
-GHj.
Ekið á hross
Á sunnudagskvöldið var
ekið á hross á þjóðveginum
við ísafjarðarflugvöll.
Slapp hrossið frá þessu
með minni háttar meiðsl.
Ekki var getið um
skemmdir á ökutæki.
-GHj.
Hraðakstur
á ísafirði
Tveir ökumenn voru
stöðvaðir um hádegið á
föstudag á Skutulsfjarðar-
braut á ísafirði vegna of
hraðs aksturs. Annar var á
101 km hraða og rétt slapp
við ökuleyfissviptingu.
Hinn var á 83ja km hraða.
-GHj.
At-
huga-
semd
Ummæli sem höfð eru
eft'ir Halldóri Hermanns-
syni, stjórnarformanni
Rækjustöðvarinnar hf. á
ísafirði, í fréttaviðtali hér í
blaðinu í síðustu viku, þar
sem segir að íslandsbanki
hafi „keyrt Rækjustöðina í
gjaldþrot“ eru byggð á mis-
skilningi milli blaðamanns
og viðmælanda. Þessi um-
mæli eru því röng, en að
öðru leyti er viðtalið rétt.
-GHj.l
Halldór Hermannsson.
Jón Þorsteinsson heldur ein-
söngstónleika á ísafirði
Jón Þorsteinsson.
Gerril Schuil.
Á föstudagskvöldið, 9.
október, heldur Jón Þorsteins-
son tenórsöngvari tónleika í
sal Frímúrara á ísafirði. Tón-
leikarnir hefjast kl. 20.30.
Undirleikari er Gerrit Schuil.
Jón Þorsteinsson hefur um
tólf ára skeið starfað við Ríkis-
óperuna í Amsterdam, þar
sem hann hefur sungið yfir
fimmtíu hlutverk. Auk þess
hefur hann sungið einsöng á
óperusviði og með kórum í
flestum löndum Evrópu og í
Bandaríkjunum. Hann hefur
á liðnum árum komið fram
með íslenskum kórum, svo og
Sinfóníuhljómsveit íslands og
Islensku hljómsveitinni. Jón
hefur á síðustu árum getið sér
frægðarorð á meginlandi
Evrópu fyrir snjalla túlkun á
sígildri kirkjutónlist og nú-
tímatónlist. Nú síðast í vor tók
hann þátt í frumflutningi óper-
unnar Life with an Idiot eftir
fremsta núlifandi tónskáld
Rússlands, Alfred Schnittke,
Bolungarvík:
Bókasafnið lokað
vegna flutnings
Nú stendur bókasafnið í Bolungarvík í flutningum. Það
er því lokað þessa dagana, en verður opnað aftur fimmtu-
daginn 15. okt. kl. 17 á nýjum stað í Grunnskóla Bolung-
arvíkur. r.
Bókaverðirnir vonast til að bæjarbúar fjölmenni þegar
opnað verður og skoði safnið í nýju húsnæði.
við óperuna í Amsterdam
undir stjórn Mstislav Rostr-
opovitsj.
Jón hóf söngnám í Noregi
1974 en hélt því síðan áfram
við tónlistarháskólann í Árós-
um og seinna hjá hinum
heimsfræga söngkennara Arr-
igo Pola í Modena á Ítalíu.
Á efnisskránni eru sönglög
eftir norræn tónskáld, Sigfús
Einarsson, Pál ísólfsson, Emil
Thoroddsen, Peter Heise,
Ture Rangström, Eyvind Al-
næs og Jean Sibelius.
Undirleikari er Hollending-
urinn Gerrit Schuil. Hann
stundaði nám í píanóleik við
tónlistarháskólann í Rotter-
dam og síðar m.a. hjá John
Lill og Gerald Moore í Eng-
landi. Hann stundaði einnig
nám í hljómsveitarstjórn hjá
hinum fræga rússneska hljóm-
sveitarstjóra Kirill Kondrash-
in og hefur um árabil stjórnar
hljómsveitum víða í Evrópu
og Bandaríkjunum.
Aðgöngumiðar eru seldir
við innganginn og kosta kr.
1.000.
Ég þakka öllum þeim sem
studdu mig og styrktu með
eínum eða öðrum hætti vegna
þátttöku minnar í Ólympíu-
leikum þroskaheftra á Spáni.
Magnfreð Jensson,
ísafirði.
ÓÐINNBAKARI
BAKARÍ S 4770
VÉLSLEÐI
Tii sölu Arctic Cat Jag AFS
vélsleði, ekinn 1.700 km.
Uppl. í síma 3590.
SKÓDI
Til sölu Skoda 120 L ’88, ek-
inn 42 þús. km. Góður bíll,
selst eingöngu gegn stgr.
140 þús. kr.
Sími 7576 eftir kl. 18.30.
KÖKUBASAR
Kökubasar 10. bekkjar
verður haldinn föstudaginn
9. október við Ljónið á
Skeiði kl. 16.
Nefndin.
KASSADAMA
Óskum eftir að ráða kassa-
dömu eftir hádegi.
Uppl. isíma3755(Guðrúnog
Álfhildur).
Gústaf Lárusson jarð-
settur á laugardaginn
Gústaf Lárusson fyrrum skóiastjóri á ísafirði andaðist sl.
þriðjudag. Hann verður jarðsunginn frá ísafjarðarkapellu
nk. laugardag, 10. október, kl. 14.
ÍBÚÐ TIL LEIGU
3ja herb. íbúð i Aðalstræti
20 á Isafirði til leigu. Laus
strax.
Uppl. í stma 3098.
HEFUR EINHVER
séð hjólið mitt, sem er DBS
kvenhjól, rautt að lit? Hjólið
hvarf frá Túngötu 21 þriðju-
dagskvöldið í síðustu viku.
Þeir sem geta gefið upplýsing-
ar um málið hafi samband við
Jónínu í síma4132.
TIL SÖLU
Suzuki TS 50 skellinaðra,
árg. 1989, ekin 6700 km.
Uppl. í síma 7388.
ANTIK-BARNAVAGN
Til sölu Svithun barnavagn,
antik.
Uppl. í síma 3076.
BARNAVAGN
Til sölu dökkblár Brio
barnavagn.
Uppl. gefur Katrín í síma
4014.
SNJÓBLÁSARI
Til sölu snjóblásari fyrir
dráttarvél.
Uppl. í síma 4578.
FURURÚM
Til sölu fururúm, ein og hálf
breidd.
Sími3929.
DAGMAMMA
Get bætt við mig einu barni,
ca. 2ja ára. Hef leyfi.
Ingibjörg, sími 4065.
ÓDÝR TÖLVA
Til sölu, ódýrt, Island PC
tölva, 20 mb harður diskur,
2 diskadrif, ýmis forrit á
harða diskinum. Tilboð
óskast.
Uppl. í síma 4737.