Feykir - 09.01.1985, Qupperneq 8
Miðvikudagur 9. janúar 1985
Feykir
1. tölublað - 5. árgangur
HHHhasn
Meðal þess sem
húnvetnskir bcmdur
krefjast:
Lífvænleg
aíkoma oe
fullnægjanai
framboo af
búvörum
Búnaðarsamband Austur-Hún-
vetninga gekkst fyrir bænda-
fundi um verðlags- og kjaramál
á Blönduósi 12. desember s.l.
Þar fluttu fulltrúar af Stéttar-
sambandsþingi ræður, þeir
Kristófer Kristjánsson og Stefán
A. Jónsson, og einnig formaður
Búnaðarsambandsins, Jóhann-
es Torfason.
Kristófer Kristjánsson
Stefán A. Jónsson
Jóhannes Torfason
í fundarlok var samþykkt
ályktun þar sem eftirfarandi
kom fram:
„1. Það er skýlaus krafa að
stjórnvöld, í samvinnu við
forystu bændasamtakanna, móti
landbúnaðarstefnu er tryggi
bændum lífvænlega afkomu og
jafnframt fullnægjandi framboð
búvara.
2. Fundurinn mótmælir
harðlega ítrekaðri verðvöntun á
sauðfjár- og mjólkurafurðir og
áréttar fyrri kröfur um að
bændum sé greitt skráð verð við
afhendingu búvara.
3. Svæðabúmarki sé beitt í
stað kjarnfóðurgjalds til þess að
stjóma framleiðslumagninu. Tek-
in verði upp kjarnfóður-
skömmtun við alla búvörufram-
leiðslu í landinu samfara eflingu
innlendrar fóðuröflunar. Kjarn-
fóðursjóður verði alfarið í
höndum bænda sjálfra.
4. Fundurinn gerir þá kröfu
að stjórnvöld standi við gefin
fyrirheit um stuðning við nýjar
búgreinar. Jafnframt bendir
fundurinn á að um leið verður að
draga úr framleiðslu í hefð-
bundnum búgreinum hjá þeim,
sem þessa stuðnings njóta.”
Unnið að viðgerð á byggðalínunni.
lur
Nýjar regli
um húsaíeigu
Bæjarráð Sauðárkróks hefur
samþykkt reglur um leigu-
húsnæði á vegum bæjarins,
sem hljóða svo:
„Reynt verði að útvega
kennurum, sem ráðnir verða
til skólanna, húsnæði á
sambærilegum kjörum og
nú tíðkast. Engir skulu
njóta þessarar fyrirgreiðslu
lengur en tvö ár og að þeim
tíma liðnum hækki leigan í
4 áföngum á tveim árum í
almennt markaðsverð á húsa-
leigumarkaði á Sauðárkróki.
Þeir sem þegar hafa verið
2 ár í leiguhúsnæði á vegum
bæjarins fái þó eins árs
aðlögunartíma áður en leig-
an tekur að hækka í áföng-
um, skv. ofansögðu.”
Er byggðalínan sem Bggur
um Hunavatnssýslur ónyt?
I óveðrinu, sem gekk yfír 28. des.
brotnuðu sex staurasamstæður
byggðalínunnar í Víðidal. Þegar
línan féll sleit hún niður heimtaug
að tveimur bæjum í Víðidal og var
þar rafmagnslaust fram á næsta
dag, en að öðru leyti kom hvergi
til rafmagnsleysis vegna bilunar-
innar. Þar vó þyngst að nú er
hringtengingu landsins lokið með
gerð Suðurlínu og var rafmagn
flutt með henni til Austfirðinga
og Norðlendinga meðan unnið
var að viðgerð á línunni í Víðidal,
en þeirri viðgerð lauk á þriðja
degi. Kostnaður vegna bilunar-
innar var á hinn bóginn verulegur.
Fólk í Víðidal sá þegar sumar
staurasamstæðurnar brotnuðu.
Var Rafmagnsveitunni gert að-
vart strax og sú fyrsta brotnaði
og var stramur þá tekinn af
línunni. Leið síðan nokkur
stund þar til línan féll, en á
meðan mátti líkja staurabrot-
unum, sem sveifluðust neðan í
línunni við buxur á snúru. Næst
brotnaði þriðja staurasamstæða
frá þeirri sem fyrst brotnaði og
leið þá ekki á löngu þar til
þunginn braut þær tvær sem á
milli voru.
Að sögn Sigurðar Eymunds-
sonar, rafveitustjóra á Blöndu-
ósi, er þetta í þriðja sinn, sem
staurar brotna í byggðalínunni
sem liggur um Húnaþing. Hefur
því verið ákveðið að gera ná-
Galdrakarlinn
nýtur vínsælda
Mjög góð aðsókn að leiksýningu
Leikfélags Sauðárkróks hefur
orðið til þess að forráðamenn
Leikfélagsins hafa nú afráðið að
halda sýningum áfram á Sauð-
árkróki. Hefur verið leikið fyrir
fullu húsi á þremur síðustu
sýningum.
Leikfélagsfólk hefur nú á-
kveðið tvær sýningar til viðbótar
í Bifröst, í kvöld miðvikudag kl.
21.00 og næstkomandi sunnu-
dag kl. 13.30. Er þá tekið mið af
því að skólar í nágrannasveit-
unum eru að byrja eftir jólaleyfi
og hefur verið haft samráð við
forráðamenn skólanna og þeim
boðið að koma með nemendur,
skóla sinna á sýninguna.
kvæma úttekt á því hvað er að.
Velta menn því fyrir sér hvort
efnið í staurunum standist ekki
þær kröfur, sem gerðar eru, eða
hvort ekki hafi í upphafi verið
gerðar nægar kröfur..
Enginn bilun varð á raf-
línunni frá Laxárvatni að Hvamms-
tanga í óveðrinu. Hjá rafmagns-
veitunum eru menn alveg undr-
andi á því að þar skyldi enginn
staur brotna, en samkvæmt
athugun, sem gerð var á línunni í
haust eru 104 staurar lélegir í
þeirri línu og þar af 68 ónýtir.
Vegna þess hve fúnir þeir eru.
Hafa sumir á orði að það sé alls
ekki þorandi að fara upp í þá
staura til viðgerða, svo fúnirsem
þeir eru.
Norðurlandsleikar æskunnar
á Sauðárkróki næsta sumar
Rætt hefur verið um að halda næsta sumar fjölbreytt mót á
Norðurlandi í tilefni „Árs æskunnar”. Hugmyndin um slíkt mót er
komin frá Fjórðungsþingi Norðiendinga, sem haldið var í haust. Ef af
mótinu verður er búist við um 600-800 þátttakendum.
Á fundi undirbúningsnefndar
sem haldinn var á Akureyri í
síðustu viku var rætt um fyrir-
komulag mótsins. Helst er á
döfinni að halda fjölbreytt mót
þar sem m.a. yrði keppt í
frjálsum íþróttum, sundi, skák
og knattspyrnu. í tengslum við
mótið yrði haldin myndlistasýn-
ing og einnig yrði boðið upp á
ýmislegt fleira.
Þátttakendur yrðu á aldrinum
9-14 ára (fædd ’71-’76) og
líklegur fjöldi á mótinu er
áætlaður 6-800 unglingar.
Líklega verður mótið haldið á
Sauðárkróki og hefur bæjarráð
Sauðárkróks lýst yfir áhuga
sínum til að svo megi verða.
Útköll slökkviliðs
á Sauðárkróki
Slökkviliðið á Sauðárkróki var
kallað út fjórum sinnum á
síðasta ári, 1985. í aðeins einu
tilviki varð um verulegt tjón að
ræða vegna eldsvoða, en þó
tókst húsmóður þar að afstýra
stórtjóni með því að slökkva
eldinn með 6 kg heimilis
slökkvitæki áður en slökkviliðið
kom á vettvang.
Að sögn Björns Sverrissonar
hjá Brunavörnum Skagafjarðar
hefur orðið merkjanleg fækkun
eldsvoða á síðustu árum, eftir að
eldvarnaeftirlit var stóraukið.
Slökkviliðið í Hofsósi var
kallað út einu sinni árið 1984, en
aldrei í Varmahlíð.
Sjúkraflutningar urðu 121 á
árinu með bílum sem gerðir eru
út frá Slökkvistöðinni á
Sauðárkróki. Þar af voru 26
ferðir vegna slysa. Sjúkraflutn-
ingar skiptast þannig, að 60
ferðir voru innanbæjar, 50 í
héraði og 11 til Akureyrar.
Námskeiðahald
á Norðurlandi
Á fjórða hundrað aðilum á
Norðurlandi hefur nú verið sent
eyðublað vegna könnunar á
væntanlegri þátttöku á nám-
skeiðum sem Fjórðungssam-
band Norðlendinga hyggst hafa
milligöngu um á nýbyrjuðu ári.
Námskeið þessi eru einkum
ætluð atvinnufyrirtækjum og
verða haldin í samvinnu við
Stjórnunarfélag Islands, Verk-
stjórnarfræðsluna og fleiri aðila.
Þetta námskeiðahald er liður í
starfi iðnráðgjafa Fjórðungs-
sambandsins.
Námskeiðin eru þessi: Verk-
stjórnarnámskeið I, stjórnun,
áætlanagerð, markaðssókn, rit-
aranámskeið, tollskjöl og
verðútreikningur, tilboðsgerð.
Stefnt er að því að námskeiðin
verði haldin á tveimur til þremur
stöðum á Norðurlandi ef
þátttaka leyfir. Þátttaka er
buændin við tólf þátttakendur á
hverjum stað.
Nýtt lyf við kláða
Vonir um að hægt verði að útrýma kláðamaur á íslensku sauðfé
í vetur eru kindur á nokkrum
bæjum í Húnavatnssýslu spraut-
aðar til varnar kláða, í stað þess
að baða þær sem hingað til hefur
tíðkast. Þetta er í fyrsta sinn,
sem leyft er að sprauta kindur í
stað þess að baða þær, en í vetur
á lögum samkvæmt að fara fram
skylduböðun á öllu sauðfé í
landinu.
Að sögn Sigurðar H.
Péturssonar héraðsdýralæknis
er hér um að ræða lyf, sem
Japanir fundu upp fyrir
nokkrum árum. Síðan tók mörg
ár að finna aðferðir til þess að
framleiða það, en nú er farið að
nota lyf þetta í nokkrum
löndum með góðum árangri.
Lyfið, sem hér er notað er
framleitt í Bandaríkjunum.
Auk þess að drepa kláðamaur
í sauðfé, nautgripum, svínum og
hestum verkar þetta lyf á ýmis
önnur meindýr, sem lifa á húð
húsdýra. Þá drepur lyfið einnig
innyflaorma og lungnaorma
þannig að óþarft er að gefa
ormalyf, ef sprautað er með
þessu lyfi.
Ekki er vitað um neinar
aukaverkanir, af völdum lyfsins.
Meðferð á fé er mun betri, en
með því að baða það og þarna er
um mikinn vinnusparnað að
ræða. Híhs vegar er lyfið a.m.k.
enn nokkuð dýrt.
„Það sem skiptir þó mestu
máli er hvort lyfið verkar betur
en þær aðferðir, sem hingað til
hafa verið notaðar”, sagði
Sigurður H. Pétursson. I vetur
verður sprautað á nokkrum
bæjum m.a. á bæjum sem ekki
hefur tekist að losna við kláða á
þrátt fyrir árlega tvíböðun á
sauðfé. Á næsta ári kemur því í
ljós árangurinn af þessari aðferð
hér á landi”.
Sigurður sagði að það gætu
verið ýmsar skýringar á því að
ekki hefur tekist að losna við
kláða hér á landi. T.d. hefur
nýlega uppgötvast í Kanada að
sami kláðamaurinn og er á
sauðfé getur lifað á nautgripum.
Þar gæti verið ein skýringin á því
hvers vegna kláðinn er svona
lífseigur hér, en áður var fullyrt
að kláðamaur af sauðfé gæti
ekki lifað á nautgripum.
Miklar vonir eru bundnar við
þetta nýja kláðalyf. T.d. er talið
að með notkun þess hafi tekist
að útrýma kláða í fjórum
löndum m.a. í Bandaríkjunum
og Argentínu.