Feykir - 23.10.1991, Qupperneq 6

6 FEYKIR 37/1991
Hagyrðingaþáttur nr. 106 |
Heilir og sælir lesendur
góðir. Það er Vilhjálmur
Benediktsson frá Branda-
skarði sem byrjar þáttinn að
þessu sinni.
Stilli ég tökin stuðla máls,
stund andvöku ei kvíði.
Oðarvökum uni ég frjáls
oft við stöku smíði.
Önnur vísa kemur hér eftir
Vilhjálm.
Þó mig hindri hugtök veik
og harma bindi í geði.
Mér finnst yndi að ljóðaleik,
lífs hann myndar gleði.
Margir kannast við þann
mun sem getur verið á
málfari fólks eftir lands-
hlutum. Eitt sinn, er Vil-
hjálmur hafði hlustað á
austfirskt málfar í útvarpinu,
orti hann eftirfarandi vísu.
Ef ég sjæði Austfirðing,
ég held ég dæði af stórhrifn-
ing.
Eða ég færi að flýta mín
að flytja Guðrúni til þín.
Ein vísa kemur hér énn
eftir Vilhjálm.
Vörnin spaka yst og innst
oss mistakast hlýtur,
ef að staka engin finnst
áður en vakan þrýtur.
Þá stöndum við enn einu
sinni frammi fyrir því að
framundan er vetur og sólin
farin að lækka á lofti. Það er
Torfi Guðlaugsson sem orðar
þetta svo vel í næstu vísu.
Sumar hefur sveigt af leið,
sólin lækkað gengið,
hundrað lita heiðin breið
hvíta línið fengið.
Við andlát vinar yrkir
Torfi svo.
Lífið þó að lítinn arð
legði hjúi sínu,
verður fyrir skildi skarð
á skapadægri þínu.
Næstu vísu kallar höfundur-
inn, Aðalsteinn Ólafsson,
Haust.
Fellur háin haustin á,
hulin gráum klaka,
en ærustráin okkar má
alltaf slá og raka.
Ekki er því að leyna að
undirrituðum finnst að fram
komi talsvert mikill sann-
leikur í næstu vísu, sem ég
held að sé einnig eftir
Aðalstein.
Oftast flýgur andinn lágt
eftir svall og vökur.
Ætíð koma ósjálfrátt
okkar bestu stökur.
Þar sem sannkölluð vetrartíð
hefur ríkt i dag og snjór og
myrkur eru allsráðandi í
kvöld (16. okt), þegar þessi
þáttur er saminn, á vel við að
rifja upp þessa fallegu
hringhendu Kristjáns Stefáns-
sonar frá Gilhaga í Skaga-
firði.
Þegar um hæðir þaktar snjá
þokast slæður húmsins,
við í næði mætur þá
njótum gæða rúmsins.
Annar kunnur hagyrðing-
ur úr Skagafirði, Jói í Stapa,
er höfundur næstu vísu. Mun
hann hafa verið á ferð hér í
sýslunni og um það leyti sem
hann ók í gegn um Blönduós
mun farþegi hafa spurt eftir
vísu og fengið eftirfarandi
svar við fyrirspurninni.
Ek ég stræti og steinlögð
torg,
stari á götuljósin.
Húnvetninga höfuðborg
húkir fram við ósinn.
Áfram skal haldið með
vísur eftirskagfirska hagyrð-
inga. Jón Gissurarson frá
Valadal er höfundur þeirrar
næstu. Mun hann þar hafa
verið að glettast við vinnu-
félaga sína einhverju sinni er
hann stundaði fiskvinnu
syðra. Munu þeir hafablótað
Bakkus af talsverðum rausnar-
skap nótt eina og morguninn
eftir varð vísan til.
Æla menn með auman kvið,
ákaft gnísta tönnum.
Þráa mjólk nú þamba við
þorsta og timburmönnum.
I framhaldi afþessu rifjast
upp vísa eftir Jón í
Skollagróf. Mun honum
hafa verið boðið upp á öl þar
sem hann var gestkomandi,
en hann ákvað að halda
tryggð við vatnið.
Alltaf var mér auðnan tæk,
að því hyggið vinir.
Eg á betri bæjarlæk
en bjórkútana hinir.
Einhverju sinni hagaði svo
til hjá Vestfirðingnum Elísi
Kjaran að hann hafði
félagsbú við hjón nokkur um
frystikistu. Eitt sinn varð
honum matar vant og fékk
þá lánað lambslæri hjá frúnni
af birgðum þeirra hjóna.
Nokkru síðar komst bóndi
að því að umrætt læri vantaði
í kistuna. Fékk hann þá flugu
í höfuðið að Elís hefði stolið
lærinu og færði það í tal við
hann. Við það tækifæri flutti
Elís bónda eftirfarandi vísu.
Engu stal ég yður frá,
til iðrunar þó finni.
Lærið fékk ég lánað á
laun frá konu þinni.
Óskar Sigurfinnsson bóndi í
Meðalheimi í Austur-Hún. er
höfundur lokavísunnar að
þessu sinni. Eitt sinn á sl.
sumri fór hann sér til gamans
fram á Kjöl. Sá hann þar
tilsýndar stúlku sem stóð í
vegkantinum og veifaði ákaft
einhverju hvítu. Við nánari
athugum kom í ljós að bíll
hafði bilað utan vegar og
hafði umrædd stúlka ætlað
að vekja á sér athygli
vegfarenda með veifú þessari.
Að spurðum þessum tíðind-
um orti Óskar.
Ef að skeður óvænt slys
og aðgát manna dvínar,
nota þær sem neyðarblys
nærbuxurnar sínar.
Þar með er kvótinn fylltur
og ég bið ykkur að vera sæl að
sinni.
Guðmundur Valtýsson
Eiríksstöðum
541 Blönduósi
s: 95-27154
Fjármálaráðherra fær stuðning
frá bæjar- og héraðsfréttablöðum
íjármálaráðuneytis að segja
upp áskrift af því eintaki sem
ráðuneytið keypti af héraðs-
fréttablöðunum. Skoraði fundur-
inn á stjórnvöld að stíga
skrefíð til fulls og afnema alla
styrki til útgáfu flokkspólitískra
blaða í landinu, þannig að allir
stæðu við sama borð.
Fram kom í skýrslu
stjórnar að lítið hafði áunnist
í ýmsum baráttumálum
samtakanna á síðasta ári, til
að mynda að aðildarblöðin
sem eru 16 talsins fengu
eðlilegan skerf auglýsingafrá
því opinbera.
Vestmannaeyingar tóku
frábærlega vel á móti gestum
sínum og eiga þeir Gísli
Valtýsson ritsjóri Frétta og
Hermann Einarsson ábyrgðar-
maður Dagskrár miklar
þakkir skildar, ásamt ferða-
þjónustuaðilum í Eyjum;
Ferðaþjónustu Páls Helga-
sonar og fjölskyldu og Hótel
Þórshamri. Naut blaðafólk
meðal annars frábærrar
leiðsagnar Páls Pálssonar í
siglingu kringum Eyjar og í
skoðunarferð um bæinn og
gosstöðvarnar. Þá gerðu
Á aðalfundi Samtakabæja-og fór í Vestmanneyjum um
héraðsfréttablaða sem fram helgina var fagnað frumkvæði
Ný stjórn Samtaka bæja- og héraðsfréttablaða stödd úti fyrir
Klettshelli í Ystakletti. Páll Ketilsson fráfarandi formaður
Víkurfréttum, Sigurður Sverrisson formaður Skagablaðinu,
Fríða Proppe Fjarðarpóstinum og Gísli Valtýsson Fréttum.
Á myndina vantar Sigurjón Sigurðsson Bæjarins besta á
ísafirði sem er fimmti maður í stjórn.
Eyjaprentsmenn ekki enda- Eflaust eiga blaðaútgefendur
sleppt við gestina þegar þeir af landsbyggðinni eftir að
buðu til margréttaðs kvöld- minnst þessarar helgar í
verðar á laugardagskvöldið. Eyjum lengi.
Frá Bridsfélagi Sauðárkróks
Síðastliðið mánudagskvöld
var spilaður eins kvölds
tvímenningur með forgjöf.
Efstu pör urðu þessi:
1. Lárus Sigurðsson/Sigurður
Gunnarsson 260 stig.
2. Kristján Blöndal/Ágústa
Jónsdóttir 255 stig.
3. Skúli Jónsson/Bjarni
Brynjólfsson 254 stig.
4. Stefán Skarphéðinss./Garðar
Guðjónss. 243 stig.
Næstu tvö mánudagskvöld
verður spiluð hraðsveitar-
keppni.