Feykir - 20.11.1991, Blaðsíða 5
41/1991 FEYKIR 5
Það er eins og Pétur Arnar sé hér að reka á eftir byggingu
þjónustuíbúða fyrir aldraða sem nýlega voru afhentar á
Blönduósi, en verktakinn Hlynur Tryggvason sér enga ástæðu
til að spara brosið.
í saumastofunni Drifu á Hvammstanga: Elín Þormóðsdóttir
fyrrum framkvæmdastjóri og verkstjóramir Guðlaug
Sigurðardóttir og Þorsteinn Gunnarsson.
safnsins, sagði frá safninu, en
það er rekið í byggingu við
Kvennaskólann á Blönduósi,
þar sem einu sinni var fjós. I
safninu er Halldórustofa,
kennd við Halldóru Bjarna-
dóttur, sem lést fyrir nokkrum
árum, elst íslendinga, 108
ára að aldri. Safnið er hið
eina sinnar tegundar á
landinu, en Halldóra viðaði
að sér munum um langt
árabil. Halldóra Bjarnadóttir
var einnig kunn fyrir útgáfu
sína á kvennablaðinu Hlín í
áratugi.
Frá safninu Já leiðin í
nýbyggingu, sem félag eldri
borgara í Austur-Húnavatns-
sýslu hefur staðið fyrir að
reisa. Formaður félagsins,
Torfi Jónsson á Torfalæk, fv.
oddviti Torfalækjarhrepps,
lýsti húsinu. Þetta er átta
íbúða hús og búið að taka
grunn að öðrum áfanga,
samskonar húsi með átta
íbúðum. Um morguninn
meðan stjómarfundurinn stóð
yfir hafði Torfi farið með
konur stjómarmanna í skoð-
unarferð um Vatnsdal og að
Þingeyrum og miðlað þeim
margvíslegum fróðleik um
Húnaþing og Húnvetninga.
Þá var komið að nýrri
íþróttamiðstöð, sem tekin
hefur verið í notkun að hluta
fyrir grunnskólann, og þegar
ekið var út úr bænum, vakti
athygli að á svonefndu
Sýslumannstúni við Blöndu,
þar sem fyrir er tjaldstæði,
hafa verið byggð tvö hús, þau
fyrstu af tíu, sem þar eiga að
rísa til útleigu fyrirferðafólk.
Víða var á Blönduósi
unnið við fegrun og^ snyrt-
ingu, og sagði Ofeigur
Gestsson frá því að bærinn
hefði á sl. vori ráðið
garðyrkjumann, Agúst Þór
Bragason, í fullt starf til þess
að sjá um viðhald og
endurbætur á opnum svæð-
um og til þess almennt að
annast gróðurbletti og úti-
vistarsvæði.
Meðan á heimsókninni
stóð bauð bæjarstjórnin á
Blönduósi komumönnum til
hádegisverðar á Hótel Blöndu-
ósi. Þar sagði bæjarstjórinn
frá viðgangi byggðarinnar og
þjónustuhlutverki bæjarins
við nágrannasveitirnar. A
Blönduósi voru 1. desember
1990 samtals 1084 íbúar.
Á Skagaströnd
Á Skagaströnd tóku þeir
Magnús B. Jónsson sveitar-
stjóri og Þorvaldur Skafta-
son hreppsnefndarmaður á
móti komumönnum. Magnús
rakti sögu staðarins, sagði frá
kaupmannstíð á öldum áður
og frá glæsilegum framtíðar-
draumum síldaráranna um
miðja þessa öld, þegar
skipulagður var 5000 manna
bær, sem byggjast skyldi á
síldarútvegi og síldarvinnslu.
Skoðaðar voru hafnarfram-
kvæmdir, sem nú miða að því
að auka viðlegurými í
höfninni. „Skagstrendingar
fá innan skamms í flota sinn
stóran togara, sem verið er að
smíða í Noregi fyrir Skag-
strending hf’, sagði sveitar-
stjórinn með nokkru stolti,
og hann rökstuddi bjartsýni
sína með því að benda á
veglega stálbita, sem biðu
þess að verða reknir niður.
Eiga þeir að mynda nýtt
bryggjuþil og viðlegukant í
höfninni.
Næst voru stjórnarmenn
leiddir í allan sannleik um
nýtísku vinnubrögð í fisk-
vinnslu, er Lárus Ægir
Guðmundsson fyrrverandi
sveitarstjóri á Skagaströnd
og núverandi framkvæmda-
stjóri Hólaness hf. kynnti
nýju vinnslulínuna, sem sett
hafði verið upp í frystihúsi
fyrirtækisins. Þar voru um 50
manns að störfum.
I skoðunarferðinni spurði
einhver gestanna um Kántiýbæ,
sem Hallbjörn Hjartarson
söngvari hefur gert frægan
sem miðstöð íslenskra sveita-
söngva, og var auðsótt mál
að fá að líta augum það hús.
Aðrir báðu um að mega
koma í nýja kirkju, sem er í
smíðum og var staldrað við í
henni um stund.
Hótel Dagsbrún er á efri
hæð sama húss og skrifstofur
hreppsins, og þar sagði
Magnús B. Jónsson frá
byggðarlaginu í kaffiboði
hreppsnefndar, en Vilhjálmur
Þ. Vilhjálmsson formaður
sambandsins þakkaði af
hálfu gesta, eins og hann
hafði gert á hinum stöðunum.
Fram kom í orðum sveitar-
stjórans, að íbúar Höfða-
hrepps hefðu verið 661 hinn
1. desember sl.
Á Skagaströnd eins og á
Hvammstanga og Blönduósi,
vöktu athygli framkvæmdir
við lagningu slitlags á götur
og gangstéttir, sem óðum er
að breyta yfirbragði bæjanna
til hins betra, jafnframt því
sem slíkar framkvæmdir laða
fram áhuga íbúanna á að
snyrta og fegra lóðir sínar og
að bæta umgengni.
Þegar Magnús B. Jónsson
hafði lýst sveitarbrag að
fornu og nýju í bundnu og
óbundnu máli, kvaddi hann
komumenn, en Valgarður
Hilmarsson á Fremstagili
tók við leiðsögn og lýsti
staðháttum, enda senn komið í
Engihlíðarhrepp.
Grund í Vesturhópi
Nú voru fagrir bæir að baki
og blómlegar sveitir til
beggja handa. Á heimleiðinni
var áð á sumarsetri Þórðar
Skúlasonar að Grund í
Vesturhópi, og dvaldist hópn-
um þar drykklanga stund
meðan málefni byggðarlags-
ins og hinna dreifðu byggða
almennt voru rædd. Var það
mál stjómarmanna að ástæða
væri til að festa í sessi þann
sið, sem núverandi stjórn
sambandsins hefur tekið
upp, að halda öðru hverju
fundi sína utan höfuðborgar-
svæðisins og að nota þá
jafnframt tækifærið til þess
sameiginlega að kynna sér
aðstæður og viðhorf sveitar-
stjómarmanna á þeim stöðum
sem heimsóttir eru hverju
sinni.
U.. St.
UTTU TILOKKAR
N.K. FÖSTUDAG
ÞANN 22. NÓVEMBER
ÞANN DAG VERÐUR MIKIÐ UM AÐ VERA
í HUÓMTÆKJA- OG HEIMILISTÆKJADEILD
OKKAR.
VIÐ KYNNUM MIKIÐ AF NÝJUM VÖRUM:
UÓSRITUNARVÉLAR, FAXTÆKI, SÍMKERFI
OG FLEIRA.
VIÐ GEFUM YKKUR EINNIG TÆKIFÆRI Á
AÐ FYLGJAST MEÐ UMHEIMINUM
í GEGNUM OKKAR
GERFIHNATTAMÓTTAKARA!
MIKIÐ AF NÝJUM HUÓMPLÖTUM
OG GEISLADISKUM.
VIÐ BJÓÐUM GESTUM OKKAR
UPP Á KÓK
VERTU VELKOMIN
SKAGFIRÐINGABÚÐ