Feykir - 06.09.2007, Blaðsíða 4

4 Feykir 33/2007
Þingmenn kjördæmisins svara fyrir málin
Sveitarstjórnamálin
Feykir hafði samband við þingmenn allra framboða í
kjördæminu og lagði fyrir þá spurninguna: Hver er að þínu
mati skýringin á 9% neikvæðum hagvexti og hvað er til
ráða? Ekki bárust svör frá Sturlu Böðvarssyni en svör
hinna birtust fyrir viku síðan.
Magnús Stefánsson, Framsóknarflokki
Auka þarf fjölbreytni í
atvinnulífi
Ekki er auðvelt að útskýra
neikvæðan hagvöxt á svæðinu í
stuttu máli. Hins vegar hafa helstu
atvinnugreinar Norðurlands
vestra löngum verið sjávarútvegur
og landbúnaður. Samdráttur í
þeim báðum mörg undanfarin ár
á svæðinu í heild skiptir miklu í
þessu samhengi.
Uppbygging í öðrum greinum
hefur ekki orðið það mikil að
vega á móti, hvað þá að auka við.
Meðaltekjur hafa lengi verið lægri
á Norðurlandi vestra en á sumum
öðrum landsvæðum og það skýrir
að hluta til íbúaþróun á svæðinu.
Hagvöxtur hefúr verið á flestum
öðrum landsvæðum og verulega
mikill sums staðar. Það sýnir að
Norðurland vestra hefúr ekki notið
í sama mæli almenns uppgangs og
vaxtar og flest önnur landsvæði
undanfarin ár.
Það verður að leita allra leiða til
að auka fjölbreytni í atvinnulífi
svæðisins, auk þess að nýta
vaxtarmöguleika í hefðbundnum
atvinnugreinum. Líta þarf til þess
að nýta sem best náttúrugæði,
svo sem þá orkumöguleika
sem hugsanlegir eru til að auka
möguleika á uppbyggingu
atvinnulífs. Þá þarfað halda áfram
að byggja upp opinbera starfsemi
á Norðurlandi vestra, eftir því
sem mögulegt er. HefðbunSnar
samgöngur og fjarskipti skipta
miklu máli og leita verður leiða til
að létta undir með atvinnurekstri
á svæðinu, t.d. er varðar
flutningskostnað o.fl.
Þá bendi ég á að sveitarstjórn-
armenn á Norðurlandi vestra hafa
lagt ffam metnaðarfullar tillögur
sem miða að því að efla svæðið
almennt og ég skora á stjórnvöld
að vinna í þeirra anda til heilla fyrir
Norðurland vestra.
smáauglýsingar...
Hvolpur fæst gefíns
Fimm vikna gamall tikarhvolpur læst
gefins. Þetta er blendingur,foreldrar
mjögljúfirog góðir.
Upplýsingarísíma 467 1054.
Til sölu
Vettlingar í ýmsum stærðum og
gerðum.
Lilja, Kambastíg 2 n.h.
Sími 453 5671
Laust lierbergi
Laustherbergi - býí 101 Reykjavik.
Sunna, simi 864 5728
Felgur til sölu
Tilsölu felgurundir "Nissan Sunny"
árg. '90 til 99. Á felgunum eru
dekk 165/70R 13sem eru ca: 70%
slitin. Selstá mjög sanngjörnu
verði.
Upplýsingar. Ragnar í síma 856-
4888 og Helgi i síma 856-1103.
Sendið smáauglýsingar til birtingar á feykir@nyprent.is
Er eitthvað að frétta?
Feykir Hafðu samband - Síminn er 455 7176
( ÁSKORENDAPENNINN )
Áskorendapenninn er nýr þáttur í Feyki. Einn lesandi
Feykis fær pennann í hönd í viku hverri og skilar inn
pistli um hvaó eina sem viókomandi dettur í hug.
Iris Olga Lúóvíksdóttir, Flatatungu, ríóur á vaöió.
Fjör í 100 ára afmæli
Frá því ég var
unglingur hef ég
beðið eftir 39 ára
afmælinu með vissri
eftirvæntingu, því
ég býst síður við
að ná hundrað ára
aldrinum aftur. Það
leggst þannig til að við
ÞórarinnSteingrímsson
fóstri minn og vinur,
búsettur á Akureyri,
deilum afmælisdegi og
fyrir réttri viku urðum
við 100 ára til samans.
Fyrirhuguð var mikil
kvöldverðarveisla
með fínni steik, ís og
uppákomum í tilefni
þessa merkisdags.
Ekkert varð þó um
veisluhöldin en heldur
meir um vonbrigði að
minni hálfu. Afmælis-
dagurinn sjálfur var
þétt skipulagður, vinna
og heyskapur, með
agnarvon um geta haft
súkkulaðiköku með
kaffinu.
Fyrsta rúllan var
varla komin í plast-
umbúðir þegar hinn
helmingurinn af
hundrað árunum kom
brunandi að norðan,
niður á tún með
trópí, bakaríbakkelsi
og pakkfulla fötu af
aðalbláberjum sem
hann hafði týnt áður
en hann lagði í hann.
Við dynjandi verklausar
vélarnar sátum við
fjölskyldan og Tóti
með fernur í annarri
og vínarbrauð í hinni
og skemmtum okkur
konunglega. Veislan
stóð yfir í allt að tólf
mínútur áður vélarnar
voru hreyfðar aftur.
Skrýtið hvað ein-
faldleikinn og hamingj-
an haldast oft í
hendur.
Eg skora á Ólaf Atla
Sindrason, Skörðugili,
að koma með næsta
pistil.
Menningarráð Narðurlands vestra
auglýsir eftir umsóknum um
verkefnastyrki á sviði
menningarmála
vegna ársins 2007
Um verkefnastyrki á grundvelli menningarsaming ríkisins og
sveitarfélaga á Norðurlandi vestra. Umsækjendum er bent á að
kynna sér nánar úthlutunarreglur og sérstakar áherslur ársins 2007,
menningarsamninginn og stefnumótun í menningarmálum
á www.ssnu.is undir liðnum Menningarráð.
Menningarráð Norðurlands vestra hefur ákveðið að árið 2007
hafi þau verkefni forgang sem uppfylla eitt eða fleiri eftirtalinna atriða:
- Samstarf milli tveggja eða fleiri aðila, byggðarlaga eða
listgreina og uppsetning viðburða á fleiri en einum stað.
- Nýsköpun á sviði lista, menningarstarfs og menningar-
tengdrar ferðaþjónustu.
Umsókn ásamt greinargóðri lýsingu á verkefninu með verk- og
fjárhagsáætlun (kostnaðar- og tekjuáætlun] og upplýsingar
um aðstandendur og ábyrgðaraðila skal send
Menningarfulltrúa Norðurlands vestra,
Bjarmanesi, 545 Skagaströnd
eigi síðar en 1. október 2007.
Nánari upplýsingar veita Ingibergur Guðmundsson menningarfulltrúi Norðurlands vestra
s. 892 3080, netfang menning@ssnv.is
og Guðrún Helgadóttir formaður Menningarráðs Norðurlands vestra,
s. 453 6585, netfang gudr@holar.is.
SAMTOK SVEITARFELAGA
NORÐURLAND VESTRA