Iðjuþjálfinn - 01.06.1999, Síða 18

Iðjuþjálfunarbraut
Háskólans á Akureyri
-hugmyndafræði, markmið og skipulag
Guðrún Pálmadóttir
Til þess að nám verði heilsteypt þarf
hugmyndafræði þess sem og markmið
að vera skýr, en þau eru forsenda
námskrárgerðar og eiga að endur-
speglast í námsskránni. Hugmynda-
fræði og markmið fyrir íslenskt nám í
iðjuþjálfun hafa verið í smíðum síðan
1995. Sumarið 1997 voru þessi atriði
orðin nægilega mótuð til þess að hægt
væri að setja saman námskrá í iðju-
þjálfun sem byggðist á þeim. Þær hug-
myndir sem þá voru skráðar á blað
hafa síðan verið að þróast og skerp-
ast. í þeim skrifum sem hér fara á eft-
ir er skýrt frá hugmyndafræði og mark-
miðum iðjuþjálfunarbrautar Háskólans
á Akureyri í núverandi mynd. Þá er
einnig gerð grein fyrir nálgun og að-
ferðum í kennslu innan þessara hug-
myndafræðilegu ramma sem stuðla að
því að settum markmiðum
sé náð.
Hlutverk
í lögum Háskólans á Akureyri
segir að hann skuli vera vísinda-
leg fræðslu- og rannsóknarstofn-
un er veiti nemendum sínum
menntun til þess að sinna sjálf-
stætt vísindalegum verkefnum,
gegna ýmsum störfum í atvinnu-
lífinu, öðrum ábyrgðarstöðum og
stunda frekara háskólanám (Lög um
Háskólann á Akureyri nr. 51/1992). Iðjuþjálfun-
arbraut er starfrækt í anda þessarar yfirlýsingar
og menntar nemendur til BS-gráðu í iðjuþjálfun,
sem veitir þeim löggildingu og starfsréttindi sem
iðjuþjálfar (Lög um iðjuþjálfun nr. 75/1977).
Iðjuþjálfunarbraut-
in hefur það að leið-
arljósi að vera í far-
arbroddi hvað varðar
þróun iðjuþjálfunar
hér á landi ásamt því
að vera virkur þátt-
takandi í alþjóðlegu
samstarfi.
Nám í iðjuþjálfun við Háskólann á Akureyri tek-
ur mið af þörfum íslensks samfélags jafnframt
því að mæta alþjóðlegum staðli (WFOT, 1993).
Það undirbýr nemendur markvisst til að takast á
við fjölbreytt verkefni innan heilbrigðis- og fé-
lagsþjónustu.
Hugsjón
Iðjuþjálfunarbraut Háskólans á Akureyri lætur
sig varða heilsu og lífsgæði landsmanna og legg-
ur áherslu á að þjónusta iðjuþjálfa sé í boði þar
sem hennar er þörf (Háskólinn á Akureyri, 1997;
Guðrún Pálmadóttir, 1997). Stefnt er að því að
auka vegsemd fræðigreinarinnar og sjá til þess
að hún þróist í takt við nýja þekkingu og breyti-
legar þarfir þjóðfélagsins. Iðjuþjálfunarbrautin
hefur það að leiðarljósi að vera í fararbroddi
hvað varðar þróun iðjuþjálfunar hér á landi
ásamt því að vera virkur þátttakandi í alþjóð-
legu samstarfi. Til að mæta þessum hugsjónum
er lögð áhersla á að:
• skapa samfélag sem ýtir undir þekkingaröfl-
un, víðsýni, markviss vinnubrögð og samstarf
og gerir um leið kröfur um gæði, áreiðanleika
og fjölbreytni
• byggja umhverfi opinna boðskipta sem ýtir
undir nýbreytni og sköpunarmátt og metur
að verðleikum framlag kennara og nemenda
• stuðla að samvinnu og samræmingu milli
brauta háskólans til að auka gæði menntunar
til hagsbóta fyrir nemendur og aðra neytend-
ur þjónustu
Sjónarmið er varða iðjuþjálfun
Iðjuþjálfun byggir á þeirri hugmynd að það sé
mikilvægt fyrir heilsu og vellíðan fólks að móta
og stunda iðju sem samræmist eigin þörfum og
áhuga og sé í takt við kröfur og venjur samfé-
Iagsins. Með iðju er átt við öll þau verk og at-
18 IÐJUÞJÁLFINN 1/99