Feykir - 22.01.2009, Blaðsíða 11

03/2009 Feykir 11
( MATGÆÐINGAR VIKUNNAR )
Helga Ólína kokkar
Krakkarnir kalla þetta
"Subway" kökurnar
Það er Helga Ólína Aradóttir sérkennari á Skagaströnd
sem býður lesendum Feykis til veislu og segir:
-Þar sem margir eru nú að spá í línurnar eftir jólin koma
hérna uppskriftir sem ættu að geta talist vera í hollari
kantinum. Svolítinn undirbúning þarf fyrir pönnukökurnar
en vonandi er hann þess virði. Síðan er uppskrift að salati og
hollum spelt ostabollum. Ég hef um nokkurt skeið séð um,
ásamt fleirum, erobik/kvennaleikfimi þannig að mér fannst
ég líka þurfa að sýna smá fyrirmynd og velja frekar hollar
uppskriftir;-)
Að lokum læddi ég með uppskrift sem ég er oft beðin
um en óhætt er víst að segja að hún falli ekki undir flokkinn
“hollar” uppskriftir.
Ég skora síðan á bóndahjónin á Hóli þau Dagnýju Rósu
Úlfarsdóttur og Björn Björnsson.
Fylltar kjúklinm-
karrýpönnukokur
(crepes)
Pönnukökudeig
4 dl. hveiti
1 tsk. salt
'A tsk. lyftiduft
4 dl. mjólk
‘A matarolía
2egg
2-3 dl. vatn
Þurrefnin sett í skál, mjólk og
matarolíu hrært saman við.
Eggjunum bætt út í og hrært
vel. Vatninu er síðan bætt í
smátt og smátt þar til deigið
verður fremur þunnt.
Útbúin er venjuleg karrýsósa en
höfð í sterkara lagi. Einnig er
hægt að nota eftirfarandi sósu:
Karrýsósa:
50 gr. smjör
1 pk. Toro karrýsósa
1-2 msk. karrý (eftirsmekk)
‘A Itr. vatn (gœti þurft
aðeins meira)
Smjörið er brætt, duftinu
ásamt karrýi hrært saman
við. Vatninu bætt við smátt og
smátt þar til hæfilega þunn sósa
er tilbúin.
Fylling:
1 paprika - skorin í bita
1 blaðlaukur - skorinn í bita
Soðin hrísgrjón
Kaldur kjúklingur (gott
að nota kjúklingaafganga)
Ostsneiðar
Aðferð:
Deigi er hellt á stóra pönnu
og þegar yfirborðið fer aðeins
að þorna/bakast er karrýsósu
smurt yfir alla pönnukökuna.
Því næst eru hrísgrjón sett á
helminginn af kökunni, paprika
og blaðlaukur þar ofan á ásamt
kjúklingnum og síðast eru ostur
settur yflr allt saman. Að lokum
er helmingurinn, sem aðeins
er með sósu á, settur yfir þ.e.
útbúinn hálfmáni. Bakað áfram
í örlitla stund. Best er að snúa
hálfmánanum aðeins við þannig
að báðar hliðar bakist vel og
osturinn nái að bráðna.
Gott eitt og sér eða með
fersku salati. Auðvelt er að
skipta út kjúklingnum fyrir t.d.
skinku, ananas og þá er upplagt
að setja hvítlaukssósu í stað
karrýsósunnar.
Pastasalat
Iceberg eða jöklasalat ‘A haus
- rifið niðurfrekar gróft
2-3 tómatar skornir í báta
'A rauðlaukur skorinn
í sneiðar
1 gulpaprika
1 rauð paprika
Nokkur jarðarber
2 kiwi
Furuhnetur - létt ristaðar
Ostur - Havarti (ekki krydd)
ogBrie - skornir í bita
2 bollar soðið pasta
Öllu blandað saman í skál og
2 msk. Olivu olía og 1 msk.
Balsamikedik hrært saman og
dreift yfir.
Ostabollur
2 pk. þurrger
1 Itr. súrmjólk
200gr. hunang
1 msk. salt
200gr. rifinn ostur
500 gr. spelt
700gr. hveiti
Hunang og súrmjólk hitað
saman í u.þ.b. 37°c. Gerið sett í
fremur stóra skál og súrmjólkur-
blöndunni hellt yfir. Salti
bætt út í og látið bíða aðeins.
Hveiti, spelt og ostur sett út í
og hnoðað vel saman. Látið
lyffa sér í 30 mínútur. Búnar til
bollur úr deiginu sem raðað er á
bökunarplötu og látnar lyfta sér
í ca. 20 mínútur. Penslað með
blöndu af eggi og mjólk. Bakað
við 170°c. Þar til þær verða
ljósbrúnar.
Þessa uppskrift fann ég einhvern
tímann í Gestgjafanum og hún
hefur alveg slegið í gegn, sérstak-
lega hjá yngri kynslóðinni.
Krakkarnir kalla þetta gjarnan
“Subway” kökurnar.
“Súkkulaðibita-
hlunkar”
150 gr. smjör/smjörlíki
200 gr. púðursykur
50 gr. sykur
1 pakki Royal
vanillubúðingsduft
1 tsk. vanillusykur
2egg
270 gr. hveiti
1 tsk. matarsódi
1 poki súkkulaðidropar
Hrærið smjöri, púðursykri, sykri,
vanillusykri og búðingsdufti
mjög vel saman. Eggjum bætt í,
einu í einu, hrært vel í á milli.
Hveiti, matarsódi og súkkulaði
hrært saman við en ekki hræra
lengi, deigið á að verða samfellt.
Ein kúfuð matskeið (líka gott
að nota ískúlu skeið) af deigi
sett á plötu sem er klædd
bökunarpappír og bakað í 12 -
14 mínútur við 180°c. Kökurnar
eru bakaðar ljósbrúnar. Þær lyfta
sér töluvert og falla svo þegar þær
eru teknar úr ofninum. Eiga að
vera frekar linar. (eiga að verða
u.þ.b.24 kökur, fer eftir stærð)
Verði ykkur að góðu!
Feróanefnd Feróafélags Skagfiróinga
Útivist og
ferðamennska
Útívist, útivera og ferðalög
geta skapað töfrandi
stemningu. Útivist hefur færst
í aukana siðastliðin ár og
margir hafa gert útivist að
lífstíl sínum. Útivera er holl
fyrir líkama og sál. Börn njóta
góðs af útiverunni og
stundirnar úti í náttúrunni
sameina fjölskylduna.
Síðastliðið sumar naut ég
þeirrar lukku að fá að vera
leiðsögumaður mismunandi
hópa fólks á ferðalagi um Græn-
land. Allir áttu það sameiginlegt
að hafa áhuga á náttúru og útivist.
Aldur ferðamannanna var frá 5
ára börnum til 87 ára manns.
Aldursforsetinn nefndi aldur
sinn og hversu afstæður aldur
væri í útivist. Hann ferðaðist um
eins og unglamb, enda farið ófáar
ferðir í réttir og hlaupið um
heimahaga sína frá barnæsku.
Yngsta barnið í hópnum heillaðist
af umhverfinu og tók eftir öllu
því agnarsmáa sem við hin
fullorðnu gleymdum að veita
athygli.
Aldursforsetinn og barnið skildu
eftir hugleiðingu í huga mínum
eítir sumarið. Hugleiðingu sem
varð síðan að útivistarheiti mínu
fyrir þetta nýja ár. Stundum
erum við svo upptekin af
áfangastaðnum að við gleymum
að njóta sjálfrar ferðarinnar.
Til eru mismunandi hópar
útivistarfólks. Stefnan er oft sett
hátt hjá okkur, við þjálfum okkur
og að lokum er stefnan sett á
markmiðið. Stundum tekst vel
til, stundumekki.
Við megum ekki gleyma að
upplifa töfrana sem gerast í
augnablikinu. Því ef við förum
okkur of geyst þá gæti verið að
við missum af þeim. Njótum
ferðarinnar hvert á veg sem við
erum komin.
Árið 2009 er runnið upp,
mörg tækifæri í útivist og
ferðamennsku koma með nýja
árinu. Þar má nefna að Ferðafélag
Skagfirðinga hefúr unnið
hörðum höndum að metnaðar-
fullri dagskrá. Ferðirnar eru við
allra hæfi, jafnt byrjenda sem
lengra kominna.
Þann 24. janúar næstkomandi
mun Ferðafélag íslands gefa út
árlegan ferðabækling sinn. Þar
eru allar skipulagðar ferðir á
landinu settar í einn bækling. Nú
getum við í Skagafirði, eins og
áður, verið stolt af okkar framlagi
til þessa bæklings. Hvetjum við
því alla til að kynna sér dagskrána
og skrá sig í ferðir sem við
bjóðum upp á í ár. Bækling
Ferðafélags íslands má nálgast á
vefsíðu Félagsins: www.fi.is/
Nú tökum við fram göngu-
skóna, gerum útivistarfötin
okkar klár og sameinumst öll í
skemmtilegum ferðum árið
2009!
Fyrir höndferðanefndar
Ferðafélags Skagfirðinga
Pálína Ósk Hraundal