Morgunblaðið - 07.09.2015, Side 6

6 FRÉTTIRInnlent
MORGUNBLAÐIÐ MÁNUDAGUR 7. SEPTEMBER 2015
Sigurður Bogi Sævarsson
sbs@mbl.is
„Pólitík snýst um að breyta samfélag-
inu og gera gagn. Svigrúm til breyt-
inga er þó takmarkað ef stjórn-
málahreyfingin hefur lítinn stuðning.
Vonandi tekst okkur nú að snúa tafl-
inu við,“ segir Óttarr Proppé
alþingismaður, sem var kjörinn for-
maður Bjartar framtíðar á ársfundi
flokksins sem haldinn var á laugar-
dag. Á fundinum var tilkynnt að
Brynhildur Pétursdóttir tæki við sem
formaður þingsflokks hreyfingar-
innar. Brynhildur S. Björnsdóttir var
kjörin stjórnarformaður.
Alþingi kemur saman til funda í
vikunni eftir sumarhlé og býst Óttarr
við líflegum umræðum þar og þá.
Þessa dagana sé vandi flóttamanna
og húsnæðismálin mjög í deiglunni og
þingmenn Bjartrar framtíðar muni
hamra þau heitu járn. „Í húsnæðis-
málum er mikilvægt að séreign og
leiga séu jafnsettir kostir, meðal ann-
ars í gegnum bótakerfið og þá verður
að tryggja öryggi á leigumarkaði,“
segir Óttarr. „Hvað flóttamannanna-
málinu viðvíkur er ánægjulegt að sjá
að fólk lætur sig mikilvæg mannrétt-
indamál varða og er tilbúið að stíga
fram, segja sína meiningu og veita
stjórnvöldum aðhald og skapa þrýst-
ing.“
Breytingar í Bjartri framtíð koma
meðal annars til vegna slaks gengis
flokksins í skoðanakönnunum. Óttarr
vill þó ekki svara því beint hvort þörf
hafi verið á endurnýjun í forystu-
sveitinni. „Ég lít einfaldlega á þetta
sem þroskamerki í starfi flokksins,
sem hefur verið að endurskilgreina
stefnu sína og starf kominn til áhrifa
og ábyrgðar. Að hlutverkaskipti séu
höfð í flokknum og að forystan sé
endurnýjuð er hluti af hugmynda-
fræði okkar – og breytingarnar nú
sýna að þetta eru meira en orðin
tóm,“ segir Óttarr Proppé.
Endurnýjun er þroskamerki
 Óttarr Proppé nýr formaður Bjartrar framtíðar  Svigrúm til breytinga tak-
markað ef stjórnmálahreyfing hefur lítinn stuðning  Ætla að hamra heitt járn
Forysta Frá vinstri: Brynhildur Pétursdóttir, þá nýr flokksformaður Óttarr
Proppé og Brynhildur S. Björnsdóttir, sem var kjörin formaður stjórnar.
Heilbrigðis- og umhverfismál
voru mjög í deiglunni á aðal-
fundi Bjartrar framtíðar. Um
fyrrnefnda málaflokkinn segir
að leggja skuli rækt við frelsi
fólks um leiðir til að efla heil-
brigði og til að takast á við
heilsubrest. Heilbrigðis-
þjónustan styðji við ein-
staklinga sem séu í viðkvæmri
stöðu svo sem börn, ung-
menni, aldraða og fatlað fólk.
Í umhverfismálum er sú lína
lögð að Ísland skuli vera
sjálfu sér nægt á sviði orku-
framleiðslu, nota aðeins
græna orku og hefja aldrei
vinnslu jarðefnaeldsneytis.
Einnig skuli stækka og
stækka og sameina sterkt
innviðakerfi þjóðgarða og frið-
lýstra svæða.
Vilja aðeins
græna orku
HEILSA OG UMHVERFI
„Þessi hiti á Seyðisfirði hefur alveg
jafnað hæsta hita ársins til þessa,“
segir Birta Líf Kristinsdóttir, veður-
fræðingur á Veðurstofu Íslands, í
samtali við mbl.is en 22,9 stiga hiti
mældist á Seyðisfirði í gær. Veruleg-
ur hiti var einnig víða á Austfjörðum
og þannig voru 22,8 stig á Hallorms-
stað. Hæsti hiti gærdagsins á há-
lendinu var á Jökuldal, 19,8 stig.
„Það var varla ský að sjá, næstum
23 stiga hiti og hægur vindur. Þetta
er Spánarveður. Við erum nokkuð
bjartsýn á að þetta verði svona líka í
dag enda er hlýtt loft yfir okkur,“
segir Birta.
Hins vegar er útlit fyrir að fyrsta
alvöru haustlægðin gangi yfir landið
á þriðjudag og önnur á miðvikudag.
Hitajöfnun
á Seyðisfirði
Morgunblaðið/Sigurður Bogi
Seyðisfjörður Hlýtt loft er yfir og
spáð áframhaldandi blíðu.
BAKSVIÐ
Guðmundur Magnússon
gudmundur@mbl.is
„Þetta eru langþráðar framkvæmdir
en það er enn mikið eftir og við hefð-
um kosið að annar spotti á þessari
leið hefði orðið fyrir valinu til að
byrja með,“ segir Hjörleifur Finns-
son, þjóðgarðsvörður á Norður-
svæði Vatnajökuls sem er með að-
setur í Ásbyrgi, um vegabætur sem
eru nýhafnar á Dettifossvegi að
norðan.
Unnið er að því að endurgera veg-
hlutann frá Ásgerði og suður fyrir
Tóheiði. Þessi spotti er 4,6 km að
lengd. Verkið var boðið út í sumar
og reyndust Þ.S. verktakar á Egils-
stöðum eiga lægsta tilboðið, rúmar
366 milljónir króna. Vegagerðin
hafði áætlað kostnað rúmlega 300
milljónir. Áformað er að ljúka verk-
inu fyrir miðjan júlí á næsta ári.
Að sögn Hjörleifs hefðu fram-
kvæmdir við Dettifossveg getað haf-
ist þegar árið 2006. Umhverfismati
var þá lokið og allt undirbúnings-
ferlið komið á leiðarenda. En þá hóf-
ust deilur við landeigendur sem
snerust um veglínu utan þjóðgarðs-
ins. Þetta tafði framkvæmdir og
síðan tafði hrunið haustið 2008 enn
fyrir málinu. Það haust var þó búið
að bjóða út syðsta hluta vegarins og
var hann kláraður árið 2010.
„Með þeim vegabótum var komið
á tengingu frá hringveginum við
Dettifoss,“ segir Hjörleifur. Það hafi
verið til mikilla bóta. En vantað hafi
að lagfæra leiðina að norðan, frá Ás-
byrgi þar sem starfsstöð norður-
svæðis þjóðgarðsins er. „Þessi leið
er að jafnaði ófær frá því í byrjun
september og fram í lok maí eða
byrjun júní,“ segir Hjörleifur.
Meðan henni sé ekki sinnt hafi það
mikil áhrif á umferð á svæðinu og
alla ferðaþjónustu. Það geri starfs-
mönnum þjóðgarðsins líka erfiðara
en ella að sinna störfum sínum.
Þegar kaflinn sem nú er unnið við
verður tilbúinn eru um 17 km eftir
af þröngum malarvegi sem þarf að
endurbyggja. Mikið verk er því enn
fram undan.
Langþráðar vegabætur hafnar
 Framkvæmdir hafnar við Dettifossveg að norðan  Ljúka á verkhlutanum sumarið 2016  Ör
fjölgun ferðamanna kallar á vegabætur  Þjóðgarðsvörður orðinn langeygur eftir að verkinu ljúki
Dettifoss Þetta er aflmesti foss Íslands. Hann er 45 m hár og rúmlega 100 m breiður foss í Jökulsá á Fjöllum. Hann er hluti af Vatnajökulsþjóðgarði og er
skilgreindur sem Náttúruvætti af Umhverfisstofnun. Nálægt honum eru tveir miklir fossar; Hafragilsfoss neðan hans en Selfoss ofar í ánni.
Vegabætur Núverandi Dettifossvegur að norðanverðu. Enn eru um 17 km
eftir sem þarf að endurbyggja þegar framkvæmdum lýkur næsta sumar.
Framkvæmdir við Dettifossveg
Vesturdalur - Tóveggur
Heimild: Vegagerðin
Ásbyrgi
Skjálftavatn
Jökulsá á
FjöllumÁsheiði
Keldunesheiði
Tunguheiði
Dettifoss
Getty Images/iStockphoto