Skólavarðan - 01.05.2004, Blaðsíða 8

8
FUNDUR BHM, BSRB OG KÍ UM FRUMVARP FJÁRMÁLARÁÐHERRA
SKÓLAVARÐAN 5.TBL. 4. ÁRG. 2004
Þegar þetta er skrifað eru miklar líkur á
að frumvarp um breytingar á lögum um
réttindi og skyldur starfsmanna ríkisins
verði knúið í gegnum þingið þrátt fyrir
harða andspyrnu launþegasamtaka
sem málið varðar. Verði lögunum breytt
með þeim hætti sem fjármálaráðherra
leggur til fellur úr gildi sú skylda
forstöðumanns að áminna starfsmann
með formlegum hætti áður en til
uppsagnar getur komið úr starfi.
Þann 13. maí héldu BHM, BSRB og KÍ
sameiginlegan fund um málið. Fundur-
inn var fjölmennur og þar var eftirfarandi
ályktun samþykkt samhljóða.
Ályktunin í heild sinni:
„Sameiginlegur fundur aðildarfélaga
BHM, BSRB og KÍ haldinn fimmtudaginn
13. maí 2004 mótmælir harðlega frum-
varpi ríkisstjórnarinnar um breytingar á
lögum um réttindi og skyldur starfsmanna
ríkisins sem nú liggur fyrir Alþingi og
krefst þess að fjármálaráðherra dragi það
til baka.
Verði frumvarpið að lögum verður felld
niður sú skylda forstöðumanns að áminna
starfsmann með formlegum hætti áður
en til uppsagnar úr starfi kemur. Þar með
geta duttlungar stjórnenda ráðið starfsör-
ygginu.
Frumvarpið felur því í sér breytingar
á grundvallarréttindum ríkisstarfsmanna
hvað varðar starfsöryggi. Þessi breyting er
í engu samræmi við nútímahugmyndir um
samskipti vinnuveitenda og starfsmanna
og lítt til þess fallin að bæta starfsum-
hverfi ríkisstarfsmanna. Þvert á móti er ver-
ið að hverfa aftur til forneskjulegra stjórn-
arhátta þar sem geðþótti og einhliða
hagsmunir húsbænda réðu.
Fundurinn bendir á að samtök opin-
berra starfsmanna hafa ítrekað óskað eftir
því að samráðsleiðin verði farin svo breyt-
ingar á starfsmannalögunum séu unnar í
sátt en fjármálaráðherra hefur daufheyrst
við þeim óskum.
Með frumvarpi sínu ræðst fjármálaráð-
herra á eigin starfsmenn á ómálefnalegan
og ósanngjarnan hátt, torveldar með fram-
göngu sinni samskipti aðila og setur kom-
andi kjarasamninga í uppnám."
Í framhaldi af fundinum 13. maí sendu
félögin sem að honum stóðu kynningar-
efni um málið til trúnaðarmanna og fleiri
aðila.
Kynningarefnið í heild sinni:
„Hvað þýðir breyting á starfsmannalög-
unum fyrir þig?
Á Alþingi liggur fyrir frumvarp til laga
um breytingar á lögum um réttindi og
skyldur starfsmanna ríkisins nr. 70/1996
(hér eftir kölluð starfsmannalögin) þar
sem verið er að afnema grundvallarrétt-
indi þín. Breytingin felur í sér að grafið er
undan starfsöryggi þínu.
Í 21. gr. starfsmannalaganna stendur:
Ef starfsmaður hefur sýnt í starfi sínu
óstundvísi eða aðra vanrækslu, óhlýðni
við löglegt boð eða bann yfirmanns síns,
vankunnáttu eða óvandvirkni í starfi, hef-
ur ekki náð fullnægjandi árangri í starfi,
hefur verið ölvaður í starfi eða framkoma
hans eða athafnir í því eða utan þess þykja
að öðru leyti ósæmilegar, óhæfilegar eða
ósamrýmanlegar starfinu skal forstöðu-
maður stofnunar veita honum skriflega
áminningu. Áður skal þó gefa starfsmanni
kost á að tala máli sínu ef það er unnt.
Þessi lagagrein inniheldur þá megin-
reglu að óheimilt sé að segja starfsmanni
sem lögin taka til upp starfi án undanfar-
andi áminningar, þannig að starfsmaður-
inn fái möguleika á að bæta ráð sitt og
þannig geti hann afstýrt uppsögn. Í frum-
varpinu er lagt til að þessi lagagrein falli
brott. Afnám þessa lagaákvæðis þýðir
að ríkisstarfsmenn verða settir undir geð-
þóttavald stjórnenda þeirra stofnana sem
þeir starfa hjá.
Í frumvarpinu er tillaga um andmæla-
rétt. Hann er hins vegar takmarkaður m.a.
á þann hátt að ekki á að veita andmæla-
rétt ef starfsmanni er sagt upp vegna
þess að hann hefur ekki þá kunnáttu eða
reynslu sem forstöðumaður ákveður að
starfsmaðurinn þurfi að hafa.
Verði frumvarpið að lögum hafa ríkis-
starfsmenn framvegis lakari ráðningarrétt-
indi heldur en grunnskólakennarar, leik-
skólakennarar, slökkviliðsmenn og aðrir
starfsmenn sveitarfélaga.
Kjör starfsmanna ríkisins ráðast annars
vegar af lögum og hins vegar kjarasamn-
ingum. Starfsmannalögin eru þannig hluti
af forsendum kjarasamninga. Með frum-
varpi sínu ræðst fjármálaráðherra á eigin
starfsmenn á ómálefnalegan og ósann-
gjarnan hátt, torveldar með framgöngu
sinni samskipti aðila og setur komandi
kjarasamninga í uppnám.
BHM, BSRB og KÍ
Skerðing á grundvallarréttindum
ríkisstarfsmanna