Skólavarðan - 01.05.2004, Blaðsíða 24

24
UNGIR VÍSINDAMENN
SKÓLAVARÐAN 5.TBL. 4. ÁRG. 2004
Rannsóknaþjónusta Háskóla Íslands
rekur verkefnið „Ungir vísindamenn á
Íslandi" í samstarfi við og með stuðn-
ingi frá styrktarsjóði Íslandsbanka og
Sjóvá-Almennra, menntamálaráðuneyt-
inu, Marel, Flugfélagi Íslands, rektor Há-
skóla Íslands og Hinu húsinu. Verkefnið
er rekið í tengslum við Evrópukeppni
Ungra vísindamanna, „Young Scient-
ist Contest", og er átaksverkefni sem
miðar annarsvegar að því að auka og
styðja við bakið á vísindarannsóknum
ungs fólks og hinsvegar að skipuleggja
landskeppni ungra vísindamanna.
Í landskeppninni gefst þátttakendum
möguleiki á að vinna sæti í landsliði ungra
vísindamanna á Íslandi en allt að sex þátt-
takendur á aldrinum 14-21 árs eru styrktir
af Evrópusambandinu til þátttöku í þeirri
keppni.
Verðlaunahafar í landskeppni Ungra vís-
indamanna árið 2003 komu frá Fjölbrauta-
skólanum í Ármúla og voru Anna Sigríður
Kristjánsdóttir, Bryndís Guðmundsdóttir
og Böðvar Sturluson. Leiðbeinandi þeirra
var Ólafur H. Sigurjónsson aðstoðarskóla-
stjóri. Þau tóku þátt í Evrópukeppninni
í Búdapest í september síðastliðið haust
með verkefnið „Vetnishúsið“. Þó að það
hafi ekki unnið til verðlauna vakti það
mikla athygli og var meðal annars birt
viðtal við hópinn í fréttabréfi Evrópusam-
bandsins, Cordis.
Forsaga verkefnisins hérlendis er sú að
á árunum 1995-1999 var það rekið undir
merkjum „Hugvísis“ sem var samstarfsverk-
efni Hins hússins, Ísaga hf. o.fl. Tveir full-
trúar Íslands unnu til verðlauna í Evrópu-
keppninni, hópur frá Framhaldsskólanum
í Vestmannaeyjum og Menntaskólanum í
Reykjavík.
Árið 2002 tók Rannsóknaþjónusta Há-
skóla Íslands að sér að endurvekja verk-
efnið hér á landi undir nafninu „Ungir
vísindamenn á Íslandi“ og var það kynnt
fyrir forsvarsmönnum framhaldsskóla. Í
kjölfarið varð til samstarfsvettvangur full-
trúa frá tíu áhugasömum framhaldsskól-
um sem síðan hefur unnið að stefnumót-
un verkefnisins og framkvæmd þess innan
ólíkra skóla.
Fundur ungra vísindamanna
Föstudaginn 2. apríl var staðið fyrir sam-
eiginlegum fundi þátttakenda. Tóku um
40 manns þátt í honum, bæði nemendur,
leiðbeinendur og vísindamenn. Fundurinn
stóð yfir frá kl. 9 til 17 með fjölbreyttri
dagskrá. Byrjað var með kynningu á verk-
efninu og reynslu þátttakenda. Þá bauð
Marel hópnum í heimsókn í höfuðstöðvar
sínar í Garðabæ og til hádegisverðar. Að
lokum lá leið fundargesta í Hitt húsið þar
sem fram fóru kynningar þátttakenda á
verkefnum sínum að undangenginni kynn-
ingu á starfsemi Hins hússins.
Alls tóku fimm framhaldsskólar með
átta verkefni þátt í keppninni að þessu
sinni. Nemendur unnu verkefni sín með
aðstoð bæði frá leiðbeinendum innan skól-
anna sem og sérfræðingum hjá Háskóla Ís-
lands og Náttúrustofu Austurlands.
Eftirfarandi þátttakendur kynntu verk-
efni sín á fundinum 2. apríl:
1. Hrafn Þorri Þórisson (FÁ) með verk-
efnið „Áhrif fjölbreytilegs umhverfis á
sköpunargáfu".
2. Gunnar Þór Magnússon (Flensborg)
með verkefnið „Casimir-hrif“.
3. Auður Þórsdóttir, Hulda Hallgríms-
dóttir, Sigþrúður Gunnsteinsdóttir (MA)
með verkefnið Þróun eineltisforvarna fyr-
ir 10-12 ára börn.
4. Ingibjörg Björnsdóttir, Særún Ósk
Böðvarsdóttir, Helena Árnadóttir (MA)
með verkefnið „Kynferðislegt ofbeldi,
hvaða úrræði eru fyrir gerendur þess á
Íslandi?“
5. Freydís Konráðsdóttir, Guðrún Jóna
Guðmundsdóttir, Eva Þórarinsdóttir (MA)
með verkefnið „Verða ættleidd börn sem
ekki eru af evrópskum uppruna og fjöl-
skyldur þeirra á Íslandi fyrir fordómum?“
6. Nemendur í Kvennaskólanum með
verkefnið „Viðhorf nemenda til breytinga
í framhaldsskólakerfinu".
7. Eva María Þrastardóttir, Stefán Þór
Eysteinsson og Elísa Guðrún Brynjólfsdótt-
ir (VA) með verkefnið „Hasskötturinn“.
Síðar bættist við verkefnið „Hárlos hesta“
frá Flensborg.
Fjögur verkefnanna komust í úrslit,
nr.1 (Áhrif fjölbreytilegs umhverfis á
sköpunargáfu), 3 (nafn í lokagerð: Byrgj-
um eineltisbrunninn), 5 (nafn í lokagerð:
Minnkandi heimur) og 7 (Hasskötturinn).
Þeir sem vilja nálgast frekari upplýsing-
ar um verkefnið, þátttakendur eða vilja
taka þátt í verkefninu á næsta skólaári er
bent á heimasíðu Rannsóknaþjónustunnar
www.rthj.hi.is og verkefnisstjóra Stefaníu
G. Kristinsdóttur.
Landskeppni
ungra vísindamanna
Úrslit voru kynnt þann 19. maí og verðlaun hlutu verkefnin „Áhrif fjölbreytilegs
umhverfis á sköpunargáfu“ og „Hasskötturinn“. Á myndinni frá vinstri eru
Ólafur Sigurjónsson, Þórður Júlíusson, Elísa Guðrún Brynjólfsdóttir, Eva María
Þrastardóttir, Stefán Þór Eysteinsson, Hrafn Þ. Þórisson og Þorgerður Katrín
Gunnarsdóttir menntamálaráðherra, sem afhenti verðlaunin.