Skólavarðan - 01.12.2005, Blaðsíða 33
ósk að börnum þeirra séu búin úrræði
í almennum skólum. Málfl utningur
yfi rmanna menntamála sem fjalla oft og
tíðum fjálglega um skóla án aðgreiningar
skapar að vissu leyti þrýsting á foreldra
barna með þroskahömlun að berjast fyrir
úrræðum í almennum skólum og sumir
sem velja sérskólann fi nna jafnvel þörf á
að afsaka sig.
Jafnframt er stór hópur foreldra mjög
ánægður með sérskólann. Sá hópur er
mun lágværari, enda eru þar margir undir
gríðarlegu álagi vegna sérþarfa hins
fatlaða barns.
Það væri mjög fróðlegt að kanna
nánar vilja og viðhorf foreldra barna
með þroskahömlun til mismunandi
skólaúrræða.
Hvaða skoðun hefur fólk með
þroskahömlun?
Þegar við sem fullorðið fólk veljum
okkur annað fólk til að eiga samskipti við
leitum við oftast að þeim sem við eigum
samleið með, líkur sækir líkan heim.
Hvar sem komið er halla menn sér að
fólki með svipuð áhugamál og svipaðan
grunn. Íslendingar erlendis eru naskir á að
fi nna hver annan og fl estum fi nnst gott
að spjalla við einhvern sem skilur af eigin
reynslu hvað verið er að fást við.
Fólk með þroskahömlun leitar á sama hátt
hvert til annars. Oft myndast innan þessa
hóps innileg vináttusambönd og margir
nemendur úr Öskjuhlíðarskóla fylgjast
síðan að sem félagar í framhaldsnámi,
tómstundum, vinnustöðum og búsetu.
Fátt er mikilvægara á fullorðinsárunum
en að eiga góðan félagahóp og sterka
sjálfsmynd.
Það er nauðsynlegt að kanna betur
þennan hóp og fi nna út hvers þeir sjálfi r
óska.
Í lokin
• Margt er fl óknara en menn halda og
þess vegna er svo mikilvægt að til séu
fjölbreyttir valkostir og að þeir njóti
sömu virðingar.
• Ég tel ekki að Reykjavíkurborg verði
ríkari af að leggja niður sérskólana
eða draga úr þeim vaxtarkraftinn með
því að skilja aðeins eftir allra slakasta
nemendahópinn og sjúklingana.
• Þroskaheftir nemendur kosta samfélagið
mikið hvar sem þeir vistast og
sérþarfi rnar strokast ekki út við það að
vera í almennum skóla.
• Ef stefnan er að kenna sem fl estum
innan ramma hins almenna skóla þarf
að horfast í augu við þann kostnað sem
því fylgir bæði varðandi mönnun og
endurmenntun, ráðgjöf og stuðning við
þá kennara sem að kennslunni starfa.
• Kennarar eru raunsæir á eigið starf
og þær varnaðarraddir sem heyrast
frá kennurum um innleiðingu
skólastefnunnar skóli án aðgreiningar
eru mikilvægar og á að taka alvarlega.
Það þarf að standa vel að málum og
byggja upp það sem til þarf, úrræði,
fagþekkingu, mönnun og ráðgjöf. Vilji
foreldra, nemenda og kennara hlýtur
að fara saman. Fólk á að geta valið um
mismunandi kosti, allir valkostir eiga að
njóta sömu virðingar og allt sem gert er
á að gera vel.
Góða skólastefnu þarf að útfæra og
aðlaga dagsins önn, köstum ekki barninu
út með baðvatninu.
Kristín Arnardóttir
Höfundur er deildarstjóri í Öskjuhlíðarskóla,
sérkennari að mennt og hefur starfað um árabil í
sérskóla en einnig í almennum skólum.
Verðlaunahafar í myndagátusamkeppninni fá hver um sig
senda eina þessara bóka fyrir jól. Einnig fylgir aukaglaðningur.
Myndagátan er á bls. 30 í blaðinu og brettið nú upp ermar! Í fyrstu
verðlaun er Goðheimar bernskunnar, Reykjavíkurþríleikur Einars
Más Guðmundssonar sem nú er loksins kominn út á einni bók. Þá
er skemmtilegt að geta þess að ein bókanna sem við verðlaunuðum
með síðast er Í Guðrúnarhúsi þar sem fræðimenn fjalla um
sagnaheim Guðrúnar Helgadóttur, okkar nýbakaða handhafa
verðlauna Jónasar Hallgrímssonar sem veitt foru á Degi íslenskrar
tungu 16. nóv. sl.
GÁTAN ER Á BLS. 30
Deyjandi börn
• Þriðju hverja sekúndu deyr barn vegna
örbirgðar. Kíkið á heimasíðu tyrkneska
tónlistarmannsins Ekin Caglar www.
ekincaglar.com/coin/index.html og stutt
myndskeið sem hann hefur sett saman á
www.ekincaglar.com/coin/fl ash.html
‹ Því miður kemur upp fjöldi vefja þegar
leitað er undir ‹Hunger‹ á Netinu. Til að
mynda þessi sem fjallar um baráttuaðferð
gegn hungri sem gæti gengið ef nógu
margir taka þátt. The Hunger Project
www.thp.org/
• Og munið eftir Barnahjálp SÞ www.
unicef.org/ þar sem fréttir af börnum
heims er að fi nna.
SMIÐSHÖGGIÐ
34