Skólavarðan - 01.02.2006, Qupperneq 28

28
NÁMSEFNI, FRÉTTIR
SKÓLAVARÐAN 1.TBL. 6. ÁRG. 2006
markmið, kennsluaðferðir, framsetningu
efnis, öflun gagna, reikning, námsmat
og að lokum er bent á gagnlega vefi.
Þessi hluti er gagnlegur fyrir kennarann.
Síðari hluti er leiðbeiningar um úrlausnir
verkefna.
Kennsla
Einn meginkostur Auraráða er að hægt
er að nýta efnið í mörgum námsgreinun.
Með því að skoða málfar bókarinnar gefst
kennurum tækifæri til að þjálfa nemendur
í mismunandi textalæsi og þeirri orðræðu
sem notuð er almennt í þjóðfélaginu. Að
sama skapi geta nemendur velt því fyrir
sér hvort orðræðan sé fremur karllæg
en kvenlæg og þannig nýtt efnið í
heildstæðri móðurmálskennslu. Tenging
við þjóðfélagsfræði og um leið lífsleikni
er augljós því bókin undirbýr nemendur
undir virka þátttöku í lífi og starfi. Hún
ætti að geta stuðlað að skynsamlegum
fjárhagsáætlunum og fjárfestingum og
bætt þannig þjóðfélagið hvað neyslu-
munstur varðar. Í gegnum sömu þætti
má tengja heimilisfræði. Auraráð er sett
upp sem hálfgert stærðfræðiefni þar
sem nemandi þarf að beita aðferðum
stærðfræðinnar til að leysa flest verkefni
bókarinnar. Sem stærðfræðiefni leitast
bókin við að skapa tengsl við raunveru-
leika nemenda með dæmum af ungu
fólki. Í ljósi þess að ekki er hægt að leysa
verkefnin með góðu móti án þess að vera
veftengd hentar efnið vel í tölvu- og
upplýsingatækni. Þar þjálfast nemendur í
að leita á vef og hægt er að vinna með
mat á vefsíðum svo að eitthvað sé nefnt.
Vangaveltur
Hugmyndin að baki bókarinnar er frábær
og það vantaði efni sem tæki á þessum
þáttum í lífi ungmenna. Verkefnin eru
mjög góð en það má velta því upp hvort
ekki hefði verið æskilegt að hafa efnið á
vefnum. Þannig gætu nemendur safnað
sér í verkefnamöppur og kennarar í þeim
mörgu fögum sem efnið tengist hjálpað
við verkefnaúrvinnslu. Þannig myndi
myndast breiðari þverfaglegur grunnur
að efninu því nálgun í gegnum fögin er
ákaflega mismunandi. Með því að hafa
efnið á netinu gæti kennari aðlagað útlit
hvers verkefnis sínum þörfum eða bætt
inn myndum, breytt letri eða öðru því sem
hann teldi að myndi nýtast nemendum
sínum best.
Tengsl við vefsíður
Höfundur hefur lagt vinnu í að finna
vandaðar vefsíður. Það eykur enn á gæði
efnisins og er um leið góð tenging við
raunveruleikann og notkunarmöguleika
netsins í daglegu lífi. Vefir taka stöðugum
breytingum, nýir bætast við og breytast,
aðrir detta út. Til viðbótar við þær síður
sem bent er á í bókinni bættu undirritaðar
við vefsíðum sem gætu nýst vel með
bókinni og útskýra um leið notkunar-
möguleika þeirra. Þær slóðir er að finna
í heildarskjalinu. Sumar þessara síðna eru
frá einkaaðilum í samkeppni og því ekki
við hæfi að Námsgagnstofnun bendi á þá.
Höfundar eru kennarar og nemendur í
framhaldsnámi við KHÍ
Skólavarðan hefur tekið upp samstarf
við Kennaraháskóla Íslands um birtingu á
ritdómum um námsefni sem unnir eru af
framhaldsnemum við skólann.
Heimildaskrá
Aðalnámskrá grunnskóla –1999. Reykjavík,
menntamálaráðuneytið. (heimilisfræði, móðurmál,
lífsleikni, tölvu- og upplýsingatækni, stærðfræði,
þjóðfélagsfræði).
Auður Pálsdóttir 2005. Auraráð.
Námsgagnastofnun, Reykjavík.
Egil Børre Johnsen m.fl. 1999. Lærebokkunnskap.
Bls. 43–48, 137–145.
Kennsluleiðbeiningar á vef, 2005. http://www.
nams.is/aurarad/aurarad_klb.pdf
Ingvar Sigurgeirsson. 1999. Gátlistar til að nota við
greiningu og mat á útgefnu námsefni. http://www.
khi.is/sidur/framhaldsdeild/namskraehi/namsefni/
gatlisti0.htm
Félag grunnskólakennara sendi þann 18.
janúar sl. frá sér yfirlýsingu þess efnis
að stjórn og samninganefnd félagsins
fallist fyrir sitt leyti á samkomulag
Norðlingaskóla og Reykjavíkurborgar
með tilteknum breytingum. Í því felst að
inn í samkomulagið komi ákvæði um að
vinnutímaákvæði kjarasammnings KÍ og
Launanefndar sveitarfélaga verði virt.
Yfirlýsingin var svohljóðandi:
Stjórn og samninganefnd Félags
grunnskólakennara bendir á að félagið
hafnaði ekki samkomulagi Norðlingaskóla
við Reykjavíkurborg, heldur treysti sér
ekki til að samþykkja það óbreytt. Hafa
ber í huga að samkomulagið er lagt fram
til samstarfsnefndar KÍ og Launanefndar
sveitarfélaga til samþykktar eða synjunar.
Félag grunnskólakennara var ekki
aðili að þessu samkomulagi. Stjórn og
samninganefnd Félags grunnskólakennara
samþykkir fyrir sitt leyti samkomulag
Norðlingaskóla og Reykjavíkurborgar með
eftirfarandi breytingum:
Inn í samkomulag komi ákvæði þess
Á fjölmennu stofnþingi Samtaka áhuga-
fólks um skólaþróun, sem haldið var þann
18. nóvember sl., sagði Ingvar Sigurgeirsson
meðal annars í setningarávarpi:
„Hvers vegna þessi samtök um
skólaþróun? Til þess liggja auðvitað
fjölmargar ástæður.
Í samtökum áhugafólks um skólaþróun,
eða hvaða heiti sem samtökunum verða
valin, verður áreiðanlega fólk með ólík
viðhorf. Það verða samt ákveðin gildi og
sjónarmið sem munu sameina okkur. Við
viljum öll efla framsækið þróunarstarf.
Samtökin ætla sér að verða umræðu- og
samstarfsvettvangur allra þeirra sem
áhuga hafa á markvissri þróun skólastarfs,
skólaumbótum og skólarannsóknum.
Við viljum læra hvert af öðru og við
viljum miðla öðrum af því sem við höfum
verið að gera. Við höfum lifandi áhuga á
því sem aðrir eru að gera. Við viljum gera
skólastarfið sýnilegra. Við höfum ekkert
að fela – en svo ótal margt sem við getum
miðlað og verið stolt af.
efnis að vinnutímaákvæði kjarasamnings
KÍ og LN verði virt.
Heimilt verði að semja við einstaka
starfsmenn um rýmkun á dagvinnutímabili
og um ákveðið frjálsræði um hvenær
vinnuskyldu er gegnt (sbr. skiptingu vikulegs
vinnutíma, bókun nr. 9 frá janúar 2001).
Það er mat stjórnar og samninganefndar
að þessi breyting rúmist hvort heldur sem
er innan greinar 2.1.2. í kjarasamningi
aðila eða innan bókunar 5. Stjórn og
samninganefnd hvetur aðila til að setjast
niður, fara yfir málið og ná samkomulagi.
Samtök áhugafólks um skólaþróun
eiga ekki að verða trúarhreyfing. Innan
samtakanna munu ekki fást nein lokasvör
við spurningum um gæði í skólastarfi
– eða leiðsögn um allsherjarlausnir
– en við viljum vinna saman að leitinni að
stöðugt betri skólum. Við trúum því að í
skólastarfi sé stöðugt hægt að gera betur.
Allsherjarlausnin er e.t.v. fólgin í hinni
stöðugu leit þar sem gagnrýnin hugsun er
höfð að leiðarljósi, sem og stöðug ígrundun
og einbeittur áhugi á að búa börnum og
unglingum og raunar nemendum á öllum
aldri – þá bestu menntun sem völ er á
hverju sinni.“
Framsækið þróunarstarf
FG fellst á samkomulagið með tilteknum breytingum
STOFNÞING SÁS
SENDA FRÁ SÉR YFIRLÝSINGU