Skólavarðan - 01.08.2007, Blaðsíða 20

20
NÁMSGÖGN
SKÓLAVARÐAN 5.TBL. 7. ÁRG. 2007
„Við fengum strax þessa sterku
framtíðarsýn og því bara gerðum
við þetta,“ segja þær Anna Guðrún
Júlíusdóttir og Sigríður Ólafsdóttir
höfundar Námsgagnavefsins Kötlu.
Aðalnámsefnið á vefnum er „Ég vil
læra íslensku“ en það er ætlað ungum
byrjendum í íslenskunámi sem eru
nýfluttir til landsins. Gagnvirkur hluti
vefsins er ókeypis og öllum aðgengilegur
í heilt ár. Slóðin er netskoli.is/Katla
Óhætt er að mæla með Kötlu, vefurinn
og námsefnið hafa verið í þróun í fjögur
ár og unnin af miklum hugsjónamóði,
yfirgripsmikilli þekkingu og reynslu
tungumálakennaranna tveggja, sem
báðar hafa stýrt móttökudeild í grunn-
skóla.
Skólar geta keypt áskrift að námsvefnum
í heild á kr. 60 þúsund fyrir tíu nemendur
og fleiri og hlutfallslega minna fyrir færri
nemendur, einnig geta fámennir skólar
samið sérstaklega. Gagnvirka námsefnið er
e.k. beinagrind eða útdráttur sem unninn
út frá því námsefninu á Kötluvefnum og
höfundar leggja eindregið til að skólar fái
aðgang að vefnum í heild sinni.
Katla er ekki einvörðungu námsgagna-
vefur heldur er þar að finna fjölbreytt
úrval greina og annars fróðleiks um
tungumálakennslu auk verkefna, tengla
í orðalista og þýðingarvélar og fjölda
upplýsinga um hvernig hægt er að tengja
námið öðrum fögum, dægurmálum og
fleiru. Á vefnum er fjölbreytt efni sem
tengist ungum innflytjendum á Íslandi.
Grunnnámsefnið á vefnum fyrir byrjendur
er „Ég vil læra íslensku“ sem samanstendur
af 15 þemaheftum með um 1000 orðum
og þjálfunaræfingum á gagnvirku formi
úr orðaforða þemaheftanna.
Ísland er örþjóð og aðferðir
markast af aðstæðum
„Ýmsar aðferðir og leiðir hafa verið
nefndar til sögunnar sem hinar bestu til að
kenna erlendum grunnskólanemendum á
Íslandi,“ segir á vefnum. „Aðferðir hafa
verið sóttar til útlanda. Ísland er hinsvegar
örþjóð og það er mikilvægt fyrir okkur
Íslendinga að viðurkenna sérstöðu okkar
sem smáþjóðar og líta um leið gagnrýnum
augum á það sem okkur er sagt að sé
besta leiðin. Aðferðir hljóta að markast
af aðstæðum og menningu á hverjum
stað í hverju landi og hérlendis ekki síst af
sérstöðu íslensks beygingarkerfis.
Dr. Hilda Hernandez, sérfræðingur
í kennslu annars tungumáls, segir að
innflytjendur séu nemendur á jaðri
skólakerfisins og að leita þurfi metnaðar-
fullra og framsækinna leiða til að
kenna þeim. Til þess að finna góðar
kennsluaðferðir sem duga fyrir nemendur
í tiltekinni kennslustofu verða kennarar
að nota aðferðir á gagnrýninn hátt. Þótt
rannsóknir gefi til kynna hvaða aðferðir
séu árangursríkar segja þær ekki alltaf til
um hvað gagnast hverjum, hvenær og við
hvaða aðstæður. Við eigum að geta valið
úr fjölda aðferða með gagnrýnum hætti
og þurfum að vera óþreytandi að leita
metnaðarfullra leiða.“
KATLA ER VEFUR MEÐ FRÆÐSLU - OG
KENNSLUEFNI BYGGT Á ÞEKKINGU,
REYNSLU OG RANNSÓKNUM
Samstarf við Netskólann og
Íslenskuskólann.is
Námsefnið á Kötlu er annars vegar á
pdf formi til útprentunar og hins vegar
gagnvirkt til frekari þjálfunar. Allt efni á
vefnum er unnið af þeim Önnu Guðrúnu
og Sigríði.
Námið á gagnvirka vefnum er
hlítarnám, þ.e. nemandi þarf að hafa náð
lágmarksárangri til að færa sig yfir í næsta
þema. Kerfið er árangursmiðað þannig
að nemendur frá umbun fyrir árangur.
Kennarar geta fylgst með námi nemenda
sinna í kerfinu og nemendur geta farið
á sínum hraða yfir námsefnið. Orðin sem
birtast á gagnvirka vefnum hafa alltaf mynd
með sér og einnig enska þýðingu orðsins,
Námsgagnavefurinn Katla:
Ég vil læra íslensku
Anna Guðrún Júlíusdóttir og Sigríður Ólafsdóttir