Skólavarðan - 01.10.2001, Qupperneq 12

Forgangsverkefni
Á haustönn 2000 var haldið tveggja daga
námskeið fyrir kennara. Þar voru kynntar
ýmsar aðferðir í kennslu sem falla undir
samvinnunám. Kennarar gerðu kennslu-
áætlanir þar sem áhersla var lögð á sam-
vinnunám, bæði í námslegum og félagsleg-
um þáttum. Í samvinnunámi gilda vissar
reglur sem nemendur læra að tileinka sér
og vinna eftir. Mikilvægt er að þeir séu
virkir í starfi, hjálpi hver öðrum og læri að
vinna í pörum eða hópum. Þeir eru hvattir
til að sýna hver öðrum virðingu og kurteisi.
Kennarar í sama árgangi hittu ráðgjafana
reglulega og fengu stuðning og endurgjöf.
Í fyrstu var framvindan hæg eins og búast
mátti við. Sérgreinakennarar áttu erfiðara
með að fóta sig í upphafi en náðu sér vel á
strik.
Sýn skólans og skólanámskrárgerð
Samhliða þessari vinnu var haldið áfram
að vinna að skólanámskrá skólans. Verð-
mætasta vinnan lá í að móta sýn hans.
Skólanámskráin á að byggja á sýn sem allir
hafa að leiðarljósi í skólastarfinu. Hún á að
vera nokkurs konar rauður þráður sem
bindur skólanámskrána saman.
Í Hofsstaðaskóla viljum við hafa hlýlegt
umhverfi og glaðlegt viðmót. Við virðum
rétt allra til að tjá skoðanir sínar og viljum
að þær séu virtar. Við stuðlum að því að
nemendur læri að vinna á sjálfstæðan og
gagnrýninn hátt í síbreytilegu þjóðfélagi.
Við berum ábyrgð, höfum trú hvert á öðru
og því sem við gerum.
Á myndinni má sjá gildin fimm: Virðing,
vellíðan, viska, vinnusemi og verkmennt.
Unnið var út frá þessum gildum, þ.e. að
setja markmið og finna leiðir.
Hver er árangurinn?
Árangur AGNs verður ekki að fullu met-
inn við lok þessa tveggja ára verkefnis.
Enda mun starfsfólk vinna áfram úr þeim
fróðleik sem miðlað hefur verið. Á þessum
tveimur árum hafa þeir öðlast reynslu sem
á eftir að skila sér í markvissari vinnu-
brögðum og hæfara starfsfólki. Árangurinn
hefur m.a. komið fram í aukinni faglegri
umræðu. Kennarar líta frekar á sig sem sér-
fræðinga nú en við upphaf verkefnisins.
Þeir hafa fengið tækifæri til að kynnast
hver öðrum á annan hátt og hafa tekist á
við nýja kennsluaðferð. Stórum áfanga var
náð þegar sýn skólans var lögð fram og
samþykkt. Allir kennarar komu að þeirri
vinnu. Það að allir eigi hlutdeild í verkinu
eflir samvirkni og ýtir undir að allir stefni
að sama marki.
Þróunarstarf kostar töluverða vinnu en
almennt voru kennarar sáttir við AGN og
telja að það hafi haft jákvæð áhrif á störf
þeirra. Nemendur virtust einnig almennt
vera ánægðir með að meiri áhersla var lögð
á samvinnunám. Þeim fannst skemmtilegt
að fá tækifæri til að vinna með öðrum og
telja sig geta lært mikið af því.
Framtíðarsýn
Þróunarstarf er viðvarandi þáttur í starfi
allra stofnana í nútímasamfélagi. AGN-
vinnan var upphaf að löngu þroskaferli og
vonandi eiga þær vinnuaðferðir, sem við
höfum lært, eftir að festast í sessi og nýtast
vel hér eftir sem hingað til.
Elísabet Benónýsdóttir
Guðrún Pálsdóttir
Þróunarstarf í Hofsstaðaskóla
13