Ljóðormur - 01.03.1987, Page 29

3
Þér finnst einsog hamingjan hafi snúið við þér bakinu og
lyfti nú pilsi sínu nokkur ár uppávið
tveir hrímhvítir skurðhnífar
gamna sér með sjáaldur þitt
rista skurnina af fjöreggjunum
svo feimin augun beinast loklaus
að gjammandi hjörð af stigum
og hengingarólum sem þarna eiga sér
stað.
4
Konan grætur hljóðlega skúringarvatni
í fötuna sem þú hefur tæmt í þig þriðja
áratug til vinstri hafði hún hvíslað
um leið og hún rauf...málaðu ekki
skrattann þinn á veggina hér það er
tuttugu og sjö ára beinagrind inni í þér
sem vill verða eldri.
V
5
Rauðu taumarnir úr munnvikum hennar
eru skilaboð frá leynilögreglu
hugans hún grætur enn peningurinn
útúr henni blóðugur
í lófa þínum síðan í munni þínum
svo þú getir synt ótrauður
að meðvitundarlausum skrokknum í svefnrofunum
ertu næstum búinn að muna hvar
þú hefur séð þessa konu áður.
LJOÐORMUR
27