Víkurfréttir - 20.11.1980, Blaðsíða 4

4 Fimmtudagur 20. nóvember 1980
VÍKUR-fréttir
Aöalfundur Sorpeyðingarstöövar Suðurnesja:
Niðurstöðutölur efnahags-
reiknings kr. 1.130.418.246
Sorpeyðingarstöö Suöurnesja
Aöalfundur Sorpeyðingar-
stöövar Suðurnesja var haldinn i
Sjálfstæðishúsinu í Njarðvík,
13.okt. s.l.
Steinþór Júlíusson, formaður,
flutti mjög greinargóða skýrslu
um liðið starfsár. Skýrði hann frá
rekstri stöðvarinnar, þeim
skemmdum, sem urðu á stöðinni
vegna sprengingar og þeim úr-
bótum, sem unniö er að. Einnig
um tilraunasorphirðu og
framtíðarskipulag hennar.
Haraldur Gíslason, fram-
kvæmdastjóri lagði fram og
skýrði reikningana, sem undirrit-
aðir eru af löggiltum og kjörnum
endurskoðendum.Niðurstöðu-
V.S.F.K.
tölur efnahagsreiknings eru kr.
1.130.418.246,-
Reksturreikningur liggur ekki
fyrir, þar sem formlegur rekstur
stöðvarinnar hófst ekki fyrr en á
árinu 1980. Jafnframt lagði
framkvæmdastjóri fram fjárhags
áætlun fyrir árið 1981. Áætlaður
fjármagnskostnaöur er kr.
169.000.000, reksturskostnaður
stöðvarinnar kr.162.226.250., þar
af hlutur sveitarfélaganna kr.
69.810.000- og kostnaður við
sorphirðu kr.187.800.000.-. Har-
aldur tók fram að áætlunin fæli í
sér mikla óvissuþætti og þyrfti að
endurskoða þegar spá þjóð-
hagsstofnunar lægi fyrir og áður
V.K.F.K.N.
en sveitarfélögin gerðu fjárhags-
áætlanir sínar fyrir árið 1981.
Haraldur gerði grein fyrir rek-
stri stöövarinnar á þessu ári, og
kvað stöðuna hafa verið góða
fram til 30. júní, þegar stöðin
stöðvaðist og varnarliðið
stöðvaði greiðslur fyrir
brennslu. Hafði Haraldur þó
vonir um að úr rætist á næstunni
og greiöslur fáist frá varnarlið-
inu fyrir þann tíma, sem stöðin
var ekki í rekstri.
Þá urðu umræður um skýrslu
stjórnar og reikninga. Tómas
Tómasson spurði um skuldir
fyrirtækisins í dag, fjármagns-
kostnað 1981 o.fl. Ólafur
Björnsson spurði um járna-
pressu og vakti máls á leiöbein-
ingum um móttöku á sorpi og
spurði um hvort annað væri at-
hugavert við stöðina en
sprengingin og afleiðingar
hennar. Albert K. Sanders sagði
að einangrunarsteinninn, sem
var í ofninum hefði ekki staðist
fullkomlega þær kröfur, sem
gert var ráö fyrir í kaupsamningi,
en nýi steinninn hefði meira hita-
þol. Einnig ræddi Albert um mót-
töku á brotajárni og hugsanleg
kaup á brotajárnspressu. Albert
ræddi einnig um sorphiröuna og
lýsti ánægju sinni með
framkvæmd hennar að undan-
förnu.
Karl Sigurbergsson spurði
hvort járnapressa mundi kalla á
aukið starfslið. Gunnar Jónsson
spurði um starfsliðviðnúverandi
brennslu og ræddi einnig um
járnapressu, áætlun um
rafmagnskostnaö o.fl. Haraldur
Gíslason sagði að skuldir fyrir-
tækisins hefðu lækkað um
innborgun varnarliðsins inn á
stofnkostnað 1.305.000. dollara
á gengi 446.-, sem er 90% af
heildarframlagi varnarliðsins, en
síðustu 10% verða væntanlega
greidd á þessu ári.
Haraldur sagði að S.S. hefði
boðist nú pressa á u.þ.b. 150 milj.
sem þyrfti 2ja manna starfslið.
Varnarliöið og sölunefndin
mundu ef til kæmi borga tvo
þriðju hluta stofnkostnaöar.
Haraldur sagði einnig að bilanir
á mótorum o.fl. hefðu komið
upp, en verið bættar, þar sem
stöðin er í ábyrgð.
Borin upp skýrsla stjórnar,
reikningar ársins 1979 og fjár-
hagsáætlun 1981 og samþykkt
samhljóða.
Tilnefning i stjórn fyrir næsta
starfsár:
Grindavík: Eiríkur Alexanders.
aöalfulltrúi.
Jón Hólmgeirsson varafulltrúi.
Hafnahreppur: Þórarinn Sig-
urðsson aðalfulltrúi.
Jón Borgarsson varafulltrúi.
Miðneshreppur: Jón Norð-
fjörð aöalfulltrúi.
Jón K. Ólafsson varafulltrúi.
Vatnsleysustrandarhreppur:
Gunnar Jónsson aðalfulltrúi.
Hreinn Ásgrímsson varafulltr.
Njarðvík: Magnús Guömanns.
aöalfulltrúi.
Albert K. Sanders varafulltrúi.
Keflavík: Ellert Eiríksson aðal-
fulltrúi.
Birgir Guðnason varafulltrúi.
Kosning tveggja endurskoð-
enda og eins til vara.
Endurskoðendur: Svavar
Arnason, Grindavík.
Magnús Ágústson, Vatnsl.sthr.
Varaend u rsk oða n di: Gylfi
Gunnlaugsson, Miðneshreppi.
Verkafólk
Keflavík og nágrenni
Vegna 34. þings Alþýðusambands íslands, sem
fram fer í Reykjavík 24. til 28. nóvember n.k., verða
skrifstofur félaganna aðeins opnar frá kl. 16-18
næstu viku.
Verkalýðs- og sjómannafélag
Keflavíkur og nágrennis
Verkakvennafélag
Keflavíkur og Njarðvikur
KEFLAVÍK
Gjaldendur
útsvara og
aðstöðugjalda
1. des. n.k. er fimmti og síðasti gjalddagi
útsvara og aðstöðugjalda eftir álagningu.
Vinsamlegast gerið skil og forðist með því
dráttarvexti og önnur óþægindi sem af van-
skilum leiðir.
Innheimtustjóri