Fréttabréf - 01.07.1995, Blaðsíða 2
Samráðsfundur í Súdan
Þrátt fyrir umrædda deyfð hefur þó eitt og annað átt sér stað. Samráð
kom saman síðustu helgina í ágúst Fundurinn var haldinn í Súdan sem
er sumarbústaður í Grímsnesinu. Þar var margt rætt og ýmislegt
ákveðið. Ákvarðanir fundarins og ályktanir birtast hér í fréttabréfinu.
Vera í kröggum
Á samráðsfundinum var m.a. ákveðið að veita Veru styrk til að fara út í
áskrifendasöfnunarátak og voru allar á einu máli um mikilvægi þess að
halda Veru gangandi. Vera er gott blað og eina almennilega kvenna-
blaðiö sem gefið er út hér á landi. Það er reyndar athyglisvert að ekki
eru nærri því allar Kvennalistakonur áskrifendur að Veru og ættu þær
sem ekki eru þar á skrá að spara Veru ómakið við að hringja og hafa
samband hið snarasta. Það er okkar allra hagur. Síminn er 552 2188.
Kostnaðurinn er ekki mikill, aðeins 3.200 kr. á ári. Ef greitt er með
greiðslukorti kostar áskriftin 3.000 kr. á ári og er greitt í tvennu lagi.
Komnar á netið
Kvennalistinn er kominn með aðgang að Intemetinu og næsta skref
verður að búa til heimasíðu með upplýsingum um sögu samtakanna og
starfsemi, pólitískar áherslur og annað sem fólk hefur gott af að læra
um. Netið er líka góður samskiptamiðill, að ekki sé nú minnst á hvað
það getur komið sér vel fyrir fréttabréfið ef pistlamir koma þá leiðina.
Netfangið er aslaug@centrum.is eða kvennalistinn@centrum.is
Starfskona þingflokks
Samráð tók ákvörðun um að ráða starfskonu til þingfiokksins. Þó fjár-
hagurinn sé ekki eins og best verður á kosið dugir ekki að spara sig í
hel. Lítill þingflokkur þarf ekki síður á starfskonu að halda en stór.
Um er að ræða 50-60% starf, a.m.k. til að byrja með. Starfið er
fjölbreytt og felst m.a. í því að afia upplýsinga og hafa reiður á
skjölum og gögnum, skipuleggja fundi og viðtöl, skrifa fundar-
gerðir og vera tengill þingfiokksins við aðrar kvennalistakonur,
fjölmiðla og almenning. Viðkomandi þarf að hafa gott vald á
fleiri tunguraálum en íslensku og geta hafið störf sem fyrst.
Umsóknir sendist þingflokki Kvennalistans, Austurstræti 14,
150 Reykjavík, fyrir 25. september.
2