Fréttabréf - 01.12.1996, Qupperneq 1

Ái. Styrin Éría Épfattóttir
Mtp. fcrtmtisti<rt A*sturstr&ti 16
SÍKt':5513725, (u: 5527560
Þá er landsfundur afstaðinn. Hann fór að flestra mati vel fram og góður andi
sveif yfir vötnum í Viðeyjarstofu. Föstudaginn 1. nóvember var haldinn
opinn fundur í Norræna húsinu þar sem rætt var um ímynd kvenna í fjöl-
miðlum, kvikmyndum og auglýsingum. Þetta var ágætur fundur og urðu
heilmiklar umræður þar sem fundargestir tóku þátt í umræðum ásamt fólki í
pallborði. Á landsfundinum sjálfum var dagskráin þéttskipuð. Flutt voru
erindi um fæðingarorlof, skólamál, jafnréttisáætlanir og stöður
jafnréttisfulltrúa. Góðar umræður sköpuðust og eftir að hópastarfi lauk var
samþykkt yfirlýsing landsfundar, almenn ályktun auk ályktana um
fæðingarorlof og menntamál. Á laugardagskvöldinu var snæddur hinn
ljúffengasti kvöldverður í Viðey. Guðrún Agnarsdóttir stjómaði skemm-
tuninni af myndugleik og konur áttu góða spretti í pontu með ýmsa tví- og
þríræða brandara og létu sig ekki muna um að botna vísuparta eins og
reyndustu hagyrðingar. Það var með herkjum að starfskonum tókst að reka
þessar glöðu konur í bátinn þegar nálgast tók miðnætti (þær fengu þó þakkir
fyrir daginn eftir). Framundan er sameiginlegur félagsfundur Reykjavíkur-
og Reykjanesanga. Kvennalistinn í Reykjavík heldur áfram með sín
laugardagsköff og þriðjudagsspjöll. Þessir fundir eru auglýstir í
dagblöðunum, skjáauglýsingum og fyrir hádegis- eða kvöldfréttir í
Ríkisútvarpinu. Konur eru hvattar til að fylgjast vel með því sem er að gerast
í Austurstrætinu og einnig að hafa samband á skrifstofuna ef þær hafa
hugmyndir að umræðuefni fyrir fundina. Einnig má minna á að allt efni í
fréttabréfið er vel þegið. Hægt er að senda inn efni í gegnum fax: 552 7560
eða í gegnum tölvupóst: kvennalistinn@centrum.is.