Víkurfréttir - 08.06.1989, Blaðsíða 12

\)imn
12 Fimmtudagur 8. júní 1989

UTBOÐ
Hitaveita Suðurnesja óskar eftir tilboðum í
36 kv jarðstrengjalögn frá Svartsengi að að-
veitustöð við Grindavík.
Verkið felst í skurðgreftri, söndun, útlögn
strengja og fyllingum, skurðlengd um 3400
m og einnig skal taka upp um 2300 m af 6
kv streng sem fyrir er í skurðstæðinu. Verk-
inu skal að fullu lokið eigi síðar en 30. sept-
ember 1989.
Útboðsgögn verða afhent á skrifstofu Hita-
veitu Suðurnesja í Njarðvík og á Verkfræði-
stofu Suðurnesja, Hafnargötu 58, Keflavík,
gegn 5.000 kr. skilatryggingu frá og með
föstudeginum 9. júní 1989.
Tilboð verða opnuð á skrifstofu Hitaveit-
unnar föstudaginn 16. júní 1989 kl. 13.30.
HITAVEITA SUÐURNESJA
ÍSLENSKUR MARKAÐUR:
Leigði út hættu-
legt h úsn iæði
- á sama tíma og
fyrirtækið stóð í
skaðabótamáli við
fyrri eiganda
vegna ónýti þess
f
Trimm fyrir
almenning
íþróttaráð Keflavíkur gengst fyrir trimmnámskeiði fyrir al-
menning í sumar á íþróttasvæðinu í Keflavík á þriðjudögum
og fímmtudögum frá kl. 17 til 20. Iþróttakennarar leiðbeina
fólki. Búningsaðstaða og böð í Iþróttahúsinu við Sunnubraut.
Öllum heimil þátttaka. Ekkert þátttökugjald.
KEFLVÍKINGAR - FJÖLMENNIÐ!
ÍÞRÓTTARÁÐ
r
Iþróttadagurinn
Á íþróttadeginum, laugardaginn 10. júní, eru
íþróttamannvirki Keflavíkurbæjar opin fyrir
almenning allan daginn. Bæjarbúar eru hvatt-
ir til að fara í sund, koma upp í íþróttahús eða
hlaupa á íþróttavellinum.
ÓKEYPIS AÐGANGUR.
ÍÞRÓTTARÁÐ KEFLAVÍKUR
Fyrir nokkru síðan hóf
Plastgerð Suðurnesja tilraunir
með húðaða plasteinangrun
sem nota átti utanhúss. Til
þess þurfti hún húsnæði og
fékk leigt hjá íslenskum Mark-
aði, efri hæð og stigagang að
Bolafæti 13, Njarðvík.
Þegar við nánari athugun
kom í ljós að gólf efri hæðar
var eins og öldusjór og stein-
bitar, sem halda áttu loftplöt-
unni uppi, voru bognir eins og
skautar. Gerði ég strax at-
hugasemd við þetta til eiganda
og óskaði eftir áliti bygginga-
fulltrúa um nothæfni þess.
Mjög fljótlega hafði íslensk-
ur Markaður látið bygginga-
fulltrúann athuga þetta og
fékk skýrslu um ónýti þess.
En þeirri skýrslu var haldið
vandlega leyndri. Ef ég hefði
fengið þá skýrslu hefði ég forð-
að mínum mönnum út á
stundinni, því ekki má vinnu-
veitandi hafa menn í hættu-
legu húsnæði og tjón sem varð
af þessu orðið hverfandi.
Þar sem engin viðbrögð
höfðu borist frá húseiganda
var hafist handa um smíði
vinnslulínu uppi á loftinu, sem
var bæði dýrt og tók langan
tíma. Búið var að kaupa rúm-
lega þrjátíu tonn af hráefnum
sem nota átti til framleiðslunn-
ar og það varð að setja upp á
efri hæð.
Flutningur milli hæða fór
fram með lyftupalli, en hann
var svo lítill að það varð að
Hákon Kristinsson
stækka lyftuopið um einn og
hálfan fermetra, svo hægt væri
að koma hráefninu upp. Lét ég
síðan tvo menn í að sjá um
þessa framkvæmd, en þegar
þeir voru að marka fyrir opinu
kom í ljós að loftplatan, sem er
tuttugu sentimetra þykk, var
eins og frauður, því þeir tóku
stækkunina, sem er hálfur
annar fermetri á steinsteyptri
20 cm. plötu, með múrhamri
og trésög á hálfri klukku-
stund.
Þegar hér var komið sögu
voru menn ekki látnir vera í
þessu húsnæði. Hráefnið, sem
var rúm þrjátíu tonn, var
aldrei látið á loftið, því það
hefði getað valdið mannskaða.
Hef ég verið blekktur og orðið
fyrir milljóna tjóni.
Litlu síðar var mér sagt upp
húsnæðinu fyrirvaralaust, vél-
ar rifnar niður og fjarlægðar.
Síðan hefur það gerst að sex
stórir stálbitar hafa verið
látnir undir loftið svo það dytti
ekki niður. Neðri hæðin leigð
málurum en efri hæðina notar
íslenskur Markaður fyrir
pappakassa.
Vottorð frá byggingafull-
trúa er ekki birt hér en þess
óskað að íslenskur Markaður
birti það dagsett, svo sann-
leiksgildi þessara skrifa komi í
ljós.
Virðingarfyllst,
f.h. Plastgerðar Suðurnesja,
Hákon Kristinsson.
Bolafótur 13, Njarðvík. Húsnæði í eigu íslensks Markaðar og bréf-
ritari telur stórhættulegt. Ljósm.: epj.