Morgunblaðið - 12.04.2016, Page 18

18 | MORGUNBLAÐIÐ
Hin árlega bílasýning í New York er
nýlega afstaðin, fór fram í síðustu
viku marsmánaðar. Hún státar af því,
að meðal sýningargripa hafi nánast
allir bílar sem til sölu eru í Bandaríkj-
unum verið samankomnir undir einu
þaki í Jacob Javits-ráðstefnumiðstöð-
inni á Manhattan.
Sýningin var haldin árið 1900 í
fyrsta sinn og var það fyrsta bílasýn-
ingin sem haldin er í Bandaríkjunum.
Er hún í dag betur sótt af gestum en
nokkur önnur sýning vestanhafs. Ný-
ir bílar voru þar frumsýndir og einnig
nýir hugmyndabílar bæði banda-
rískra bílsmiða og evrópskra og as-
ískra. Þóttu margir þeirra vísa til
þess sem í vændum væri á næstu ár-
um í framleiðslu fjölskyldubíla.
„Kynæsandi plötumálmur“
Á sýningunni í ár þótti fást staðfest
að enn sé mikil eftirspurn eftir nýjum
bílum á stórsvæði New York. Reynd-
ar var að þessu sinni ekki eins mikið
um nýjungar og í fyrra – er Porsche,
McLaren, Jaguar, Cadillac og fleiri
frumsýndu nýja bíla. Nóg var þó af
bílum til að dást að. Þar var saman
komin blanda af lúxusbílum, kraft-
miklum köggum og hefðbundnum
fjölskyldubílum.
Kraftur, geta og leðurklæddur lúx-
us voru sterkustu einkenni sýning-
arinnar. Nýir lúxusbílar og afkasta-
miklir kaggar settu þar mikinn svip. Í
umsögn um sýninguna segir vikuritið
Fortune að í New York hafi verið til
sýnis mikið af kynæsandi plötumálmi.
Maserati sýndi þar nýja jeppann
Levante í fyrsta sinn á bandarískri
grund. Mercedes sýndi þrjú ný AMG-
módel sem hugsuð eru fyrir Banda-
ríkjamarkað; bílana C63 Cabriolet,
GLC43 og E43.
Hugmyndabílar og hasarkaggar
Nissan mætti til leiks með nýja út-
færslu af orkubúntinu GT-R með 565
hestafla vél undir húddinu. Subaru
stærði sig af nýrri Impreza, bæði sem
stallbak og hlaðbak. Hin nýja lúx-
usdeild Hyundai sýndi Genesis-
hugmyndabílinn, tvennra dyra coupe
og Infiniti mætti til leiks með QX70
Limited.
Bandarískir bílsmiðir tefldu fram
öflugu bílavali einnig. Chevrolet
kynnti til sögunnar 640 hestafla Cam-
aro ZL1, sem kitla mun marga. Buick
svipti hulunni af nýrri og uppfærðri
útgáfu af Encore. Jeep sýndi tvær
nokkurs konar lúxusútgáfur af Grand
Cherokee, gerðirnar Trailhawk
(meira fyrir akstur utan venjulegra
vega) og Summit, leðurklæddan lúx-
usbíl.
Áhugaverðasti bandaríski bíllinn
var þó nýr Lincoln Navigator-
hugmyndabíll sem sagður var það
undurfagur og töfrandi – og stór – að
hann yrði fullfær um að keppa við
Range Rover og aðra álíka lúxus-
jeppa um hylli kaupenda. Navigator
hefur lengi verið eitt af lykilmódelum
Lincoln og dregið að sér unga neyt-
endur og auðuga kaupendur.
agas@mbl.is
Alþjóðlega bílasýningin í New York nýafstaðin
Verkefnastjórinn Nobuhiro Yamamoto (t.v.), og forstjóri
Mazda í N-Ameríku, Masahiro Moro, taka við verðlaununum.
Trailhawk-útgáfan af Jeep Grand Cherokee er hér kynnt
með tilþrifum í Javits Center á bílasýningunni í New York.
Kraftur, geta og
leðurklæddur lúxus
AFP
2017-árgerðin af Chevrolet Camaro ZL1 sést hér í öllu sínu veldi en hann skartar V8-vél sem býr yfir afli upp á
640 hestöfl. Bíllinn er væntanlegur í almenna sölu í desember næstkomandi.
Bíll sem margir hugsa hlýtt til, Dodge Viper, minnti á sig í
New York en bíllinn fagnar 25 ára afmæli um þessar mundir.
Blaðamaður virðir hér fyrir sér felulitaðan Nissan GT-R
Nismo en bíllinn er búinn vél sem skilar 565 hestöflum.
Forstjóri Maserati, Harald Webster, stillir sér upp við
Levante, fyrsta jeppann sem fyrirtækið framleiðir.
Hugmyndabíllinn Toyota C-HR sést hér í New York og vakti
hann viðlíka athygli og hann gerði á sýningunni í Genf.
Bodil Eriksson, markaðsstjóri Volvo í Bandaríkjunum, ræðir
hér við blaðamenn um hinn nýja Volvo S90 sem verður
kynntur nánar á næstu mánuðum.
Forstjóri Ford Motors, Mark Fields, stillir sér kampakátur
upp í Lincoln Navigator en hugmyndabílnum er ætlað að
keppa við Range Rover innan nokkurra missera.
Nissan frumsýndi hinn nýja og volduga Titan-pallbíll í New
York. Tilkynnt var við sama tækifæri að bíllinn væri búinn
5,6-lítra V8 vél sem skilar honum 390 hestöflum.