Morgunblaðið - 12.04.2016, Page 19

MORGUNBLAÐIÐ | 19
Þróun rafbíla og alls sem þeim viðkemur hefur verið afar
hröð síðustu misserin, því mælir enginn mót. Á það við um
hönnun þeirra og smíði, aflrásir og rafgeyma. Fátt hefur þó
verið um að hægt hafi verið að hlaða rafbílana þráðlaust.
Nú hillir undir breytingar í þessu efni. Nissan hefur sýnt
lausn á rafmagns-flaggskipi sínu, Leaf, en hingað til hefur
hún þó ekki verið aðgengileg fyrir neytendur. Fram er komið
fyrirtæki í Bandaríkjunum að nafni Evatran sem býður upp á
búnað til þráðlausrar rafhleðslu rafbíla.
Sá hængur er hér á að það eru eingöngu tæknimenn Evatr-
an sem setja búnaðinn upp. Fyrir íslenskan rafbílseiganda
yrði því býsna kostnaðarsamt að óbreyttu að koma sér upp
þráðlausri hleðslu; kaupa búnað í bíl sinn og bílskúr og fljúga
með tæknimann til landsins og frá.
Líklegt að fleiri fylgi með
Með tilkomu Evatran þykir þó mega ætla nokkuð víst að
rafbílasmiðir eins og Nissan og Tesla taki sér tak og framleiði
og bjóði upp á eigin lausnir. Miklu varðar fyrir þá að bregðast
fljótt við ætli þeir sér ekki að verða undir í samkeppninni.
Að sögn bandarískra bílavefja býður Evatran nú þegar upp
á lausnir fyrir Nissan Leaf, Chevrolet Volt og Cadillac ELR. Í
næsta mánuði bætist svo Tesla Model S í þann hóp. Þó aðeins
bílarnir með drif á afturhjólum en Evatran er sagt vinna
hörðum höndum að því að koma hið fyrsta með búnað einnig
fyrir fjórhjóladrifinn Model S, Model X, Roadster og hinn
verðandi Model 3.
Kostnaður við búnaðinn, til dæmis í Noregi, liggur að jafn-
virði á bilinu 165 til 240 þúsund íslenskar krónur. Á það við
um aðra bíla en Tesla, verðið fyrir þá bíla liggur ekki fyrir.
Þráðlausa rafhleðslan byggist á 50 ampera straumi og má
koma henni fyrir bæði í bílskúr og utanhúss. Kerfið kallar
ekki á neinar breytingar á hugbúnaði bílanna.
agas@mbl.is
Þróun í hleðslu rafbíla – Hillir undir þráðlausa hleðslu
Vonir standa til að rafkaplar verði brátt úr sögunni á hleðslustöðvum rafbíla og heima í bílskúr og bílarnir hlaðnir þráðlaust.
Stanslaust – og þráðlaust – stuð
Augabrúnirnar – og líkamshár al-
mennt – risu á bílaáhugafólki þeg-
ar ofurbílaframleiðandinn Pagani
kynnti óargadýr að nafni Huayra
árið 2012. Hraðamet féllu unn-
vörpum í kjölfarið og bíllinn þótti
almennt með því albrjálaðasta sem
hægt var að kaupa, ætti fólk á ann-
að borð milljónir dollara til bíla-
kaupa.
0,65 hestafl á hvert kíló
Rétt eins og Pagani Huayra
toppaði forverann, Pagani Zonda
(að flestra mati alltént, þó sumir
séu alltaf hrifnastir af þeim gamla
sem kom fram á sjónarsviðið 2005)
þá er Pagani Huayra BC klárlega
bíll sem toppar 2012 árgerðina. Á
það bæði við um bílinn sjálfan og
svo verðmiðann. 2016 árgerðin af
Pagani Huayra BC er 789 hestafla
tæki sem auk aflsins vigtar ótrú-
lega lítið, eða aðeins 1,218 kíló,
þökk sé yfirbyggingu úr nýrri
gerð koltrefja. Það gefur hlutfallið
0,65 hestafl á hvert kíló! Ekki þarf
því að koma á óvart að Huayra BC
fer upp í 100 km/klst. á sléttum 3
sekúndum.
Ekki hefur verið gefið út op-
inberlega hversu mörg eintök
verða smíðuð alls en þeir 20 bílar
sem þegar hafa verið framleiddir
eru allir seldir. Ekki virðist verðið
hamla eftirspurn en eintakið fer á
2,6 milljónir dollara, eða sem nem-
ur um 322 milljónum króna. Það
þarf væna innborgun til ef mein-
ingin er að dreifa restinni á hefð-
bundið 72 mánaða bílalán.
jonagnar@mbl.is
Nærri 800 hestafla vél þýðir að stíga þarf varlega á bensíngjöfina.
Huayra virðist bara verða vígalegri þegar allar hurðir og húdd eru opnuð.
Lengi getur gott gengið af göflunum
Betrumbættur Huayra
á litlar 320 milljónir
Maður er nefndur Paolo Tesio.
Hann útskrifaðist frá Tórínóhá-
skóla árið 1973 með gráðu í bíla-,
samgöngu- og iðnhönnun og hefur
einna helst unnið sér til frægðar að
hafa endurhannað og betrumbætt
eintök af hinu goðsagnakennda og
geysivinsæla vélhjóli, Ducati Mons-
ter. Frægð hans er talsverð og þeg-
ar nýjasta hugmynd hans, Ducati
Monster of Ice, er skoðuð blasir við
hvers vegna. Hjólið er ekkert
minna en rosalegt.
„Meiri snjó, meiri snjó …“
Í tilkynningu frá Ducati segir að
Tesio þekki Ducati Monster-hjólin
út og inn og hafi því ekki rennt
blint í sjóinn þegar kom að því að
sérútbúa eitt slíkt fyrir vetrarhörk-
ur og frostkaldar aðstæður. Víst er
að Vetur konungur hugsar sig
Með Ducati Monster of Ice geta jólasveinarnir heldur betur komist hratt til byggða þó snjói.
Hversu ógurleg geta Ducati-mótorhjól orðið?
Snjóskrímslið bíður
þess að tækla veturinn
tvisvar um standi hann andspænis
þessu tryllitæki því Monster of Ice
er heil 160 hestöfl. Til að halda því
gangandi – og í jafnvægi á ísnum –
er afturdekkið töluvert umfangs-
meira og hafi lesendur ekki tekið
eftir því þá er hjólið á frekar vold-
ugum nagladekkjum. Hjólið er enn
á hugmyndastigi en maður lifandi,
hvað þetta er fín hugmynd.
jonagnar@mbl.is