Morgunblaðið - 12.04.2016, Side 20

20 | MORGUNBLAÐIÐ
H
ermann Karlsson, varð-
stjóri hjá lögreglustjór-
anum á Norðurlandi
eystra, segir það einkum
á sumrin sem villt dýr og búfénaður
verður fyrir bílum. Algengast er að á
borð lögreglunnar úti á landi rati til-
vik þar sem ekið hefur verið á sauðfé
en einstaka sinnum á nautgripi og
hross, eða hreindýr þegar komið er
austur á land. „Það fyrsta sem öku-
maður þarf að athuga er hvort dýrið
hefur drepist við höggið eða er enn
lifandi, og mótast framhaldið af því.
Ef dýrið er sýnilega sært og slasað
þarf að láta vita af því án tafar og
hafa samband við 112. Símtalinu er
svo miðlað til lögreglu sem gerir ráð-
stafanir og oftast komum við á stað-
inn,“ segir Hermann.
Lögreglan hefur almennt aðgang
að skotvopnum sem nota má til að af-
lífa smærri dýr á staðnum, en dýra-
læknir er oftast kallaður til ef um
stærri skepnur er að ræða. „Ef slysið
hendir fjarri lögreglustöð eða dýra-
lækni getur verið ráðlegast að leita
annarar aðstoðar, t.d. á næsta bæ,
svo dýrið þurfi ekki að þjást lengi.
Bændur eru vanir ýmsu og ættu
sumir að geta aflífað dýrið á mann-
úðlegan og fumlausan hátt.“
Ætti alltaf að láta lögreglu vita
Sauðfé og smærri dýr segir Her-
mann að drepist oftast strax við
árekstur, en stærri dýrin geti þolað
höggið betur og verið á lífi þó þau
meiðist illa. „Það ætti að tilkynna
lögreglu um slysið hvort sem dýrið er
dautt eður ei, og ef um er að ræða
dýr sem einhver á, s.s. lamb, viljum
við að ökumaðurinn reyni að koma til
okkar upplýsingunum sem finna má
á eyrnamarki dýrsins svo við getum
fundið eigandann og látið vita af tjón-
inu.“
Ekki má gleyma að gera viðeig-
andi varúðarráðstafanir. Ef stöðva
þarf bílinn á vegi er vissara að koma
fyrir endurskinsþríhyrningi í hæfi-
legri fjarlægð og kveikja á hættu-
ljósum. „Ættu þeir sem eru á vett-
vangi slyssins líka að gæta sín á að ef
ekið hefur verið á t.d. lamb eða folald
gæti móðirin verið nærri og reynt að
bægja fólki frá afkvæminu, eða sært
dýrið reynt að verja sig.“
Brýnir Hermann fyrir lesendum
að axla ábyrgð ef þeir aka á dýr. Það
geta verið erfið spor að huga að dýr-
inu en lagaleg og siðferðisleg skylda
ökumanns er skýr. „Fólk á aðstöðva
eins fljótt og hægt er, huga að dýrinu
og láta vita í gegnum Neyðarlínuna.
Sumum finnst þeir ekki geta ráðið
við slys af þessu tagi en þá þarf oftast
ekki að bíða lengi eftir að einhver
Það versta sem hægt er að gera er að aka af vettavangi
Ef þú skyldir aka á dýr
Morgunblaðið/Ómar
Sauðfé getur verið óútreiknanlegt og gengur laust við vegi á sumum stöðum. Ef langt er í næstu lögreglustöð eða dýralækni getur verið hjálp að fá á næsta bæ ef ekið er á dýr.
Morgunblaðið/ Birkir Fannar Ha
Það er leiðinlegt að aka á dýr og getur verið erfitt. Á ökumönnum hvílir
sú skylda að huga að dýrinu og grípa til viðeigandi ráðstafana.
Morgunblaðið/Billi
Katrín Harðardóttir segir kostn-
aðinn á ábyrgð eiganda dýrs.
Guðbrandur Sigurðsson segir lögregluna alltaf reyna að koma á staðinn.
Lögin eru skýr um það að ökumanni ber skylda til að grípa til viðeigandi ráðstafana ef dýr verður fyrir bílnum. Raunveruleik-
inn getur þó verið flóknari og erfitt að vita hvað á til bragðs að taka ef fugl eða fjórfætlingur drepst eða særist við árekstur.