Morgunblaðið - 15.06.2016, Page 23

MINNINGAR 23
MORGUNBLAÐIÐ MIÐVIKUDAGUR 15. JÚNÍ 2016
✝ Guðjón Guð-jónsson fædd-
ist 10. ágúst 1932.
Hann lést 18. maí
2016.
Foreldrar hans
voru Guðjón Guð-
mundsson, f. 27.9.
1894, d. 2.12. 1941,
og Steinþóra
Grímsdóttir, f.
16.4. 1896, d. 18.5.
1987.
Eftirlifandi eiginkona Guð-
jóns er Auður Ellertsdóttir, f,
21.5. 1935. Börn
þeirra eru Guðjón
Þór, f. 1.6. 1954,
eiginkona Halla
Hjaltested, f. 19.4.
1957 og Anna, f.
21.5. 1958. Barna-
börnin eru fjögur
og langafabörnin
fimm.
Útför Guðjóns
fer fram frá Há-
teigskirkju í dag,
15. júní 2016, og hefst athöfnin
klukkan 13.
Mig langar að kveðja
frænda minn með nokkrum
orðum.
Guðjón eða Addi, eins og
hann var alltaf kallaður í fjöl-
skyldunni, var yngstur þriggja
bræðra. Steingrímur sem var
elstur og Eyjólfur faðir minn
féllu frá með stuttu millibili ár-
ið 2011.
Faðir þeirra var fengsæll
skipstjóri á togaranum Sviða.
Fjölskyldan varð fyrir óbæt-
anlegu áfalli þegar togarinn
fórst með allri áhöfn árið 1941.
Bræðurnir voru þá 17, 15 og 9
ára og markaði föðurmissirinn
allt líf þeirra. Steingrímur
kláraði menntaskólann og fór í
framhaldsnám erlendis. Pabbi
byrjaði á sjónum 16 ára og fór
svo í Sjómannaskólann. Eldri
bræðurnir fluttu þannig fljótt
að heiman en Addi naut
umönnunar móður sinnar og
Siggu systur hennar. Þá um-
hyggju endurgalt hann með því
að taka þær inn á heimili sitt
síðar. Einnig hann fór ungur
að vinna, var aðeins 14 ára
þegar hann byrjaði hjá Slát-
urfélagi Suðurlands og vann
þar alla sína farsælu starfsævi.
Bræðurnir voru ólíkir og
voru ekki alltaf sammála. Allir
höfðu þeir rétt fyrir sér og
enginn gaf eftir þannig að
samskipti þeirra urðu eftir því.
En þeir voru allir yndislegir og
ég minnist þeirra með gleði og
góðar minningar í hjarta.
Addi frændi var alltaf hress
og naut þess að segja gam-
ansögur og fá fólk til að brosa
og hlæja. Ég man eftir
skemmtilegum ferðum í bú-
staðinn þeirra á Þingvöllum.
Hossast var í Land Rover-
jeppanum yfir heiðina og sát-
um við krakkarnir og Auður á
hliðarbekkjum aftur í en amma
og Sigga frænka voru frammí
hjá Adda. Boðið var upp á
súkkulaði á leiðinni. Það vildi
fara í magann hjá sumum far-
þeganna en við nöfnurnar
pískruðum, hlógum og héldum
fyrir nefið. Addi fór með okkur
út á vatnið á flotta spíttbátnum
sínum. Þá brunaði hann um
vatnið með öldugangi og
skvettum.
Fyrsta vinnan mín var hjá
Adda frænda í SS-Austurveri.
Hann var verslunarstjóri þar
og stýrði allri búðinni með
sinni glaðværð og ákveðni.
Reyndar vann öll fjölskyldan
meira og minna í búðinni hjá
honum. Ég var 12 ára þegar ég
fór að vinna í skólafríunum og
man ennþá eftir jólalögunum
sem glumdu í hátalarakerfinu
og finn eplalyktina úr ávaxta-
pökkunardeildinni.
Gamlárskvöldin eru minnis-
stæð. Eftir matinn heima var
farið inn í Sigluvog til Adda og
Auðar. Þar fékk ég í fyrsta
skipti að halda á blysi. Skít-
hrædd horfði ég á rauðar og
gular sólir spýtast út í snjóinn.
Á meðan fullorðna fólkið
spjallaði í stofunni sátum við
krakkarnir við eldhúsborðið,
spiluðum og gerðum tilraunir
með því að setja sykurmola í
kókflösku svo upp úr gaus og
froðan flæddi um allt.
Elsku frændi, takk fyrir allt
og þína væntumþykju til mín
og minnar fjölskyldu. Auði,
Gauja og Önnu og fjölskyldum
þeirra sendi ég mínar innileg-
ustu samúðarkveðjur.
Anna Eyjólfsdóttir.
Kveðja frá Kaupmanna-
samtökum Íslands
Með Guðjóni Guðjónssyni,
Gauja í SS, er mætur maður og
skemmtilegur fallinn frá. Guð-
jón var alla sína starfsævi
starfsmaður Sláturfélags Suð-
urlands og því ekki, í eiginlegri
merkingu þess orðs, kaupmað-
ur en Guðjón var mikill kaup-
maður í sér. SS gerðist aðili að
Kaupmannasamtökum Íslands,
KÍ, þegar þau voru stofnuð og
var með verslanir sínar í Fé-
lagi kjötverslana. Guðjón var
svo tengiliður SS innan KÍ.
Þeir voru reyndar tveir í því
hlutverki, hinn var Jóhannes
Jónsson, síðar stofnandi Bón-
uss, en á undan þeim faðir Jó-
hannesar, Jón Eyjólfsson.
Guðjón var skemmtilegur
maður, afskaplega vinamargur
og hrókur alls fagnaðar á fund-
um og hvar sem hann kom.
Hann var mjög fróður um
verslun í Reykjavík, þekkti
manna best til verslunarhátta
og kunni skil á fjölmörgu
þessu tengt. Guðjón var í
verslunarstjóratíð sinni hjá SS
ævinlega settur yfir stærstu
búðirnar. Hann byrjaði, eins
og svo margir sem hjá SS
störfuðu í búðunum, í matar-
deildinni í Hafnarstræti, var á
Skólavörðustígnum hjá Lárusi
Lýðssyni og víðar, tók við búð-
inni sem SS setti á stofn á
Bræðraborgarstígnum, á Háa-
leitisbrautinni og í Glæsibæ.
Eftir að SS hætti rekstri versl-
ana varð Guðjón fulltrúi á
skrifstofum félagsins og tengi-
liður SS við kaupmenn og
verslunarstjóra, heimsótti
verslanir og gaf góð ráð við
framsetningu á vörum félags-
ins.
Nokkrir eldri kaupmenn
stofnuðu með sér fyrir mörg-
um árum klúbb, sem ber nafn-
ið Lávarðadeildin. Þar var
Guðjón auðvitað félagi. Margir
félaganna hafa nú kvatt okkur
og nú var komið að Guðjóni og
er hans sárt saknað. Þessi hóp-
ur kemur saman af og til yfir
kaffisopa og ræðir málin. Ansi
oft er þar talað um gamla tíma,
hvernig þetta og hitt var einu
sinni. Í þessum umræðum tóku
menn eftir því hvað Guðjón
hafði um málin að segja. Hann
var hafsjór af þekkingu um
menn og málefni. Við félagar
hans í Lávarðadeildinni send-
um Auði og fjölskyldu innileg-
ar samúðarkveðjur um leið og
við minnumst góðs félaga.
Fyrir nokkrum árum ákvað
stjórn KÍ að allt skjalasafn,
svo sem fundargerðabækur
samtakanna og 14 sérgreina-
félaganna, félagaskrár félag-
anna, bréf, myndir og upptök-
ur af fundum, mikill fjölda
úrklippubóka og eintök af öll-
um útg. Verslunartíðindum,
blaði KÍ og fleira, skyldi af-
hent Borgarskjalasafni
Reykjavíkur. Þetta var gert
formlega með samningi dags.
18. okt. 2010. Í þessu var ótrú-
legur fjöldi mynda sem stund-
um vandséð var, hvar, hvenær
og af hverju og jafnvel af
hverjum voru teknar. Þá var
gott að leita til Gauja og stóð
þá oft ekki á svörum hver var
á myndinni og stundum úr
hvaða verslun myndin var og
tilefni myndatökunnar.
Guðjón var sæmdur gull-
merki KÍ þann 13. maí 1995.
Guðjón var mikill áhugamaður
um bíla, átti alltaf flotta bíla,
margar „drossíur“ fyrr á árum,
oft öðruvísi en flestir áttu, en á
seinni árum voru það jepparn-
ir, hann var mikill „jeppakall“.
Ég vil fyrir hönd stjórnar
Kaupmannasamtaka Íslands
senda Auði og fjölskyldu inni-
legar samúðarkveðjur. Góður
drengur er kært kvaddur.
Ólafur Steinar Björnsson.
Guðjón
Guðjónsson
✝ Anna MaríaSamúelsdóttir
fæddist í Reykjavík
1. desember 1941.
Hún lést á hjúkr-
unarheimilinu Eiri
laugardaginn 4.
júní 2016.
Foreldrar henn-
ar voru Samúel Jó-
hannsson, prentari,
og Aletta Jóhanns-
son, húsmóðir.
Anna María á tvö systkini; Lillý
Alvildu Samúelsdóttur, f. 1932
og Karl Jóhann Samúelsson, f.
1934.
Anna María ólst upp í for-
eldrahúsum fram undir tvítugt.
Börn Önnu Maríu eru: 1) Gunn-
ar Sigurðsson, f. 1962. 2) Sam-
úel Sigurðsson, f. 1964, kvæntur
Hönnu M. Hallgrímsdóttur.
Börn þeirra eru þrjú; a) Ragna
Þóra, gift Birni Ómarssyni, b)
Sigurður Gauti og c) Brynhildur
Helga. Barnabörnin eru tvö,
Hanna Sigríður og
Þórunn Ylfa. 3)
Anna María Garð-
arsdóttir, f. 1969,
maki Jón Axel
Tómasson. Börn
þeirra eru: a) Eydís
Ýr, unnusti hennar
er Hreinn Rún-
arsson, og b) Andri
Snær. 4) Einar
Garðarsson, f.
1975, maki Karen
Ósk Óskarsdóttir. Börn þeirra
eru: a) Óskar Már og b) Ágúst
Ingi.
Anna var húsmóðir af lífi og
sál og hugsaði vel um heimilið.
Hún hafði mikinn áhuga á fal-
legum hlutum og vildi hafa
hreint og snyrtilegt í kringum
sig. Lengst af starfaði Anna
María við verslun og umönnun.
Anna María verður jarð-
sungin frá Árbæjarkirkju í dag.
15. júní 2016, og hefst athöfnin
klukkan 13.
Elsku, yndislega amma mín.
Ég sakna þín svo mikið en veit að
þú ert komin á betri stað. Takk
fyrir allar góðu stundirnar sem
við áttum saman.
Þótt líkami minn hrörni,
hann veslist upp
og á honum slokkni.
Þá lifir sál mín,
hún þakkar og fagnar,
fær frelsi, fagra hvíld.
Hún þakkar fyrir lífið
sem er fallegt og gott,
því að góður Guð
gaf mér lífið
og það tekur aldrei enda.
Ég lifi í, með og fyrir Jesú,
hann bjargaði lífi mínu.
Líf mitt mun lifa hjá Guði,
vegna Jesú,
um alla eilífð.
Þótt líkami minn hrörni
og á honum slokkni.
(Sigurbjörn Þorkelsson)
Hvíl í friði.
Þinn
Andri Snær Jónsson.
Elsku yndislega amma. Ég á
svo erfitt með að trúa að þú sért
farin frá okkur en það hlýtur að
hafa vantað glaðlyndan og ynd-
islegan engil á himnum. Aðra
skýringu get ég ekki fundið.
Ég minnist allra góðu stund-
anna sem við áttum saman.
Hvort sem það var í Hraunbæn-
um, Hveragerði, Grafarvoginum,
á Eir eða annars staðar. Þú varst
alltaf svo glöð og hlý. Jafnvel eft-
ir að þú veiktist tókst þér að
gleðja mig og alla í kringum þig
og mér þykir svo vænt um að
hafa fengið að hlúa að þér síðustu
árin þín hér á jörðinni.
Heimili þín í Hraunbænum og
Hveragerði eru mér efst í huga.
Ég elskaði að koma í heimsókn til
þín enda alltaf svo velkomin og
mikið dekrað við mann. Við
Andri, litli bróðir, lékum okkur
mikið úti í garðinum þínum í
Hveragerði og heimsóttum
hvolpa sem voru í næsta húsi. Ég
man vel eftir því hversu hrifin þú
varst af þeim enda færðu börn og
dýr þér mikla gleði.
Hjá þér fékk ég alltaf eitthvað
gott að borða og yfirleitt sætindi
sem ég fékk ekki heima hjá mér.
Ég laumaðist t.a.m. ósjaldan í
krukkuna sem þú geymdir inni í
eldhúsi en þar var kex sem mér
fannst svo gott. Tegundina man
ég enn enda borða ég þetta kex
ennþá í dag.
Allt sem þú tókst þér fyrir
hendur gerðir þú vel. Þú ólst
t.a.m. upp frábær og heilbrigð
börn. Ég vil sérstaklega þakka
þér fyrir móður mína, Önnu Mar-
íu Garðarsdóttur en ég gæti ekki
hugsað mér betri móður. Við eig-
um það allar sameiginlegt að
vera snyrtipinnar, það er alltaf
hreint í kringum okkur. Fyrir
skömmu sagði ég mömmu og
pabba frá því hversu frábært það
er að nota borðedik við húsþrifin.
Mamma og pabbi hlógu og sögðu
að þú hefðir einmitt gert það
sama og að ég hefði þetta frá þér.
Þú varst svo falleg og alltaf
svo vel til fara, elsku amma. Ég
leit svo upp til þín og geri það
enn.
Ég á eftir að sakna þín alveg
gífurlega mikið. Takk fyrir allar
góðu stundirnar okkar saman.
Þú átt alltaf stað í hjarta mínu.
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn)
Hvíl í friði.
Þín
Eydís Ýr Jónsdóttir.
Ekkert er sjálfsagt í lífinu.
Kærleikur, umburðarlyndi og
virðing fyrir öðrum gefur lífinu
gildi. Í dag kveð ég kæra vinkonu
sem ég er svo þakklát fyrir að
hafa átt samfylgd með. Anna var
vinkona í orðsins fyllstu merk-
ingu, hún var mér einstaklega
góð alla tíð. Hún hafði svo þægi-
lega nærveru, var alltaf tilbúin til
að hlusta og gefa góð ráð. Skap
hennar einkenndist af miklum
léttleika og dillandi hlátur henn-
ar var eitt af hennar sterku per-
sónueinkennum. Ég ætla að
varðveita bæði ljúfar og ljúfsárar
minningar um tryggu vinkonu
mína með stóra hjartað, við
sjáumst síðar.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka
hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að
kynnast þér.
(Ingibjörg Sigurðardóttir).
Hvíl í friði, elsku Anna mín,
þín
Erla Ólafsdóttir.
Anna María
Samúelsdóttir
Ástkær eiginmaður minn, faðir, tengdafaðir
og afi,
BJÖRN VÍKINGUR ÞÓRÐARSON,
fv. aðalgjaldkeri ÁTVR,
lést á líknardeild Landspítalans
miðvikudaginn 8. júní. Útför hefur farið
fram í kyrrþey.
.
Guðmunda Inga Guðmundsdóttir,
Anna Regína B. Nielsen,
Þórður Björnsson, Lísbet Alexandersdóttir,
Björn Víkingur Þórðarson,
Víkingur Nielsen,
Alexander Þórðarson,
Benedikt Þórðarson.
Ástkær eiginmaður minn, faðir okkar,
tengdafaðir og afi,
KRISTJÁN GUNNAR BERGÞÓRSSON,
Reykjavíkurvegi 52b,
andaðist á heimili sínu föstudaginn 10. júní
sl. Jarðarför fer fram mánudaginn 20.
júní í Víðistaðakirkju klukkan 13.
.
Sóley Örnólfsdóttir,
Birna Kristjánsdóttir, Sigurður Arnar Sigurðsson,
Erna Kristjánsdóttir, Þórður Örn Erlingsson,
Albert Þór Kristjánsson, Sigríður Sigurðardóttir,
Stefán Örn Kristjánsson, Elva Björk Kristjánsdóttir
og barnabörn.
Ástkær eiginmaður minn, stjúpfaðir,
tengdafaðir, afi og langafi,
GUNNAR SÓLNES
hæstaréttarlögmaður,
Espilundi 18,
Akureyri,
andaðist 5. júní. Jarðað verður frá Akureyrarkirkju fimmtudaginn
16. júní klukkan 13.30.
.
Margrét Kristinsdóttir,
Helga Magnúsdóttir, Þorleifur Stefánsson,
Hulda Magnúsdóttir,
Selma Aradóttir, Jóhann Freyr Jónsson,
Stefán Grétar Þorleifsson, Marina Ravn,
Saga Marie og Bastían.
Elskuleg móðir okkar, tengdamóðir, amma,
langamma og langalangamma,
KRISTBJÖRG INGIMUNDARDÓTTIR,
Grensásvegi 58,
lést á hjúkrunarheimilinu Grund
fimmtudaginn 9. júní. Útför hennar fer
fram frá Bústaðakirkju mánudaginn 20. júní klukkan 13.
.
Inga Long, Ólafur Eiríksson,
Ingimundur Vilhjálmsson, Margrét Helga Jónsdóttir,
barnabörn, langömmubörn
og langalangömmubörn.