Morgunblaðið - 30.06.2016, Page 20

20
MORGUNBLAÐIÐ FIMMTUDAGUR 30. JÚNÍ 2016
Þórunn Kristjánsdóttir
thorunn@mbl.is
Rúmlega fjögur þúsund manns
eru mætt á Landsmót hestamanna
á Hólum í Hjaltadal á þriðja degi
mótsins. Fólki fjölgar jafnt og þétt
eftir því sem líður á vikuna. Veðrið
var með besta móti í gær, þurrt og
hlýtt í veðri, og lét sólin sjá sig inn
á milli sem gladdi óneitanlega móts-
gesti. Landsmótsgestir láta vel af
svæðinu en stutt er á milli kynbóta-
brautar og aðalkeppnisvallarins.
Dagskráin var þéttskipuð í gær
og var sýnt á báðum völlum. For-
dómum kynbótahrossa lauk í gær.
Brekkan við kynbótabrautina var
þéttsetin þegar stóðhestarnir voru
sýndir enda margir sem freista
þess að koma auga á stóðhestsefni
til að leiða hryssur sínar undir.
Ekki eru margar kommur sem
skilja að efstu hrossin í hverjum
flokki. Til að mynda eru efstu hest-
ar í flokki fimm vetra stóðhesta
jafnir. Það eru þeir Valgarð frá
Kirkjubæ og Sirkus frá Garðshorni
á Þelamörk, báðir með 8,45 í aðal-
einkunn. Yfirlitssýning kynbóta-
hrossa er eftir og þá geta hrossin
hækkað.
Hrannar frá Flugumýri II stend-
ur aftur efstur eftir milliriðla.
Knapinn, Eyrún Ýr Pálsdóttir,
gerði sér lítið fyrir og reið í sömu
einkunn og í forkeppni, 9,04. Það
má segja að hún hafi neglt þetta
aftur.
„Halda áfram að hafa gaman“
„Ég ætla að halda áfram að hafa
gaman, svo kemur í ljós hvar ég
enda,“ segir Dagmar Öder Ein-
arsdóttir. Hún er knapi hryssunnar
Glóeyjar frá Halakoti. Hún og
Gústaf Ásgeir Hinriksson og Póstur
frá Litla-Dal eru jöfn inn í A-úrslit í
ungmennaflokki með einkunnina
8,66.
Dagmar segir af hógværð að ár-
angurinn hafi komið sér töluvert á
óvart. Ástæðan er sú að hún segir
hryssuna mun sterkari í íþrótta-
keppni en í gæðingakeppni. Eftir
Landsmót skilja leiðir þeirra Dag-
marar og Glóeyjar, en merin er seld
og fer úr landi fljótlega eftir mót.
Móðir Dagmarar, Svanhvít Krist-
jánsdóttir, keppti á bróður Glóeyj-
ar, Glóinn frá Halakoti, á Lands-
mótinu í B-flokki og fékk 8,54 í
einkunn í milliriðli á Landsmótinu í
gær.
Þess má geta að Glóey á fleiri
systkini sem hafa gert það gott á
keppnis- og kynbótabrautinni. Það
eru m.a. Glóðafeykir frá Halakoti
sem sigraði B-flokkinn á Landsmóti
í Reykjavík árið 2012 með eft-
irminnilegum hætti. Knapi var Ein-
ar Öder Magnússon, heitinn, faðir
Dagmarar. Þá var Glódís frá Hala-
koti í 7. sæti á síðasta Landsmóti á
Hellu í B-flokki en knapi var Svan-
hvít. Gæðingamóðir þessara hrossa
og fleiri til er Glóð frá Grjóteyri.
Morgunblaðið/Þórunn
Fjölmennt mót Rúmlega fjögur þúsund manns eru mætt á Landsmót hestamanna á Hólum í Hjaltadal. Í dag er þriðji dagur mótsins. Gleði og góð stemning einkennir samkomuna.
Eyrún negldi það aftur
 Rúmlega fjögur þúsund manns eru mætt á Landsmót hestamanna á Hólum í Hjaltadal á þriðja
degi mótsins  Tvö ungmenni efst inn í A-úrslit í ungmennaflokki
Knapi Dagmar Öder Einarsdóttir með hryssuna Glóey frá Halakoti.
„Meðeigandi minn plataði mig í
þetta en hann fékk þessa brjáluðu
hugmynd að selja veitingar á lands-
mótinu. Við erum annars í allt öðr-
um bransa, vinnum við að fóðra
rör,“ segir Stefán Ólafsson, sem er
með lítinn kaffivagn rétt við gæð-
ingakeppnisvöllinn á Landsmótinu.
Þar er hægt að fá kaffi og ýmislegt
góðgæti með því. Stefán kann vel
við sig í þessu nýja hlutverki og
segir söluna ganga prýðilega að
frátöldum gærdeginum þegar
rigndi og var heldur kalt í lofti.
„Vonandi heldur þetta áfram að
ganga svona vel það sem eftir er af
mótinu,“ segir Stefán.
Honum líst vel á mótið og segir
aðstöðuna á Hólum hafa komið sér
skemmtilega á óvart. „Ég held ég
hafi aldrei séð jafn marga á lands-
móti á mánudegi og var núna á Hól-
um,“ segir hann en Stefán hefur
farið á landsmót síðustu 22 ár og
segir það alltaf jafn skemmtilegt.
Kaffisala Stefán Ólafsson að störfum á Landsmótinu í gær.
Plataður í kaffisölu
og selur grimmt
Landsmót hestamanna 2016
Sogavegi við Réttarholtsveg
Opið kl. 9-18 virka daga | Sími 568 0990 | www.gardsapotek.is
Lágt lyfjaverð - góð þjónusta
Einkarekið apótek
Söluaðilar:
10-11, Hagkaup, Iceland verslanir, Kostur, Kvosin, Melabúðin, Nettó,
Samkaup, Pure Food Hall flugstöðinni Keflavík, Sunnubúðin.
Graflaxinn okkar hlaut 1. verðlaun!
Grafinn með
einstakri
kryddblöndu
hefur þú smakkað hann?
2 0 1 6
Vörukarfa ASÍ
hefur hækkað í
átta verslunum
frá því í febrúar
þar til nú um
miðjan júní. Í
þremur versl-
unum hefur
vörukarfan
lækkað, mest um
1,5% hjá Krón-
unni og um 1,4%
hjá Bónus. Á sama tímabili hefur
matur og drykkur hækkað um 0,4%
í vísitölu neysluverðs.
Þetta kemur fram í tilkynningu
frá Alþýðusambandi Íslands.
Mesta hækkunin á vörukörfunni
var hjá Iceland, eða 3,2%, 2,8% hjá
Hagkaupum, um 2,5% hjá 10/11 og
um 1,5% hjá Nettó en minna hjá
Samkaupum-Úrvali, Samkaupum-
Strax, Víði og Kjarval eða undir
0,6%.
Vörukarfan hækkað
í átta verslunum
Verð Matvörur
hækka um 0,4%