Morgunblaðið - 06.07.2016, Side 6

6 FRÉTTIRInnlent
MORGUNBLAÐIÐ MIÐVIKUDAGUR 6. JÚLÍ 2016
Árni Grétar Finnsson
agf@mbl.is
Fjarskiptafyrirtæki munu hætta
með sérstaka verðskrá fyrir notkun
farsíma og annarra fartækja í reiki
innan EES-svæðisins eftir 1. ágúst
næstkomandi. Þess í stað mun verð
fyrir þjónustuna verða samkvæmt
innanlandsverðskrá þeirrar áskrift-
ar sem hver viðskiptavinur hefur
hjá sínu farsímafyrirtæki að við-
bættu sérstöku álagi. Þetta þýðir að
ef farsímanotandi er staddur í
Þýskalandi og hringir í annan far-
síma í Þýskalandi, eða í einhverju
öðru landi innan EES-svæðisins,
mun hann greiða samkvæmt innan-
landsverðskrá síns farsímafyrirtæk-
is á Íslandi. Á gjaldið leggjast fimm
evrusent, eða 8,71 kr. álag sam-
kvæmt gengi sem fest hefur verið til
1. júlí árið 2017.
Í tilkynningu frá Póst- og
fjarskiptastofnun segir að hér sé um
umtalsverðar breytingar að ræða
þar sem fallið sé frá því hámarks-
verði fyrir reiki sem gilt hafi undan-
farin ár. Því verði í flestum tiflellum
ódýrara fyrir farsímanotendur að
nota símann eða önnur fartæki inn-
an EES-svæðisins.
Álag vegna notkunar í reiki verð-
ur þannig að hringingar munu kosta
8,71 krónu, álag fyrir að svara sím-
tali verður 1,98 krónur og álag
vegna SMS-sendinga verður 3,48
krónur en frítt verður að taka á móti
SMS-skilaboðum. Þá verður álag
vegna gagnanotkunar 8,71 króna
fyrir hvert megabæt. Einnig verður
fjarskiptafyrirtækjum áfram skylt
að senda viðskiptavinum sínum við-
vörun vegna gagnanotkunar, og því
fá þeir viðvörun þegar kostnaðurinn
nemur 80% af hámarki.
Góðar fréttir fyrir neytendur
Gunnhildur Arna Gunnarsdóttir,
upplýsingafulltrúi Símans, fagnar
breytingunum. „Þetta eru afar góð-
ar fréttir fyrir neytendur á faralds-
fæti um EES-ríki. Á örfáum árum
höfðum við séð verð fyrir farsíma-
notkun um þessi lönd snarlækka. Í
þessu skrefi mun verð innanlands
gilda í EES-ríkjum að viðbættu
álagi,“ segir Gunnhildur og bætir
við að á næsta ári muni álagið falla
niður og því muni sama verð gilda
hér heima og í EES-ríkjunum.
„Farsíminn er orðinn hluti af okkur
og nauðsynlegur samferðamaður í
lífinu. Það er því frábært að geta
notað símann í EES-ríkjunum rétt
eins og við værum hér heima og
leyft vinum og ættingjum að upplifa
ferðina með okkur í gegnum sam-
félagsmiðla,“ segir Gunnhildur.
Verð hefur lækkað um 85%
Gunnhildur segir að margir sem
eru í þjónustuleiðum Símans með
innifalinni notkun greiði eftir breyt-
ingarnar 8,71 krónu aukalega á mín-
útuna, en annars um 31 krónu.
„Upphafsgjöld eru horfin og verð
fyrir að móttaka símtöl hefur lækk-
að um 85% á þremur árum úr 13,5
krónur í tæpar tvær. Gagnamagns-
notkun hefur snarlækkað frá því að
hámarksverð var fyrst sett á árið
2012,“ segir Gunnhildur og bætir við
svona breytingar og tæknibreyting-
ar muni alltaf hafa áhrif á tekjur
fjarskiptafyrirtækja.
Morgunblaðið/Golli
Upplifun Ljóst er að auðveldara verður fyrir fjölskyldu og vini að fylgjast með ferðalaginu eftir breytingarnar.
Mikil verðlækkun
 Verð fyrir farsímanotkun innan EES-svæðisins lækkar frá
1. ágúst  Innanlandsverðskrá mun gilda fyrir notendur
Árni Grétar Finnsson
agf@mbl.is
Kynsjúkdómar eru að sækja í sig
veðrið og þá einkum sárasótt og lek-
andi. Þetta á við hér á landi en einn-
ig annars staðar í Evrópu og vestan-
hafs. Ástæður þessa eru þær að
ónógu fjármagni er varið til forvarna
hér á landi en einnig virðist hafa orð-
ið viðhorfsbreyting til ábyrgðar í
kynlífi. Fleiri hafa greinst með sára-
sótt og lekanda hér á landi það sem
af er þessu ári heldur en á sama tíma
í fyrra.
„Þessar sýkingar eins og lek-
andi og sárasótt hafa einkum verið
að sjást hjá karlmönnum sem stunda
kynlíf með öðrum karlmönnum. Það
eru líkur á því að menn noti ekki
smokka í sama mæli og áður og það
kann að vera vegna þess að þegar
sem mest var um HIV voru menn
mjög hræddir og pössuðu sig vel, en
í seinni tíð hefur komið mjög öflug
meðferð við HIV-sýkingum sem
heldur sýkingunni niðri þannig að
menn eru mjög lítið smitandi. Það
kann að hafa leitt til meira kæru-
leysis í kynlífi og þá blossa hinir
sjúkdómarnir upp,“ segir Þórólfur
Guðnason, sóttvarnalæknir.
Sjúkdómarnir ekki útdauðir
Landlæknir hefur í forvarna-
starfi sínu aðallega leitað til áhættu-
hópa fyrir kynsjúkdóma, frætt þá
um sýkingar og hvatt til aukinnar
notkunar á smokkum og ábyrgðar í
kynlífi. „Það er líka átak í gangi, og
hefur verið í nokkur ár, um fræðslu
og fyrirbyggjandi aðgerðir í grunn-
og framhaldsskólum varðandi kyn-
sjúkdóma. Það er eitthvað sem þarf
greinilega að efla og reyna að auka
vitundarvakningu meðal fólks um
þessa sjúkdóma sem margir halda
hreinlega að séu útdauðir en eru alls
ekki,“ segir Þórólfur.
Fleiri karlmenn greinast
Það sem af er árinu 2016 hafa
16 tilfelli af sárasótt verið greind á
Íslandi, sem staðfestir umtalsverða
aukningu á undanförnum tveimur
árum, en 12 höfðu greinst á sama
tíma í fyrra. Af þessum 16 ein-
staklingum voru 14 karlmenn en
tvær konur. Fleiri tilfelli hafa
greinst af lekanda á þessu ári en á
sama tíma í fyrra, alls 32 talsins, en
flestir sem greindust eru karlmenn,
eða 86%.
Íslendingar eru
ekki nógu passa-
samir í kynlífi
 Kynsjúkdómar sækja í sig veðrið
Morgunblaðið/Sigurgeir S.
Verja Þórólfur segir smokkinn
bestu vörnina gegn sjúkdómum.
Fjöldi klamydíusýkinga var svipaður fyrstu fimm mánuði
ársins 2016 og í fyrra og kynjaskiptingin er jafnari en
hvað varðar lekandann, en um 43% hinna sýktu eru karl-
menn. „Þetta er mjög stöðugt. Það eru í kringum 2.000
tilfelli sem greinast á ári hverju. Við erum ekki að sjá
aukningu þar eins og í öðrum kynsjúkdómum,“ segir
Þórólfur Guðnason, sóttvarnalæknir. „Við viljum gjarnan
sjá þetta fara lækkandi en þetta skýrist einkum af því að
ungt fólk notar ekki verjur mjög mikið. Við verðum að
gera betur í forvörnum hvað það varðar og hvetja fólk til
ábyrgs kynlífs og svo til notkunar á verjum til að koma í
veg fyrir sjúkdóma sem geta verið skaðlegir. Smokkurinn er besta vörn-
in,“ segir Þórólfur.
Klamydíusmit standa í stað
UM 2.000 TILFELLI Á ÁRI HVERJU
Þórólfur
Guðnason
Liv Bergþórsdóttir, forstjóri Nova, segir að verð í Evr-
ópu hafi lækkað mikið síðustu ár og muni halda áfram
að lækka. „Þessar verðlækkanir hafa meðal annars gert
okkur mögulegt að bjóða mjög hagstæða ferðapakka.
Frá og með 1. ágúst mun almenn verðskrá Nova fyrir
notkun í Evrópu lækka og síðan aftur sumarið 2017
eins og Evrópureglugerðin kveður á um. Verðlækkunin
tekur gildi 1. ágúst og verður aðgengileg á heimasíðu
félagsins frá þeim tíma og kynnt viðskiptavinum,“ seg-
ir Liv.
Bára Mjöll Þórðardóttir, forstöðumaður markaðs-
mála og samskipta hjá Vodafone, segir að þrátt fyrir breytingarnar muni
þjónustuleiðin One Traveller, sem Vodafone býður upp á, áfram verða
hagstæðasti kostur fyrirtækisins. „One Traveller verður klárlega áfram
okkar besti kostur, enda er sú vara þróuð með þetta í huga og er skref í
átt að þessu,“ segir Bára, en One Traveller býðst þeim viðskiptavinum
sem kaupa bæði farsíma- og internetþjónustu frá Vodafone.
Hagstæðari þjónustuleiðir
VERÐLÆKKUNIN HEFUR ÁHRIF HÉR Á LANDI
Liv
Bergþórsdóttir
Guðni Ágústsson, fyrrverandi land-
búnaðarráðherra, mun tala um hetj-
una Skarphéðin Njálsson í kvöld-
göngu á Þingvöllum annað kvöld,
fimmtudaginn 7. júlí. Gangan hefst
uppi á Hakinu klukkan 20.00 og
henni lýkur við Þingvallakirkju.
„Skarphéðinn sat mörg þing á
Þingvöllum með hinum vitra föður
sínum Njáli,“ sagði Guðni. „Ég ætla
að segja frá hetjunni Skarphéðni
sem á alveg gríðarlegt fylgi hér á
Suðurlandi. Menn nefndu stærstu
æskulýðshreyfinguna hér, Héraðs-
sambandið Skarphéðinn, í höfuðið á
hetjunni. Nafn hans er uppi enn og
margar sögur til af honum.“
Guðni kvaðst ætla að lýsa persónu
Skarphéðins, einkennum hans og
ýmsum atvikum sem áttu sér stað á
Þingvöllum. Ekki síst þegar deil-
urnar stóru voru á milli þeirra Berg-
þórshvolsmanna og Flosa Þórðar-
sonar á Svínafelli út af Höskuldi
Hvítanessgoða. Á endanum brenndi
Flosi Bergþórshvolsmenn inni.
Karlakór Kjalnesinga mun syngja
Öxar við ána við upphaf göngunnar,
Álfu vorrar yngsta land á Lögbergi
og Skarphéðinn í brennunni eftir
Hannes Hafstein í göngulok við gafl
Þingvallakirkju. Ásatrúarmenn í
fullum skrúða og víkingar munu fara
fyrir göngunni. „Hver veit nema ein-
hver þeirra beri Rimmugýgi (öxi
Skarphéðins),“ sagði Guðni.
Allir eru velkomnir í kvöldgöng-
una á Þingvöllum. gudni@mbl.is
Gengið í félagi
við Skarphéðin
 Kvöldganga á Þingvöllum öllum opin
Morgunblaðið/Kristinn
Sögumaðurinn Guðni Ágústsson,
fyrrverandi lanbúnaðarráðherra.
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Setjum undir á staðnum
Dráttarbeisli
undir flestar tegundir bíla