Morgunblaðið - 14.07.2016, Blaðsíða 9

FIMMTUDAGUR 14. JÚLÍ 2016 MORGUNBLAÐIÐ 9
G
ott aðgengi að háskólanámi
skiptir samfélagið miklu.
Bæði skilar slíkt nýrri
þekkingu og viðhorfum
inn í samfélagið. Hingað
kemur fólk úr öðru menningar-
umhverfi sem hefur sitt að segja.
Einnig auðveldar þetta fólki hér á
svæðinu að afla sér þekkingar með
fjarkennslu frá háskólum annars stað-
ar á landinu,“ segir Ingi Björn Guðna-
son, verkefnisstjóri hjá Háskólasetri
Vestfjarða. Starfsemin þar í bæ er
fjölbreytt og þar ber hæst meist-
aranám í haf- og strandsvæðastjórnun
sem boðið hefur verið uppá síðan 2008
og er það því orðið fast í sessi.
Skilja eðli hafs og stranda
Um tuttugu nemendur eru á hverju
ári teknir inn í strandsvæðanámið sem
er þverfaglegt og byggist einkum á
inntaki og aðferðum vistfræði, fé-
lagsfræði, hagfræði og viðskiptafræði.
Að námi loknu þekkja nemendur, seg-
ir á vefsetri háskólasetursins, eðli hafs
og stranda og hafa aðferðir og hæfi-
leika til að stýra sjálfbærri nýtingu
þeirra á valdi sínu.
„Frá því námið hóf göngu sína hafa
um 100 nemendur brautskráðst, þá
gjarnan frá Bandaríkjunum og Kan-
ada og svo Evrópu. Þetta er eiginlega
tvískipt. Úr þessum hópi eru alltaf
nokkrir sem setjast hér að og skapa
sér vinnu og framtíð hér. Gjarnan er
þetta þá fólk á aldrinum 20-30 ára, en
fólk í þeim mikilvæga aldurshóp hefur
mjög vantað í íbúasamsetningu á
þessu svæði,“ segir Ingi Björn og
heldur áfram:
„Hér settum við af stað fyrir nokkr-
um árum einstaklingsmiðað meist-
aranám í sjávartengdri nýsköpun,
sem lofar góðu. Nýsköpun einkennir
þetta samfélag eins og sést á fjölda ný-
sköpunarfyrirtækja sem hér hafa
sprottið upp, ekki síst í sjávartengdum
greinum, svo sem Kerecis, Víur og lýs-
isframleiðandinn Dropi. Þá má nefna
mjólkurbúið Örnu í Bolungarvík.
Þetta nám gefur fólki tækifæri til að
þróa nýsköpunarhugmyndir í aka-
demísku umhverfi og við vonum að
það verði innspýting á því sviði.“
Íslenska á Núpi
Ingi Björn fluttist vestur á Ísafjörð ár-
ið 2007 og hefur búið og starfað þar
nánast óslitið síðan. Hjá Háskólasetri
Vestfjarða sinnir hann margvíslegum
verkefnum. Hefur meðal annars um-
sjón með íslenskunámskeiðum fyrir
útlendinga; svo sem erlenda stúdenta
sem koma í skiptinám en vilja í upp-
hafi læra eitthvað í íslensku og komast
þannig inn í samfélagið.
„Gangurinn í þessu er sá að í ágúst
höfum við verið með þriggja vikna
stúdentanámskeið á Núpi í Dýrafirði
en einnig námskeið á Ísafirði fyrir fólk
sem er einfaldlega áhugasamt um að
kynnast landinu og tungumálinu. Á
Ísafirði hafa einnig verið í boði vik-
unámskeið og tveggja vikna námskeið
fyrir lengra komna,“ segir Ingi Björn
um námskeiðin sem eru á há-
skólastigi. Af öðrum toga eru svo al-
menn námskeið í íslensku fyrir útlend-
inga sem Fræðslumiðstöð Vestfjarða
býður en milli starfsfólks hennar og
Háskólaseturs Vestfjarða er ágætt
samstarf enda eru viðfangsefnin lík.
Báðar þessar stofnanir eru í svo-
nefndu Vestrahúsi við Suðurgötuna á
Ísafirði og margvísleg þekking-
arstarfsemi önnur.
„Síðustu vetur hafa ríflega 100
manns á hverjum vetri verið skráðir í
fjarnám við hina ýmsu háskóla en sótt
þjónustu til okkar. Margir taka aðeins
prófin hjá okkur en aðrir eru daglegir
gestir og nýta vinnuaðstöðu og sækja
tíma í háskólasetrið,“ segir Ingi Björn.
sbs@mbl.is
Nýsköpun einkennir samfélagið
Alþjóðlegt umhverfi. Háskóli í Vestrahúsinu. Skilja
sjálfbærni strandanna. Íslenska fyrir útlendinga.
Margir búsettir fyrir vestan eru nú í fjarnámi.
Morgunblaðið/Sigurjón J. Sigurðsson
Ljósmynd/Ingi Björn Guðnason
Heimsókn Nemendur í haf- og strandsvæðastjórnun fara víða um Vestfirði til
þess að kynna sér aðstæður og staðhætti. Þessi mynd var tekin í Vigurferð.
Skólamaður Tækifæri til að
þróa nýsköpunarhugmyndir í
akademísku umhverfi, segir
Ingi Björn Guðnason á Ísafirði.
isafjordur.is
Ísafjarðarbær
Stjórnsýsluhúsinu, Hafnarstræti 1 | 400 Ísafjörður
450 8000 | postur@isafjordur.is
VELKOMIN
ÁÞJÓÐVEGNR. 2VESTURÁFIRÐI
Leiðin er greið til Ísafjarðar, 450 kílómetrar frá Reykjavík og allt malbikað.