Morgunblaðið - 30.09.2016, Qupperneq 2

Þ
egar við erum að tala um mat fyrir
fyrirtæki og fyrir starfsfólk erum við
í langflestum tilfellum að bjóða það
sem kalla mætti venjulegan mat,“
segir Lukka létt í bragði þegar ég spyr hana
fyrst út í matinn sem í boði er. „Við bjóðum
auðvitað eingöngu upp á hollan mat úr góðu
og hreinu hráefni, notum hvorki unnar kjöt-
vörur, hveiti, sykur né neitt svoleiðis, en
þegar um starfsfólk fyrirtækja er að ræða
þarf maður engu að síður að passa svolítið að
vera með venjulegan mat. Karlmennirnir
vilja fá sitt kjöt og þar fram eftir götunum,“
bætir hún við. „Margir halda nefnilega að
Happ bjóði bara upp á hráfæði og grænmeti
en það er alls ekki þannig. Við leggjum
áherslu á að allir geti verið í hollustunni,
sama hvort viðkomandi er grænmetisæta
eða borðar líka kjöt og fisk.“
Áhersla á persónulega þjónustu
Lukka bendir einnig á að ef fyrirtæki kjósi
að bjóða starfsfólki sínu upp á eitthvað sér-
stakt sé minnsta málið að koma til móts við
það enda misjafn smekkur meðal fólks í
stóru fyrirtæki. Happ býður þá upp á val
fyrir þá sem eru til dæmis grænmetisætur,
vegan eða hvað sem vera skal. „Við bjóðum
því fyrirtækjum að sníða matinn eftir þeirra
þörfum. Fyrirtæki sem eru í fastri áskrift
hjá okkur láta því bara vita ef einhver vill
vera laus við hnetur, annar er vegan og þar
fram eftir götunum.“
Aðspurð segir hún ekkert lágmark á fjölda
pantana fyrir fyrirtæki enda sé eldhúsið á
Happ lipurt og sveigjanlegt. „Við leggjum
mikla áherslu á að bjóða persónulega þjón-
ustu og í raun er hægt að útbúa mat fyrir
allt niður í einn einstakling. En ef fyrirtæki
kjósa að fá matinn sendan leggst vægt send-
ingargjald á skammtinn ef hann telur færri
en tíu matarskammta. Tíu skammta og fleiri
sendum við ókeypis til fyrirtækja,“ útskýrir
Lukka. Margir sækja þó einfaldlega matinn
sjálfir og enn aðrir kjósa að skipta um um-
hverfi í hádeginu og borða matinn sinn á
veitingastað Happ við Höfðatún í Reykjavík.
Borgar sig að hafa hollan mat
Margir líta á matinn sem neytt er yfir vinnu-
daginn eins og hverja aðra magafylli og telja
að ekki skipti ýkja miklu máli hvað þeir setja
ofan í sig, svo fremi sem þeir fá sóma-
samlega máltíð þegar þeir koma heim að
vinnudegi loknum. Veruleikinn er þó alfarið
á annan veg og Lukka segir matinn í
vinnunni skipta stórmáli.
„Það er sannfæring okkar
að fólk sem borðar hollan og
næringarríkan mat á vinnu-
stað hefur færri veikindadaga
á vinnuskrá, er afkastameira
og hressara í vinnunni. Því
viljum við að fyrirtæki sem
kaupa mat hjá okkur líti ekki
á það sem kostnað heldur
einfaldlega fjárfestingu, og
það sem meira er, þetta er
ein ábatasamasta fjárfest-
ingin sem fyrirtæki geta gert
því þú færð einfaldlega orku-
meiri starfsmenn og það
skiptir bara heilmiklu máli. Ég get sagt það
hiklaust um matinn frá okkur – ef ég ætti að
lýsa honum í stuttu máli – að hann inniheld-
ur margar næringareiningar á hverja hita-
einingu. Hann er steinefna- og vítamínríkur,
trefjaríkur og þarna erum við með lykilinn
að því að borða hollan mat. Til þess þarftu
ekki endilega að vera eitthvað, eins og veg-
an, grænmetisæta eða neitt annað. Svo fremi
sem þú færð margar næringareiningar á
hverja hitaeiningu ertu í góðum málum.“
Of mikið horft á hitaeiningar
Orðið „næringareiningar“ fangar óneitan-
lega athygli undirritaðs og Lukka er því
beðin um að skýra þetta hugtak aðeins nán-
ar.
„Til að borða hollt
þurfum við ekki að
útiloka neina fæðu-
flokka. Við þurfum
bara að spyrja okkur
eftirfarandi spurningar: inniheldur hita-
einingin sem ég er að fara að borða einherja
næringu? Við erum allt of upptekin af því að
hugsa um hitaeiningar og gleymum alveg að
hugsa um næringareiningar. Ég held
persónulega að við ættum að taka það orð úr
úr orðabókinni á meðan við erum að læra að
hugsa um næringareiningar. Sama á við þeg-
ar við erum að kaupa inn matinn okkar. Þá
eigum við að hugsa sem svo: hvað er ég að fá
margar næringareiningar fyrir krónuna
mína? Við eigum ekki að horfa til ódýrasta
matarins og hugsa sem svo að þarna séum
við að fá mesta magnið af mat, því ef engin
er næringin í matnum erum við bara að
fleygja peningunum okkar. Og
heilsunni í kjölfarið, því þú
getur hæglega verið að búa
þér til kostnað vegna heilsu-
brests síðar meir á ævinni,
með því að borða ekki nógu
hollan mat.“
Matur skiptir máli
í bráð og lengd
Lukka heldur áfram: „Burtséð
frá því að okkur líður betur í
núinu ef við borðum hollan og
næringarríkan mat getur þetta
haft mikil áhrif á heilsuna
seinna meir. Við Íslendingar
erum langlíf þjóð þar sem meðalævin er um
það bil 82 ár. En meðal heilbrigð ævi er um
18 árum styttri.“
Blaðamann setur hljóðan.
„Ef við ætlum því að verja síðustu átján
árum ævi okkar við hestaheilsu verðum við
að byrja að leggja í þann banka þegar við er-
um á unga aldri. Það þýðir ekki að vakna
upp við vondan heilsubrest, 62 ára að aldri,
og ætla þá að fara að borða hollt, leggja inn
og taka upp betri siði. Við verð-
um að gera það alla tíð.“
Lukka bætir við
í gamansömum
tón að þetta sé í
rauninni ekki ósvipað hefðbundnum
bankareikningum.
„Það er í lagi að leyfa sér svo-
lítið sukk endrum og eins,
bara ef það er ekki á hverj-
um degi!“
Þá verða nefnilega
vextirnir sligandi og
gjaldþrot blasir við
fyrr en seinna.
Þennan yfir-
drátt má alls
ekki vera með
í botni frá
degi til dags!
Næringar-
ríkur matur
er ótrúlega
mettandi
Að endingu
minnir Lukka á
mikilvægi þess að
halda sér vel nærð-
um allan vinnudaginn
og nefnir í því sambandi
ýmsar lausnir hjá Happ.
„Auk þess að vera með fastan
matseðil með samlokum, pizzum, söfum
og smoothie-drykkjum erum við með rétti
dagsins, sérstaklega fyrir fyrirtæki, og það
getur verið súpa eða einhver annar hollur
réttur. Svo getur hver og einn valið það sem
honum hentar; matmenn geta beðið um
kjúklingasalat með auka kjúklingi á meðan
matgrannar konur vilja ef til
vill bara fá smoothie og hnet-
ur.“
En er hollustumaturinn
ekki örugglega nægilega
saðsamur, líka fyrir svanga
einstaklinga?
Lukku er skemmt yfir
spurningunni.
„Það kemur mönnum
oft svakalega á óvart
hvað næringarríkur
matur er mettandi.
Það sem lítur
kannski ekki út á
disknum fyrir að
vera nóg reynist
algerlega nóg. Og
þá nefna mathák-
arnir stundum að
þeim líði svolítið
skringilega því þá
langi ekki í meiri
mat, en séu samt
ekki þungir á sér
heldur fullir af orku!
Þeir eru nefnilega van-
ir því að þegar þeir séu
saddir séu þeir hálf vank-
aðir og þurfi helst að taka
því rólega um stund. En sé
maturinn aðeins léttari og
næringarríkari gerist þetta
ekki. Menn langar einfaldlega að
taka til við að vinna.“
jonagnar@mbl.is
Hollur matur hentar vinnunni betur
Allt frá stofnun hefur eldhúsið og veitingastaðurinn Happ, undir stjórn Lukku Pálsdóttur, haft það markmið að bæta heilsu og efla
lífsgæði viðskiptavina. Þetta á ekki síst við um vinnandi fólk sem langar að fá hollustumat að borða til að gera vinnudaginn léttari.
Heilbrigði „Ég get sagt það hiklaust um matinn frá okkur – ef ég ætti að lýsa honum í stuttu máli – að hann inniheldur margar næringareiningar á hverja
hitaeiningu. Svo fremi sem þú færð margar næringareiningar á hverja hitaeiningu ertu í góðum málum,“ segir Lukka Pálsdóttir, framkvæmdastjóri Happ.
Það er sannfæring
okkar að fólk sem
borðar hollan og
næringarríkan mat
á vinnustað hefur
færri veikindadaga
á vinnuskrá, er af-
kastameira og
hressara í vinnunni.
2 MORGUNBLAÐIÐ FÖSTUDAGUR 30. SEPTEMBER 2016
Útgefandi Árvakur Umsjón Jón Agnar Ólason jonagnar@mbl.is Blaðamenn Ásgeir Ingvarsson ai@mbl.is Bergljót Friðriksdóttir beggo@mbl.is Jón Agnar Ólason jonagnar@mbl.is Forsíða Getty Images/iStockphoto Prentun Landsprent ehf.