Pilsaþytur: málgagn Kvennalistans í Vestfjarðakjördæmi - 01.04.1987, Blaðsíða 7

PILSAÞYTUR
7
)i B j örnsdóttur
fyrsta sæti
í Vestfjörðum
sem aukagrein. Ég tók einnig
áfanga í ýmsum öðrum
kennslugreinum fyrir forvitni
sakir. Félagsfræði hafði ég
kynnst í Menntaskólanum í
Hamrahlíð og fannst það þá
skemmtilegasta námsgreinin á-
samt heimspekinni.
Lá leiðin síðan í kennslu?
Nei, ég var einn vetur við
uppeldis- og kennslufræðinám í
Háskólanum, og var jafnframt
við æfingakennsluí Hamrahlíð-
inni. En síðan fluttist ég hingað
vestur og hér hef ég verið síðan.
Hvernig kanntu við þig á
ísafirði?
Ég kann ágætlega við mig
hér, en ég hafði ekki kynnst
mörgum ísfirðingum, fyrr en nú
í gegnum starfið með Kvenna-
listanum. Ég kenni mjög mikið,
ekki vegna þess að mig langi til
þess, heldur er kennaraskortur-
inn svo mikill, að maður hrein-
lega neyðist til að taka að sér
meiri kennslu en maður vill.
Með svona mikilli kennslu er
ákaflega lítill tími aflögu fyrir
áhugamál og félagsstörf, og ég
hef þá frekar reynt að nýta þann
tíma með syni mínum.
Nú ert þú einstæð móðir,
hvernig finnst þér það hlutverk?
Mér finnst mjög eðlilegt að
vera einstæð móðir og það á á-
gætlega við mig. Hrafnkell son-
ur minn er orðinn fimm ára og
við mæðginin erum mjög sam-
rýmd.
Þjóðfélagið býr samt afar illa
að einstæðum mæðrum. Þeim
ætti öllum að vera gert kleift að
sjá um sig og sína af dagvinnu-
launum eingöngu. Kvennalist-
inn hefur einmitt flutt tillögur
til þingsályktunar um úrbætur
fyrir þá tekjuminnstu, t.d. um
hækkun mæðralauna og aukn-
ingu barnabóta.
Þó vil ég taka fram, að ég er
ágætlega sett miðað við margar
aðrar einstæðar mæður. Ég var
orðin 26 ára gömul, þegar ég
átti Hrafnkel og komin með á-
gæta menntun.
Þú kvenkennir son þinn,
kallar hann Sigríðarson, hvers
vegna?
Ég geri það vegna þess að það
er ég, sem el hann upp og ber
alla ábyrgð á honum.
Finnst þér þetta spilla fyrir
sambandi feðganna?
Ef þetta hefði áhrif á sam-
band þeirra, væri það léttvægt
samband og lítið í að halda.
Hvers vegna byrjaðir þú að
hafa afskipti af stjórnmálum?
Við konur getum ekki lengur
setið hjá við að móta það sam-
félag sem við búum í, sérstak-
lega á þessum válegu tímum.
Það er sótt að okkur úr öllum
áttum og ég er ósátt við þá
stefnu, sem þjóðmálin hafa
tekið.
Fyrir hverju myndir þú eink-
um beita þér á Alþingi?
Ég myndi beita mér fyrir
bættum kjörum kvenna. Allir,
sem vilja vita það, vita að kjör
kvenna eru hrikalega léleg. Það
er ekki nóg að setja jafnréttislög
og síðan búið mál, þetta er bara
ekki svona einfalt. Við verðum
að vinna að því, að lögunum sé
framfylgt.
Við gætum afsalað okkur
heimilum og börnum og náð
langt bæði í atvinnulífi og
stjórnmálum, en það er ekki
þetta, sem við viljum. Þess
vegna þurfum við að einbeita
okkur að því að skapa þjóðfé-
lag, þar sem fólki er gert kleift
að sinna fjölskyldu sinni án þess
að það komi niður á atvinnu- og
námstækifærum þess.
Þjóðfélag, þar sem virðing
fyrir lífi er meiri en virðing fyrir
peningum. Ef þetta sjónarmið
er haft að leiðarljósi í öllum
málum, held ég að flest annað
jákvætt fylgi í kjölfarið:
Afvopnun í stað hervæðingar,
umhverfisvernd og virðing fyrir
náttúrunni í stað mengunar og
rányrkju auðlinda, hagsmunir
heildarinnar í stað hagsmuna
fárra útvaldra, öflugt og vel
grundvallað atvinnulíf í stað
skammsýni í atvinnumálum,
sem ber keim af von um skjót-
fenginn gróða.
áslaug/svava/sigga.
„Við gœtum afsalað okk-
ur heimilum og börnum og
náð lángt bæði í atvinnulífi
og stjórnmálum, en það er
ekki þetta, sem við viljum. “